Surxondaryo viloyati Turizm boshqarmasi

16/06/2025

“Avitsenna” nomi ostida O‘zbekiston respublikasining sog‘lomlashtirish va tibbiyot turizmi brendi

10/06/2025

02/06/2025

Surxondaryo viloyati Turizm boshqarmasining 2025-yilga moʻljallangan korrupsiyaga qarshi kurashish Dasturi ijrosi yuzasidan joriy yilning 5-may kuni boshqarma xodimlari bilan Davlatimiz rahbarining Korrupsiyaga qarshi kurashish bo‘yicha milliy kengash yig‘ilishida berilgan vazifalar, “Manfaatlar to‘qnashuvi to‘g‘risida”gi Qonun ijrosini samarali tashkil etish maqsadida yigʻilish o‘tkazildi.
Yig‘ilishni boshqarma boshlig‘i oʻrinbosari D.Xafizov ochib berdi va yig‘ilish qatnashchilarini kun tartibidagi masalalar bilan tanishtirdi. Shuningdek, mamlakatimizda korrupsiyaga qarshi kurashish borasida muhim tashkiliy-huquqiy islohotlar amalga oshirilayotganligi, aholini huquqiy ongi va madaniyatini yuksaltirish, jamiyatda korrupsiyaga qarshi kurashish boʻyicha samarali ishlar amalga oshirilayotganligini ta’kidladi.
Xususan, Korrupsiyaga qarshi kurashish agentligi tomonidan 2024-yi1 uchun davlat organlari va tashkilotlarida korrupsiyaga qarshi kurashish ishlarining samaradorligi bo‘yicha reyting natijalarini e’lon qilinganligi hamda ushbu reyting baholash natijalari ko‘ra, Turizm qo‘mitasining 2024-yil uchun korrupsiyaga qarshi kurashish samaradorligi 82 ballni tashkil qilganligi aytib oʻtdi.

06/05/2025

O‘zbekiston Respublikasi Prezidentining “Davlat organlari va tashkilotlarining korrupsiyaga qarshi ichki nazorat boʻlinmalari mustaqilligini ta’minlash hamda faoliyati samaradorligini oshirish chora-tadbirlari toʻgʻrisida”gi qarori (PQ–147-son, 21.04.2025-y.) mazmun-mohiyatini keng yoritishga qaratilgan
ANNOTATSIYA

O‘zbekiston Respublikasi Prezidentining “Davlat organlari va tashkilotlarining korrupsiyaga qarshi ichki nazorat bo'linmalari mustaqilligini ta'minlash hamda faoliyati samaradorligini oshirish chora-tadbirlari to'g'risida”gi qarori qabul qilindi.
Qarorga ko‘ra, davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq bo‘lgan xo‘jalik jamiyatlaridagi korrupsiyaga qarshi ichki nazorat bo'linmalarining ustuvor vazifalari etib quyidagilar belgilandi, jumladan:
 korrupsiya holatlarini barvaqt aniqlash va ularning oldini olish, ularga imkon beruvchi sabab va shart-sharoitlarni bartaraf etish;
 davlat xizmatlarini ko'rsatishda korrupsiyaviy omillarni bartaraf etish, maishiy korrupsiyaning oldini olish, shu jumladan, raqamlashtirish, byurokratiyani qisqartirish bo'yicha takliflar ishlab chiqish;
 idoraviy normativ-huquqiy hujjatlarni korrupsiyaga qarshi ekspertizadan o'tkazish va yakunlari bo'yicha aniqlangan korrupsiyaviy normalarni bekor qilish bo'yicha taklif kiritish.
Korrupsiyaga qarshi ichki nazorat bo'linmalari o'z faoliyatida bevosita tashkilotning birinchi rahbariga bo'ysunadi va uning oldida hisobdor bo'ladi.
Korrupsiyaga qarshi ichki nazorat bo'linmalarini tashkil etishning minimal mezonlari tasdiqlandi.
Qarorga ko‘ra, 2027-yil 1-yanvargacha huquqiy eksperiment tariqasida quyidagilarni nazarda tutuvchi tizim joriy etiladi:
 Sog‘liqni saqlash vazirligi, Qurilish va uy-joy kommunal xo‘jaligi vazirligi, Suv xo'jaligi vazirligi, “O'zbekneftgaz” AJ hamda “O'zsuvta’minot” AJning korrupsiyaga qarshi ichki nazorat bo'linmalari rahbari lavozimiga Korrupsiyaga qarshi kurashish agentligi (Agentlik) xodimlari tayinlanadi;
 eksperiment o‘tkaziladigan tashkilotlarning korrupsiyaga qarshi ichki nazorat bo‘linmalari rahbarlari bevosita Agentlikka bo‘ysunadi;

