25/08/2026
Banorët e Turuçicës ngritën shqetësimet e tyre në dëgjimin publik për Projekt-Buxhetin 2027
Mbrëmë, Komuna e Podujevës zhvilloi dëgjimin publik me banorët e Orllanit dhe fshatrave përreth, në kuadër të hartimit të Projekt-Buxhetit për vitin 2027.
Në këtë dëgjim morën pjesë edhe disa banorë nga fshati Turuçicë, të cilët paraqitën kërkesat, problemet dhe shqetësimet e komunitetit tonë, duke kërkuar që projektet dhe nevojat e fshatit të merren parasysh dhe të përfshihen në Projekt-Buxhetin e vitit 2027.
Gjatë diskutimit u ngritën çështje të rëndësishme për infrastrukturën, rrugët, shërbimet publike dhe nevojat e tjera të fshatit, me synim që Turuçica të vazhdojë të përfitojë nga investimet komunale.
Një falënderim i veçantë për Nënkryetarin e Komunës së Podujevës, z. Fahri Restelica, si dhe drejtorët komunalë që ishin të pranishëm dhe na dëgjuan nga afër për hallet, kërkesat dhe nevojat e banorëve tanë. Prania dhe gatishmëria e tyre për të dëgjuar qytetarët është një hap i rëndësishëm drejt zgjidhjes së problemeve tona.
Falënderojmë Komunën e Podujevës për organizimin e dëgjimeve publike dhe hapësirën e dhënë qytetarëve për të shprehur kërkesat dhe prioritetet e tyre.
Zëri i qytetarëve duhet të dëgjohet, ndërsa kërkesat e tyre duhet të jenë pjesë e planifikimeve dhe investimeve për vitin 2027. 🤝
