شنطة سفر shantet safar

09/05/2022

09/03/2022

نفسك تزور لبنان 🇱🇧 اعرف ‎تفاصيل رحلتنا للبنان "مارس ٢٠٢٢ من ٢٣ مارس و العودة يوم ٢٨ مارس
‏‎"٥ ليالي ٦ ايام"
هتزور قلعة بيبلوس ومينا جبيل ومغارة جعيتا حريصا وجبل الشوف وغابات الارز وقصر موسي ودير القمر ووادي قاديشا وجبل الاربيعن وبحيرة بنشعى والباترون
‏‎الرحلة شاملة الطيران من القاهرة لبيروت والعودة.
‏‎- الاقامة بالفطار 5 ليالى فى فندق WH فى الحمرا.
‏‎- البرنامج المذكور بالكامل ماعدا الانشطة الاختيارية ( السفارى والبارجليدينج) .
‏‎-الانتقلات من المطار والعودة والإنتقالات طوال البرنامج.
‏‎- تذاكر دخول كافة المزارت الموجودة فى البرنامج
‏‎ملاحظات للسفر

18/02/2022

our honeymooners say Good morning from Maldives

11/02/2022

‎ ‎تفاصيل رحلتنا للبنان "مارس ٢٠٢٢"

‎الرحلة حتكون يوم 23 مارس و العودة يوم ٢٨ مارس
‎"٥ ليالي ٦ ايام"

‎الاقامة في فندق WH hotel
‎في منطقة الحمرا واحد من اشهر الشوارع في بيروت

‎البرنامج

‎اليوم الاول :
‎-الوصول لمطار رفيق الحريري في بيروت و التحرك للفندق
‎-حنعمل check in في الفندق و ننزل علي طول عشان نبدأ نتفسح
‎-اول حاجة حنعملها اننا حنروح ناكل واحد من احلي ساندوتشات الشاورما اللي حتاكلها في حياتك
‎-بعدها حنتحرك نروح قلعة بيبلوس و دي علي بعد ساعة إلا ربع من بيروت
‎-هناك حنزور القلعة و ناخد صورنا هناك و ننزل بعدها علي السوق القديم
‎-و بعد كده نروح علي مينا جبيل و بعد كده نرجع بيروت

‎اليوم التاني :-
‎-حنتحرك الصبح بدري عشان نروح Faraya .. واحد من اشهر الجبال في لبنان و نروح نركب عربيات الجليد و نتصور في التلج

‎-بعدها حننزل نروح مغارة جعيتا .. واحدة من الاماكن الخيالية في لبنان .. مغارة جوا الجبل عمرها مئات السنين
‎-بعدين ننزل و نروح حريصا .. نزور The Lady of Lebanon .. و نستمتع بالمنظر الخرافي للبنان
‎-و نركب التليفريك الشهير هناك "تليفريك حريصا" و ده حينزلنا في مدينة جونيه
‎-حنتمشي هناك شوية و نقعد ناكل في مطعم من عشرات المطاعم هناك

‎اليوم التالت :-

‎اليوم ده حنشرب و ناكل حاجة خفيفة اوي في الفندق عشان حنروح نفطر في مكان عالي اوي في منطقة اسمها "جبل الشوف"

‎-حنخلض فطارنا هناك و نطلع "غابات ارز الباروكة" و نتمشي هناك و نتصور كتييير لإن الغابة دي حتبقي كلها شجر ارز مع التلج .. مناظر خرافية بالمعني الحرفي

‎-نخلص و ننزل نروح علي قصر موسي و نعرف ايه قصة القصر ده

‎و اخيرا نزور "دير القمر" .. قرية صغيرة في جبل الشوف و ممكن من هناك نشتري شوية Souvenirs

‎اليوم الرابع :- *شمال لبنان*

‎‏‎-حنتحرك بدري بالعربية .. حنسافر لمدة ساعتين عشان نوصل لاول وجهة لينا "غابات ارز الرب او Cedars of God
‎و دي اشهر غابات ارز في لبنان و دي اللي متاخد منها الشجرة اللي في علم لبنان

‎-من هناك حنتحرك علي وادي قديشا
‎و من وادي قاديشا عندنا Hike .. حوالي ٩٠ دقيقة مشي عشان نوصل وادي قنوبين

‎اليوم الخامس :-

‎هنبدء اليوم بجبل الاربيعن ونتصور فيه على الطيارة فى منتجع اعالى الجبال
‎كمان ممكن نجرب المرجيحة على اعلى نقطة فى الجبل

‎ وبعدها هنروح عيون السمك وننزل بعدها ناخد فلوكة فى بحيرة بنشعى

‎ونختم يومنا فى الباترون اروق مدينة فى لبنان كلها وهنشرب هناك الليموناضة

‎اليوم السادس و الاخير :-
‎جولة حرة في بيروت .. اي حد عايز يعمل Shopping او حابب يروح مكان معين سمع عنه قبل ميسافر - مطعم معين ….