 eksperiment o‘tkaziladigan tashkilotlarning korrupsiyaga qarshi ichki nazorat bo‘linmalari faoliyatini tashkil etish, muvofiqlashtirish va monitoring qilish Agentlik hamda eksperiment o‘tkaziladigan tashkilotlar tomonidan birgalikda amalga oshiriladi.
Agentlik davlat organlari va tashkilotlarining korrupsiyaga qarshi ichki nazorat bo‘linmalari faoliyatini muvofiqlashtirish va uslubiy ta’minlash, ularning xodimlarini stajirovka va attestasiyadan o'tkazish hamda malakasini oshirish bo'yicha maxsus vakolatli organ etib belgilandi.
2025-yil 1-iyulgacha “E-anticor.uz” da ichki nazorat bo‘linmalari rahbarlari va xodimlarining elektron reestrini yuritish, hisobotni elektron taqdim etish, anonim so‘rovnomalar o'tkazib e’lon qilish imkonini beruvchi elektron modul ishga tushiriladi.

05/05/2025

Surxondaryo viloyati Turizm boshqarmasining 2025-yilga moʻljallangan korrupsiyaga qarshi kurashish Dasturi ijrosi yuzasidan joriy yilning 1-may kuni boshqarma xodimlari bilan Davlatimiz rahbarining Korrupsiyaga qarshi kurashish bo‘yicha milliy kengash yig‘ilishida berilgan vazifalar, “Manfaatlar to‘qnashuvi to‘g‘risida”gi Qonun ijrosini samarali tashkil etish maqsadida yigʻilish o‘tkazildi.
Yig‘ilishni raislik qiluvchi viloyat Turizm boshqarmasi boshlig‘i oʻrinbosari D.Xafizov ochib, mamlakatimizda korrupsiyaga qarshi kurashish borasida muhim tashkiliy-huquqiy islohotlar amalga oshirilayotganligi, aholini huquqiy ongi va madaniyatini yuksaltirish,jamiyatda korrupsiyaga qarshi murosasiz munosabatni shakllantirishga yo‘naltirilgan tizimli chora-tadbirlar ko‘rilayotganligini alohida ta’kidladi.
Ushbu sa’yi-harakatlarning asosiy negizida “Inson qadri uchun” degan
ezgu tamoyil mujassam ekanligi,binobarin, Prezidentimiz Sh.M.Mirziyoyev “Jamiyatimizda korrupsiya,turli jinoyatlarni sodir etish va boshqa huquqbuzarlik holatlariga qarshi kurashish, ularga yo‘l qo‘ymaslik, jinoyatga jazo,albatta, muqarrar ekani to‘g‘risidagi qonun talablarini amalda ta’minlash bo‘yicha qat’iy choralar ko‘rishimiz zarur” deya ta’kidlaganliklari alohida ahamiyatga ega ekanligi aytib o‘tildi.

26/04/2025

Surxondaryoda ilk bor o‘tkaziladigan – "Tandir Fest" festivaliga marhamat!

Aziz vohadoshlar va viloyatimiz mehmonlarini joriy yil 2-3-4-may kunlari Surxondaryo viloyatining go‘zal va betakror maskani — Boysun tumanidagi "Boysun bahori" turizm majmuasida birinchi marta tashkil etilayotgan "Tandir Fest" festivaliga taklif etamiz!

Bu festival – milliy qadriyatlarimizni, boy oshpazlik an’analarimizni, xalq amaliy san’ati va madaniy merosimizni keng targ‘ib etishga qaratilgan noyob madaniy tadbirdir.

Festival dasturidan:
➖hududlardan kelgan oshpazlar ishtirokida "Tandiri go‘shti"ni tayyorlash bo‘yicha mahorat darslari;
➖milliy an’analar va xalq amaliy san’ati ko‘rgazmalari;
➖madaniy-hunarmandchilik yarmarkalari;
➖havo sharlari uchirish tadbirlari;
➖jonli kuy-qo‘shiqlar, folklor jamoalar chiqishlari hamda milliy raqslar namoyishi;
➖shuningdek, festivalning yopilish marosimida taniqli san’atkorlar ishtirokidagi galakonsert tomoshalari o‘rin olgan.

Keling, marhamat qiling, oilaviy va do‘stlaringiz bilan birgalikda xotiralarga boy, mazmunli dam oling!

⛳️Manzil: Surxondaryo viloyati, Boysun tumani, "Boysun bahori" turizm majmuasi;
📆Sana: 2025-yil 2-4-may kunlari;
📍Joylashuv: Lokatsiya ochish.

