16/09/2026
कुटपिटबाट घाइते भएका एक पुरुषको उपचारका क्रममा मृत्यु भएको छ। दुर्गाथली गाउँपालिका–५ जाफ्रीका ५० वर्षीय झलक जप्रेलको उपचारका क्रममा मृत्यु भएको हो।
प्रहरीका अनुसार गत भदौ २२ गते साँझ करिब ७ बजे सामान्य विवादका क्रममा सोही ठाउँका २८ वर्षीय लोकेन्द्र जप्रेलले झलकमाथि कुटपिट गरेका थिए। कुटपिटबाट घाइते झलकको धनगढीस्थित केयर टेकर अस्पतालमा उपचार भइरहेको थियो।
उपचारकै क्रममा भदौ ३१ गते बिहान ७ः५० बजे चिकित्सकले झलकलाई मृत घोषणा गरेका प्रहरीले जनाएको छ। घटनामा संलग्न रहेको आरोपमा लोकेन्द्र जप्रेललाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