‎و نرجع ناخد الشنط و نتحرك للمطار للعودة للقاهرة

‎سعر الفرد فى الغرفة الدبل 11000 جنيه ويشمل :

‎- الطيران من القاهرة لبيروت والعودة.
‎- الاقامة بالفطار 5 ليالى فى فندق WH فى الحمرا.
‎- البرنامج المذكور بالكامل ماعدا الانشطة الاختيارية ( السفارى والبارجليدينج) .
‎-الانتقلات من المطار والعودة والإنتقالات طوال البرنامج.
‎- تذاكر دخول كافة المزارت الموجودة فى البرنامج
‎ملاحظات للسفر

‎- تأشيرة لبنان يتم الحصول عليها عند الوصول لمطار بيروت ولكن يجب على كل مسافر إحضار مبلغ 2000 دولار كاش يوم السفر واظهارهم فقط عند كاونتر الطيران وعند الجوازات فى مطار لبنان.
‎- يمكن تبديل بعض أيام البرنامج أثناء الرحلة بناء على حالة الطقس.

‎على جميع الركاب القادمين الى لبنان أن يخضعوا لفحصPCR عند وصولهم إلى مطار رفيق الحريري الدولي، باستثناء الأطفال دون 12 سنة ,أن يقوموا مسبقاً بدفع مبلغ 30 دولار أمريكي ليتمكنوا من الحصول على تصريح MOPH PASS يخولهم أن يخضعوا لفحص PCR فور وصولهم إلى مطار رفيق الحريري الدولي - بيروت

21/11/2019

Our guests feedback from
We Can Make Your Dream Trip Come True......

25/05/2019

لكل الناس اللي قلقانة بخصوص السفر لبالي واللي عندهم رحلات قريبة لهناك وقلقانين من التحذيرات اللي طلعت عن انفجار بركان جبل اجونج🌋 ..... اطمنوا مفيش اي حاجة البركان حصل بليل لمدة قصيرة بدون اي خسائر بالعكس المنظر كان اكتر من رائع والناس كانت قاعدة تتفرج 😎 وبعد كده كل حاجة رجعت لطبيعتها في خلال ساعات، وفعلا اتقفل المطار كام ساعة واتلغت ٤ رحلات كاحتياط طبيعي لوجود غبار بركاني في الجو ودلوقتي اتفتح تاني، وكله زي الفل البني ادمين والاوتيلات والرحلات والفيلة 🐘ودول من اهم الحاجات في بالي 😂😂 يعني باختصار محدش يلغي سفره ولا يفوت علي نفسه جمال وسحر شهر العسل في بالي 🏖 ولو في اي حاجة جدت اكييد هنقولكوا....
#بالي

07/03/2019

نفسك تسافر بلد معينة ومش عارف تزور ايه هناك ؟؟ ونفسك تحجز رحلتك من اول باب الاوتيل لحد ما تروح بارخص الاسعار .... هنساعدك تعمل ده بمنتهي السهولة من خلال Viator ده لينك اكبر مورد رحلات داخلية في العالم -مملوكة لموقع tripadvisor -وتقدر من خلاله تشوف الرحلات داخل مدينة معينة واسعارها وتقدر كمان تحجز من خلاله ببساطة وانت في بيتك بمنتهي الامان
https://www.viator.com/?accountid=T7QUFNU&mcid=58086
يلا دوسوا علي اللينك وقولولنا ايه رايكم ولو عايزين مساعدة ابعتولنا .... في انتظار رسايلكم 🤗

11/02/2019

بحكم الشغل الكتير مع Honeymooners قررنا نجاوب علي اكتر الاسئلة بتتسألنا تقريبا كل يوم ......
١- اسافر فين؟؟
ده اصعب سؤال احنا ممكن نجاوبه و دايما بنرد علي الناس بنقولهم انت متخيل شهر العسل بتاعك شكله ايه ؟؟ انت شخصيتك هادية ولا فرووك ؟؟ عايز جو رومانسي ولا فرهدة ولا شوبنج ؟؟ بس في المجمل بالرغم اننا طلعنا اماكن مختلفة في الhoneymoon زي اسطنبول ولبنان و مالديفز ونيبال و Euro trips والناس بترجع مبسوطةو كل حاجة.... الا اننا بنفضل نرشح جزيرة بالي (اندونسيا) او جزيرة بوكيت ( تايلند) لانهم فيهم كل حاجة جو رومانسي وهدوء وفي فيلا بprivate pool و مليانين رحلات فيها مغامرة وتنطيط وفيهم شوبنج حلو والبلدين رخاص بس انت وشطارتك هتصرف قد ايه عشان كله بالفصال 🤫

