ONS HOTEL

22/10/2026

Die mossie in die boom…

So doodstil sit hy,
so naby dat ek amper aan hom kan raak.

Asof God hom juis daar geplaas het om my aan iets te herinner…
As God vir hierdie klein mossie sorg, hoeveel te meer sal Hy nie vir my sorg nie?

Soms stuur God nie antwoorde met groot gebare nie, maar met 'n klein mossie wat stil in 'n boom sit.

“Moenie bang wees nie. Julle is meer werd as baie mossies.”
Matteus 10:31

'n Klein mossie.
'n Groot God.
'n Herinnering:
Ek is in Sy hande.

20/10/2026

20/10/2026

Die MOOISTE handgeverfde kaartjies deur tannie Marwil op Ons Kontreiwinkel se rak.

19/10/2026

Vars blomme op Ons Kontreiwinkel se rak.

18/10/2026

En daar sak die son, agter Aasvoëlberg in.

18/10/2026

Wanneer die troumars onverwags deur Ons Hotel se orrel weerklink…
’n Gas raak aan die sleutels,
en skielik vul die klanke ons ou gebou met nuwe herinneringe.

Want sommige gaste bly net vir ’n nag, maar ander laat ’n melodie agter wat nog lank in die hart bly speel.

Het jy ook ’n spesiale herinnering aan Ons Hotel?
Deel dit met ons in die kommentaar!

18/10/2026

ONS HOTEL se traporrel gaan groot, met 'n gas wat speel dat die stof so staan!

18/10/2026

Elke nou en dan is geen woorde nodig by 'n plasing, want woorde kan dit nie beskryf.
'n Onverwagse oornag van gaste.
En asemrowende oomblikke.

15/10/2026

Van die besige stad na stil stofpaaie,
van plaashekke tot menseharte …

Die span van Landbouweekliks reis wyd en syd om die stories van
ons land,
ons boere en
ons mense te ontdek en
met ander te deel.

Elke pad bring 'n nuwe bestemming,
elke ontmoeting 'n nuwe storie.

Hierdie keer het vier van die span se pad by Ons Hotel gekruis, om 'n rusplek vir die kop te hê.

Hulle reis die land deur om ander se stories te vertel, maar sonder dat hulle dit dalk besef, het hulle nou ook deel geword van ONS HOTEL se storie.

Dankie vir julle besoek aan ons kontrei!
Mag die stofpaaie julle nog na vele besonderse mense en mooi stories lei.

Want elke mens het 'n storie,
en elke storie laat 'n spoor.

15/10/2026

Ondersteun gerus ons buurdorp Rouxville!