23/10/2026
شانگلہ کے علاقے شاہی درہ کے بچوں کا مستقبل خطرے میں — ایک سال گزر گیا، اسکول بحال نہ ہو سکے!
ضلع شانگلہ، تحصیل مخوزی، یونین کونسل اسماعیل، ویلج کونسل کوزپاو کے علاقے شاہی درہ میں واقع گورنمنٹ گرلز پرائمری اسکول اور گورنمنٹ پرائمری اسکول لوایہ درہ گزشتہ سال 15 اگست کو آنے والے تباہ کن سیلاب کے باعث تباہ ہوگئے تھے۔
افسوس ناک امر یہ ہے کہ ایک سال گزرنے کے باوجود ان اسکولوں کے لیے اب تک متبادل جگہ پر عمارت یا تدریسی انتظامات نہیں کیے گئے۔ اس صورتِ حال میں علاقے کے بچوں، خصوصاً بچیوں، کی تعلیم شدید متاثر ہو رہی ہے۔ آخر ان معصوم بچوں کا کیا قصور ہے کہ انہیں تعلیم جیسے بنیادی حق سے محروم رکھا جا رہا ہے؟
ہم ڈپٹی کمشنر شانگلہ ڈاکٹر عباد اللہ، حبیب اللہ خان، فیصل کریم کنڈی اور راجہ خاندان سمیت تمام متعلقہ حکام اور منتخب نمائندوں سے پُرزور مطالبہ کرتے ہیں کہ اس سنگین مسئلے کا فوری نوٹس لیا جائے، متاثرہ اسکولوں کے لیے متبادل جگہ فراہم کی جائے اور ان کی بحالی کے لیے ہنگامی بنیادوں پر عملی اقدامات کیے جائیں۔
تعلیم کوئی احسان نہیں، بچوں کا بنیادی حق ہے!
شاہی درہ کے بچوں کو مزید انتظار کی سزا نہ دی جائے۔ ان کے مستقبل کو محفوظ بنانے کے لیے فوری اقدامات کیے جائیں۔
DPO Shangla
