30/10/2026
𝐅𝐨𝐧𝐝𝐚𝐜𝐢𝐨𝐧𝐢 𝐈𝐯𝐚𝐧𝐚𝐣 𝐧𝐞̈ 𝐘𝐨𝐮𝐭𝐡 𝐇𝐞𝐫𝐢𝐭𝐚𝐠𝐞 𝐃𝐚𝐲𝐬 𝐧𝐞̈ 𝐏𝐚𝐥𝐞𝐫𝐦𝐨! 🌍
Fondacioni Ivanaj mori pjesë në aktivitetin Youth Heritage Days, të zhvilluar në Palermo, Itali, ku u përfaqësua nga Drejtoresha e Projekteve, Mimi Kotorri.
Ky aktivitet mblodhi së bashku të rinj, profesionistë dhe përfaqësues të organizatave nga vende të ndryshme të Mesdheut, për të diskutuar mbi rëndësinë e përfshirjes së brezave të rinj në njohjen, ruajtjen dhe promovimin e trashëgimisë kulturore.
Gjatë aktivitetit, Mimi prezantoi përvojën e Fondacionit Ivanaj në fushën e kulturës dhe arsimit, duke u ndalur veçanërisht te nismat që synojnë t'i afrojnë fëmijët dhe të rinjtë me historinë, kulturën dhe traditat shqiptare. Një vëmendje e veçantë iu kushtua rëndësisë së krijimit të mundësive që të rinjtë të mos jenë vetëm pjesëmarrës në aktivitete kulturore, por edhe të kontribuojnë me idetë dhe angazhimin e tyre.
Takimi shërbeu gjithashtu si një mundësi e vlefshme për shkëmbimin e përvojave me organizata të tjera, njohjen e praktikave të mira dhe krijimin e lidhjeve të reja për bashkëpunime të ardhshme.
𝐍𝐞̈ 𝐅𝐨𝐧𝐝𝐚𝐜𝐢𝐨𝐧𝐢𝐧 𝐈𝐯𝐚𝐧𝐚𝐣 𝐛𝐞𝐬𝐨𝐣𝐦𝐞̈ 𝐬𝐞 𝐧𝐣𝐨𝐡𝐣𝐚 𝐞 𝐡𝐢𝐬𝐭𝐨𝐫𝐢𝐬𝐞̈ 𝐝𝐡𝐞 𝐤𝐮𝐥𝐭𝐮𝐫𝐞̈𝐬 𝐬𝐞̈ 𝐯𝐞𝐧𝐝𝐢𝐭 𝐪𝐞̈ 𝐧𝐞̈ 𝐦𝐨𝐬𝐡𝐞̈ 𝐭𝐞̈ 𝐡𝐞𝐫𝐬𝐡𝐦𝐞 𝐞̈𝐬𝐡𝐭𝐞̈ 𝐭𝐡𝐞𝐦𝐞𝐥𝐨𝐫𝐞 𝐩𝐞̈𝐫 𝐭𝐞̈ 𝐳𝐡𝐯𝐢𝐥𝐥𝐮𝐚𝐫 𝐧𝐝𝐣𝐞𝐧𝐣𝐞̈𝐧 𝐞 𝐩𝐞̈𝐫𝐤𝐚𝐭𝐞̈𝐬𝐢𝐬𝐞̈ 𝐝𝐡𝐞 𝐩𝐞̈𝐫𝐠𝐣𝐞𝐠𝐣𝐞̈𝐬𝐢𝐬𝐞̈ 𝐧𝐝𝐚𝐣 𝐭𝐫𝐚𝐬𝐡𝐞̈𝐠𝐢𝐦𝐢𝐬𝐞̈ 𝐬𝐨𝐧𝐞̈.
Për këtë arsye, përmes programeve dhe aktiviteteve tona, synojmë t'u krijojmë fëmijëve dhe të rinjve sa më shumë mundësi për të njohur, vlerësuar dhe përcjellë këtë trashëgimi te brezat e ardhshëm.
