21/05/2026
Të nderuar bashkëvendas,
Edhe kësaj here e kemi kandidaten tonë, drejtoreshen e QKMF-së në Viti, zonjën e nderuar Dr. Vjollca Kadolli Halili kandidate për deputete në Kuvendin e Republikës së Kosovës, të propozuar nga Kryetari i LDK-së z. Sokol Haliti dhe nga Kryesia e Degës së LDK-së në Viti.
Edhe kësaj here të bashkuar që t'i japim një mundësi për të na përfaqësuar neve, Komunën e Vitisë dhe çdo qytetar të Kosovës në Kuvendin e Republikës së Kosovës.
Më poshtë e keni postimin e zonjës Dr. Vjollca Kadolli Halili
👇👇👇
"Qytetarë të nderuar dhe simpatizantë të LDK-së,
Me propozimin e Kryetarit të LDK-së, Dega në Viti, z. Sokol Haliti, dhe të Kryesisë së Degës, edhe këtë herë jam kandiduar për deputete në Kuvendin e Republikës së Kosovës, në zgjedhjet e 7 qershorit, me numrin 36 në listën e LDK-së.
Si mjeke specialiste e Mjekësisë Familjare, drejtoreshë e QKMF-së në Viti për dy mandate, anëtare e Bordit të ShSKUK-së, 3 herë këshilltare komunale, 2 herë shefe e grupit të këshilltarëve komunal të LDK-së në Viti, pjesë aktive e kryesisë së degës së LDK-së në Viti dhe forumit të gruas, anëtare e Këshillit të Përgjithshëm të LDK-së dhe me përvojë shumëvjeçare në shërbim të qytetarëve të Vitisë dhe më gjerë, kam qenë e përkushtuar në avancimin e shëndetësisë dhe mbrojtjen e interesit të qytetarëve.
Do të angazhohem për përfaqësim të denjë të grave në shoqëri, zhvillim demokratik, forcim të institucioneve të Kosovës, transparencë dhe llogaridhënie, duke sjellë zërin e qytetarëve në Parlament.
Do të jem gjithmonë në shërbim të qytetarëve dhe të vendit, për të mirën e përgjithshme".
Me respekt,
Dr. Vjollca Kadolli Halili 36 ✔️
LDK 113✔️✌️