٢- الميزانية قد ايه ؟
ده بيترتب علي اكتر من عامل اولا انت هتسافر امتي؟؟ وقبلها باد ايه عشان نلحق اسعار طيران حلوة اللي هي تقريبا حوالي ثلثين الميزانية ده طبعا بالنسبة far east، اما بقي الفنادق احنا مش بنتنازل انك تاخد honeymoon package وتتدلع مش عشان الفلوس بس عشان انت مش مسافر كل ده وتتعامل عادي خاصة في الفيلا، بس ممكن نتفاهم في الفنادق في منها ٥نجوم و٤ نجوم بنديك اسعارهم ونسيبك تختار وبراحتك انت 🤩
٣- السؤال ده بيجي في الآخر ... ناخد ايه معانا ؟
اولا الجو استوائي يعني في مطر وحر 😎يعني اكيد لبس صيفي بس ده ميمنعاش ان ممكن تحتاج جاكيت خفيف بليل ... بس حاول واول ما توصلوا جيبوا جراب للموبايلات والكاميرا عشان تحميهم من المطر اللي شغال علي طول وده بيتباع في كل حتة ومش غالي .
ثانيا المواصلات خد معاك رخصتك 😦اه رخصة القيادة بتاعتك معترف بيها هناك وتقدر تأجر بيها فزبا🛵،وكمان نزل علي موبايلك ابليكشن اسمه "grab" ده زي اوبر وكريم كده هناك .
ثالثا الاكل: لو انت مش بتحب تجرب اكل غريب و ملكش في seafood متقلقش هتلاقي هناك مطاعم بس مش كتير بتقدم بيتزا ومكرونة وبرجر وفي كل حاجة، بس لازم تاخد معاك وادوية زي دوا معدة زي Antinal و مسكن زي Panadol ده احتياطي مش اكتر عشان في ناس مع تغيير الجو بيعيوا .
لو عندكوا اي اسئلة تانية ابعتولنا علي الصفحة و نجاوب عليها كلها😃

04/02/2019

متستناش حد يحكيلك....... روح شوف بنفسك .....سافر😎

24/06/2018

Travel with
because Money returns But Time doesn't

28/03/2017

ناس كتير بتجي تحجز رحلتها قبل الميعاد بأسبوعين تلاتة وده قليل قوي وبالذات لللسفر بره مصر وده اللي خلانا ننزل البوست ده عشان نقنعكوا انكم لازم تحجزوا لرحلتكم من بدرى وخاصة لو شهر عسل .
ودول اكتر 5 اسباب تخليك تخطط لرحلتك من بدري :)
1 - 🤑حتوفر فلوس كتير
معظم شركات الطيران و الفنادق فى العالم بتدى تخفيضات بتوصل حتى 35% لو حجزت قبل رحلتك بشهرين تلاتة وأكيد بعد غلاء الدولار احنا محتاجين نوفر كل جنيه .
2- 😎اماكن السفر حتكون كتير
فيه حاجتين تخلى السبب ده مهم. الأولى: احنا مصريين يعنى لازم نطلع فيزا لمعظم دول العالم :( .يعنى لازم ندى لنفسنا فرصة ووقت اننا نحجز ميعاد السفارة و السفارة ترد علينا 🤗أحسن ما تلاقى نفسك بتدفع غرامات الغاء حجوزات الطيران و الفنادق😫. الحاجة التانية هى امكانية الحجز, الفنادق الحلوة بتتملى بسرعة فلازم نحجز من بدرى أحسن ما تضطر تاخد الفندق المتاح اي كانت جودته رغم انك بنفس التكلفة كنت ممكن تاخد حاجة احسن.
3- 😌قلل من توترك ووفر وقتك عشان تخطط لرحلاتك
الاستعجال دايما بيعمل مشاكل فى ترتيب الرحلات يعنى ممكن تلاقى نفسك حاجز رحلتين فى نفس الميعاد, ف الاحسن انك يكون عندك وقت انك تراجع كل حاجة مرة و اتنين و تلاتة.
4- 🤓أعرف البلد
لما تحجز من قبل ما تسافر بشهرين حتلاقى نفسك تلقائيا بتقرا عن البلد و عادتها و تقاليدها عشان متروحش تلاقى نفسك فى مشكلة بسبب حاجة انت مكونتش متوقعها.
5- 👰بالنسبة للعرسان فى شهر العسل
قبل ما الميزانية تخلص 😢الاحسن انكم تحجزو قبل ما الفلوس تخلص منكم. الشقة مبتخلصش (حتفضلو بعد الجواز بسنين تشترو سجاد ونجف وحاجات من دي) لكن شهر العسل مبيتنسيش فبدل ما كنتم هتقضوه فى المالديفز 😎حتقضوه فى راس البر 😮