23/05/2026
Ҳаж мавсумининг асосий кунлари келиши билан Макка шаҳрида хавфсизлик кучайтирилди. Асосий Ҳаж кунлари Зул Ҳижжа ойининг 4–14 кунларига тўғри келади, бу йил ҳисобига кўра 21–31 май кунларидир. Яъни Мино водийсига чиққунга қадар 4 кун олдин бошланиб, ҳожилар Арафотдан қайтгандан кейин яна 4 кун давом этади. Ушбу саналар Ҳажнинг асосий кунлари ҳисобланади. Чунки Минога чиқишдан олдин қаттиқ Ҳаж амаллари учун тайёргарлик кўрилади, Ҳаж ҳақидаги билимлар ўрганилади ва такрорланади. Ҳожилар Арафотдан сўнг Муздалифада бўладилар, кейин тонг саҳарда Жамаротга отланадилар. Қурбонликлар сўйилади, сочлар олинади, тавофи ифоза қилинади. Кейин икки кун Жамаротга қатнайдилар. Ҳаж амалларини тўлиқ якунлаш учун видолашув тавофи қолади.
Нега Ҳаж мавсумида хавфсизлик жуда кучайтирилади?
Дунёнинг турли давлатларидан миллионлаб ҳожилар келади. Одам жуда кўп бўлгани учун тартиб ва хавфсизлик керак бўлади.
Тиқилинч, йўқолиш, ёнғин, касаллик ёки фавқулодда ҳолатларнинг олдини олиш учун назорат кучли бўлади.
Баъзан террор хавфи ёки турли душманлик ҳаракатлари эҳтимоли ҳам ҳисобга олинади. Баъзан ғайридинлар хавф солиши эҳтимоли ҳам назарда тутилади. Шунингдек, ҳар қандай экстремист ёки тартибсизлик қилувчи одам хавф туғдириши мумкин. Миллионлаб одам бир жойда бўлгани учун кичик муаммо ҳам катта хавфга айланиши мумкин.
Фирибгарлик, ўғирлик ёки ноқонуний ташкилий ишларга уринишлар бўлиши мумкин.
Ўтган йилларда тиқилинч ва бахтсиз ҳодисалар бўлгани учун Саудия ҳар йили назоратни кучайтиради.
Ҳаж бутун дунё эътиборида бўладиган ибодатдир, шунинг учун ҳар қандай провокациянинг олди олинади.
Барча хавфсизлик чоралари ҳожиларнинг хавфсиз ибодат қилиши учун ва эҳтимолий хавфларнинг олдини олиш учун амалга оширилади.
Саудия ҳукумати ҳожилар хавфсиз ибодат қилишлари учун камералар, текширувлар, махсус хизматлар ва катта хавфсизлик кучларидан фойдаланади.
