10/08/2025
اسرار حجز رحلات الكروز 🤫, لو عاوز توفر أكتر من 50% في حجز رحلتك الجايه للكروز لازم تقرأ الموضوع ده :
1) احجز بدري أو في آخر لحظة: يا إما تحجز قبلها ب 6 شهور أو أكثر، أو في آخر اسبوعين من ميعاد السفر، في الحالتين دول ممكن تلاقي عروض أحسن. وبسعر أرخص
2) سافر في المواسم اللي فيها زحمة قليلة: بلاش تسافر في أوقات الذروة زي إجازات المدارس والأعياد. فكر تسافر في المواسم اللي بين الصيف والشتا (الربيع والخريف), عشان تلاقي أسعار أرخص.
3) خليك مرن في خط سيرك: شوف رحلات الـ "repositioning cruises" (الرحلات اللي السفينة بتتحرك فيها من منطقة لمنطقة تانية)، أو جرب تسافر من موانئ مختلفة عشان تلاقي عروض أحسن. ممكن تحجز في نفس الكروز ولكن تلاقي سعرها من ميناء لميناء بيختلف.
4) فكر في السفن الأصغر أو الأقدم: السفن الصغيرة للشركات الكبيره, عادةً تذاكرها أرخص من السفن الجديدة الكبيرة، عشان بيكون فيها خدمات وأماكن ترفيه أقل.
5) استعين بوكلاء السفر: وكلاء السفر ممكن يكون عندهم عروض حصرية ومميزات خاصة، وممكن كمان يتابعوا الأسعار وينبهوك لو فيه سعر نزل. وساعات هتلاقي عروض زي كريدت يكون معاك على الكروز أو باقات اضافيه أو حتى أبجريد متوفر مع وكيل السفر
6) تابع لو الأسعار نزلت: تابع مواقع شركات الكروز، والسوشيال ميديا بتاعتهم، واشترك في رسائلهم الإلكترونية عشان تعرف أول ما ينزلوا عروض خاصة أو الأسعار تنزل.
7) فكر في الكبائن الـ "guaranteed": انك تحجز كابينة "guaranteed" (بتاخد نوع الكابينة، بس شركة الكروز هي اللي بتحدد مكانها بالظبط) ده ممكن يكون اختيار أوفر في الفلوس. وكمان احتمال كبير يتعملك ابجريد على غرفه أعلى لو نوع الغرفه بتاعتك اتحجز بالكامل.
😎 قارن الأسعار من مصادر مختلفة: متعتمدش على موقع واحد بس أو وكيل سفر واحد. قارن الأسعار من كذا مصدر عشان تتأكد إنك بتاخد أحسن عرض.
9)خليك واخد بالك من المصاريف اللي جوه السفينة: خد في اعتبارك فلوس المشروبات، الرحلات الإضافية، باكج الانترنت, البقشيش وأي مصاريف تانية جوه السفينة لما تحسب ميزانيتك.
10) استغل العروض والخصومات: خلي عينك على عروض "الأطفال يسافروا مجاناً" أو أي عروض تانية ممكن توفر عليك فلوس. بعض الاوقات بيكون فيه عروض بتصل أنك تدفع فرد وتاخد الفرد التاني مجانا, أو ابجريد مجاني
ولو عاوز تستغل أفضل فرصة متاحه دلوقتي ممكن تطلع معانا رحله كروز البحر المتوسط اللي هتبدأ من اسطنبول وهنمر فيها على مدن الساحليه التركيه لحد ما نوصل اسكندريه ان شاء الله. متبقي أخر غرفه شباك لفردين, لو عاوز تعرف البرنامج سيب تعليق و هبعتلك كل التفاصيل.