20/04/2025

Respublikadagi eng yaxshi AGTKS, AGQS va AYoQS aniqlandi

Turizm qo‘mitasi tashabbusi bilan O‘zbekiston Respublikasi bo‘yicha va har bir hududdagi aholi va turistlarga qo‘shimcha xizmatlar ko‘rsatish borasidagi faoliyatini namunaviy tarzda yo‘lga qo‘ygan AGTKS, AGQS va AYoQSlar “Quality service” sertifikatlari bilan taqdirlandi. Ularni orasida viloyatimiz tashkilotlari xam bor
Termiz shahri Everest MChJ - eng yaxshi metangaz to'ldirish stansiyasi
Termiz tumani Nodir MChJ - eng yaxshi propan gaz to'ldirish stansiyasi
Termiz tumani Namuna oil MChJ -eng yaxshi benzin to'ldirish stansiyasi

18/04/2025

📢 Aziz vohadoshlar hamda Boysun tumani aholisi!

Sizlarni 2025-yil 2-may kuni Boysun tumani, "Bibishirin" mahallasida joylashgan "Boysun bahori" turizm majmuasida O‘zbekiston xalq artisti Yulduz Usmonovaning konsert dasturiga taklif etamiz!

Murojaat uchun telefon raqamlari:
📞 +99890 011 7900;
📞 +99895 269 0100.

📍Manzil: Boysun tumani, "Bibishirin" mahallasida joylashgan "Boysun bahori" turizm majmuasi 2-may, soat 18:00.

16/04/2025

Har oyning bir shanba va yakshanbasi oila va mehnat jamoasi bilan sayohat qilish kuni etib belgilanmoqda.

16/04/2025

Tabiiy goʻzallik va sokinllik uyugʻunlashgan Boysun

15/04/2025

🇺🇳 Turizm sohasida xalqaro darajadagi mutaxassis bo‘lishni xohlaysizmi?

Sizni Xalqaro Turizm Akademiyasiga taklif qilamiz! Nufuzli xalqaro sertifikat, amaliyot va eng so‘nggi bilimlarga ega bo‘lish imkoniyatini qo‘ldan boy bermang! 2025-o‘quv yili uchun hujjatlar qabuli boshlandi!

Nega aynan Xalqaro Turizm Akademiyasi?
✨ UN Tourism va Les Roches xalqaro mehmondo‘stlik maktabi tomonidan tasdiqlangan ta’lim
✨ Nazariya va amaliyot uyg‘unligi – har bir moduldan keyin turizm kompaniyalarida amaliyot
✨ Bitiruvchilarga UN Tourism va Les Roches xalqaro sertifikati beriladi
✨ Onlayn va oflayn o‘qish imkoniyati
✨ O‘zbekiston va dunyo bo‘ylab ish topish imkoniyati

🎓 "Mehmondo‘stlik menejmenti" dasturi – 8 oyda mutaxassis bo‘ling!
Ushbu dastur mehmondo‘stlik sohasini boshqaruv nuqtai nazaridan o‘rganish imkonini beradi. Zamonaviy bilimlar va ilg‘or tajriba asosida shakllangan 8 ta modul sizga eng muhim ko‘nikmalarni o‘rgatadi!
Dastur modullari:
- Turizmning innovatsion trendlari va barqaror rivojlanish
- Biznes modellashtirish va inqirozni boshqarish
- Xalqaro kadrlar menejmenti va loyiha boshqaruvi
- Moliya, marketing va daromadlarni boshqarish
- Mehmonxona investitsiyalari va tadbirlarni boshqarish
Barcha mashg‘ulotlar zamonaviy usullar asosida o‘tiladi, Moodle platformasi orqali esa ta’lim materiallariga doimiy kirish imkoniyati mavjud.

Akademiyada talabalar uchun maxsus sharoitlar yaratilgan:
🔬 Amaliyot o‘tash uchun zamonaviy laboratoriyalar
🍷 Vino tadqiqot markazi
👨‍🍳 Oshpazlik san’ati laboratoriyasi
✈️ Aeroport va temir yo‘l xizmatlari bo‘yicha treninglar
📚 Kutubxona va sport majmualari

Kimlar hujjat topshirishi mumkin?
- Turizm sohasida faoliyat olib borayotgan mutaxassislar
- Litsey, kollej va texnikum bitiruvchilari
- Xalqaro mehmonxona tarmoqlarida ishlashni xohlovchilar

Hujjat topshirish uchun rasmiy veb-saytga tashrif buyuring:
🌐https://admissions.tourism-academy.uz/

Qo‘shimcha ma’lumotlar uchun:
📞+99866-240-67-82
📨[email protected]

🚀 Xalqaro mehmondo‘stlik sohasida yetakchi bo‘lish imkoniyatini qo‘ldan boy bermang – hoziroq ariza topshiring!