V a c a n z a - E g i t t o

10/10/2026

الديك الشبعان.. كيف فقدت المرأة هيبتها؟

*زمان* .. لم تكن المرأةـ🧕🏻 في حاجة إلى أي مجهود لاجتذاب الرجل .. فهو دائما مجذوب من تلقاء نفسه ..
كان مجذوبا.. يتلصص وراءها من ثقوب الأبواب .. ومن ثقوب البراقع .. ويقف ملطوعاً بالساعات في الشوارع على أمل أن يظهر ظلها من خلف شيش النافذة .. أو تظهر يدها وهي تمتد إلى القلة أو أصيص الزهر ..
؛ كان مجذوباً ..
لأنه لم يكن يعثر لها على أثر .. كان يعيش في عالم كله من الرجال ويعمل في عالم كله من الرجال ..
وكانت المرأة شيء شحيح نادر لا يظهر في الطرقات .. ولا يظهر في المدارس .. ولا في المكاتب .. وإنما يختبئ في البيوت داخل عباءات وملاءات وجلاليب طويلة ..
ولم يكن هناك طريق للوصول .. إليها سوى أن يتزوجها على سنة الله ورسوله بدون معاينة وبدون كلام كثير ..
ولم تكن المرأة في حاجة إلى ترويج بضاعتها لأنها كانت رائجة تتزاحم عليها المناكب .. ويأتيها الزواج حتى الباب ..
ولكن الظروف الآن تغيرت تماماً ..
خرجت المرأة من البيت إلى الشارع .. والحقيقة أننا نحن الذين ضحكنا عليها وأخرجناها بحجة الحرية والتحرر والنهضة النسائية .. إلى آخر اللعبة التى لعبناها لتخرج من خدرها ونتمتع برؤيتها بكم قصير .. وصدر عريان .. وأخيراً بالمايوه .. كل هذا ببلاش .. بدون زواج ..
ولم نكتف بهذا بل أزحنا عن كاهلنا نصف أعمالنا ووضعناها على أكتافها .. وتعالي جاء دورك يا شريكة العمر ..
وصرخت شريكة العمر .. فقلنا .. عيب .. فين الكفاح .. أنت إمرأة عظيمة مكافحة .. بطلة .. قديسة .. إنسانة حرة .. ولدت حرة .. وتعيشين حرة .. ولا نستطيع أن نحتكر شرف العمل والكفاح لنا وحدنا .. لقد جاء الوقت الذي تنتزعين فيه راية العمل والكفاح من أيدينا برغم أنفنا ..
والحقيقة أن الحكاية لم تحدث برغم أنفنا .. وإنما بتدبيرنا ..
ونتيجة هذا التطور، كانت نتيجة خطرة..
لقد بدأنا نشبع من رؤية النساء بالروج والشورت والمايوه..
ولم تحمل لنا الحياة الجديدة متعة الرؤية فقط .. وإنما حملت لنا أيضاً متعة أخرى هي .. الهزار.. والمزاح بحكم الزمالة في العمل ورفع الكلفة .. والجري واللعب .. وتناول الغداء معا والعشاء معا .. والذهاب إلى السينما والمشارب والمطاعم ..
وهكذا فقدت المرأة هيبتها .. وأصبحت قريبة وسهلة .. وهذه السهولة أبعدت فكرة الزواج من ذهن الشباب أكثر وأكثر ..
وعندما اصبحت المرأة تشارك الرجل في عمله وكفاحه وعرق جبينه .. أصبح لها مثله الحق في أن تروح عن نفسها وتستمتع وتقضي وقتا طيباً لذيذاً .. تنسى فيه العمل و مشاكله ..
ولكن كيف تستمتع.. والرجل لا يريد الزواج ويهرب منه ..
لا مفر إذن من أن تتنازل عن تمنعها التقليدي وتسمح له بالاقترب منها او غير ذلك .......
أعطت المرأة نفسها للرجل وهي تبكي في حرقة .. وتقول : إنها تفعل ذلك بسبب الحب والغرام له وحده .. تقول إنها لحظة ضعف .. ولن تعود .. إلا إذا كانت هناك وعود وعهود ..
ولكن الرجل الخبيث غالباً ما يسمع هذا الكلام من أذن ويخرجه من أذن أخرى .. وينام على هذه اللذة المجانية .. وينسى حكاية الزواج أكثر وأكثر....
وتثور المرأة وتهدد وتوعد .. ثم تلجأ إلى القطيعة .. ولكن الديك الشبعان ينام في الشمس ولا يحرك ساكناً ..
لقد بدأ عصر خطير في الحب .. إسمه عصر الرجل .. الرجل هو الذي بدأ يجلس الآن على عرش الدلال .. وينام على سلبية لذيذة ويترك الفتاة تجري خلفه وتغازله ..
لقد جعلوك يافتاة الإسلام
أَمَةً لهم وما تشعرين..
واعجبي..
الديك الشبعان.....
الدكتور مصطفى محمود.....

