23/10/2024
Chithibhunga
Lona ke ngumthi owufumana kakhulu ezintabeni nasemahlathini uye ufike unabile. Lo umthi amaxesha amanintsi udalwe kumila njenge ntliziyo futhi ngaphakathi ubomvu ngokwesintu
UChithibhunga ngumthi odalelwe ukuthetha neentliziyo zabantu ingakumbi iintliziyo ezicinga okubi. Eli yeza ke lineentlobo ezinintsi zemisebenzi kodwa undoqo womsebenzi walo kukuchitha iintetha namabhunga amabi ngegama lakho.
Kubakho amaxesha kubhungwe ngawe abantu bathethe okubi ngegama lakho kodwa xa uye wasebenzisa lomthi uye ufike bekonqena bengathethi lanto bebeyithetha ngelixa ubungekho. Lomthi ngowokuxolisa iintliziyo zabantu xa ubonile ukwenzela batshintshe nokwenza xa kuphethwe igama lakho.
UChithibhunga ke uyakwazi ukusitha kwizinto ezinintsi nasebantwini abajonge ukuwisa phantsi, baye xa bekude bakubone kodwa xa bekufutshane bafike ungekho nqwa nemikhwa eyenziwa nguChithibhunga. Isimbo seliyeza kuxa ulibona ungacinga lilapha kufutshane kanti igaqa lalo likude kakhulu. Lomthi kufuneka umise ingqondo xa uwukhangela ngoba usenojika ehlathini ungawuphethanga. Lomthi funeka uwusebenzele ukuze uwufumane ngoba uba ungumntu onokholo olufutshane soze uwufumane.
UChithibhunga ke ikwanguwe nomthi olwa imigqwaliso neentlanga ezintsha. Abantu abanintsi basenowujongela phantsi lomthi kodwa ngowona unokubaluleka kakhulu eluntwini. Lomthi ngumthi woxolo nokuthula, lo ngumthi wokuthuthuzela iintliziyo zabantu. Uyavasa, uyafutha, uyatshiza, uyawufaka kwiziphondo, uyawuthambisa futhi uyawenza intsizi
Camagwini!