​ ​
​ ​ @أبرز المعجبين

28/09/2026

مش من حقي أخدم أم زوجي ؟!؟!
عندما يُبدع الشيخ محمد الراوي فى الجواب ويفهم المقاصد !!!!!!!
امرأة تسأل الشيخ
سؤال: زوجي يطلب مني خدمة أمه، بحجة أنها مريضة تحتاج لمن يخدمها، فهل واجب علي خدمتها؟
=-=-=-=-=-
الجواب: لاٰ يجب عليك خدمة أمه، بل خدمة أمه واجبة عليه هو، وليس له أن يلزمك بذلك.!

وانصحه بثلاٰثة حلول:
الأول: أن يأتي بأمه إلىٰ بيته ليتمكن من خدمتها بنفسه هو وأولاده الذين هم أبناؤها كذلك، فخدمتها واجبة علىٰ أحفادها كما هي واجبة علىٰ ولدها.
الثاني: إن لم يتيسر هذا الحل، فيلزمه أن يذهب هو إليها لخدمتها في مكانها، ولو تطلب الأمر أن يبيت عندها الأيام والليالي إن كانت تحتاج إلىٰ ذلك.

الثالث: إن لم يتيسر له ذلك، فيجب عليه أن يستأجر لها من تخدمها وتمرضها، وهذه النفقة واجبة عليه، فيلزمه أن يقتصد في معيشتكم علىٰ القدر الواجب في النفقة ليوفر ما يدفعه للممرضة.
وإن كان في دخوله علىٰ أمه والممرضة عندها ما يثير الحرج أو الشبهة أو الفتنة، فأنصحه بأن يتزوجها، فيجمع بين المصالح، خدمة أمه، ودفع الفتنة والشبهة عن نفسه.
وطبعا هذا من حقه، لأن نفس الشرع الذي تتمسكين بحكمه في عدم وجوب خدمة أمه عليك، هو الذي حكم له بجواز التعدد.
وخليكي أنت في بيتك معززة مكرمة لأنه لاٰ يجب عليك خدمة أمه طبعاً.

15/09/2026

05/02/2026

03/02/2026

عنده حق والله 👇
ليه "العريس اللقطة" مبقاش عايز يتجوز؟
​دلوقتي بقينا بنشوف رجالة مقتدرة وناجحة ومع ذلك قافلين باب الجواز تماماً. الموضوع مش بخل ولا خوف من المسؤولية، الموضوع ببساطة إن "الحسبة مش جايبة
همها". ودي الأسباب:

​1. المقابل ملوش قيمة
​زمان الراجل كان بيقدم أمان وماديات مقابل ست فاهمة دورها الفطري؛ أم بجد، ست بيت مش عنيدة، معندهاش خناقات "أنا مش ملزمة" ولا أفكار النسوية اللي بتبوظ البيوت. دلوقتي عشان تلاقي واحدة مش "متاحة" للكل على السوشيال ميديا، أو معندهاش "ماضي" وتقلبات فكرية، بقت عملية تدوير في إبرة وسط قش.

​2. سقف الطموحات المضروب
​الجواز ميبقاش قايم على المودة، بقى قايم على "أنا مش أقل من فلانة". البنت بقت عايزة تحقق طموحاتها اللي بتشوفها في الـ Instagram، وعايزة تنافس صحابها في الشبكة والفرح والفسح. الراجل مطلوب منه يدفع أرقام خرافية بس عشان يرضي "إيجو" البنت وصحابها.

​3. فخ "الاستحقاقية المزيفة"
​السوشيال ميديا عملت حالة غريبة؛ أي بنت عادية بقى يجيلها مئات الرسايل من "سيمبات" بيحسسوها إنها ملكة جمال، وصحابها البنات بينافقوها في الكومنتات. ده خلق عندها شعور بالاستحقاقية العالية جداً وهي معندهاش مواصفات حقيقية تقدمها، فبقت شايفة إنها تستاهل "برنس" وهي في الواقع إمكانياتها متواضعة.

​4. كتر المعروض رخص القيمة
​زي ما السوشيال ميديا بوظت الستات، أثرت على الرجالة. الراجل بقى قدامه آلاف الصور والبنات (فلاتر وميك أب وعمليات)، فمبقتش فيه بنت "مبهرة" أو مميزة لدرجة إنه يضحي بحريته وفلوسه عشانها. بقى شايف إن البدائل كتير، فمبقتش فيه "لهفة" على القفص الذهبي.

​5. الرعب من "النهايات"
​الأرقام مبتكدبش؛ حالات الطلاق عدت الـ 50%، وأغلبها خلع أو بطلب من الست. الراجل المقتدر بيحسبها: "أنا ليه أدخل مشروع احتمالية فشله نص في المية، وممكن أخسر فيه شقتي وعيالي وتحويشة عمري؟". المخاطرة بقت أعلى بكتير من المكسب.

​الخلاصة:
الجواز في نظر الرجالة التقيلة ميبقاش "سكن"، بقى "وجع دماغ ومصاريف ومخاطرة وقضايا". وزي ما بيقولوا بالبلدي كده: "المجهود اللي هتبذله عشان تعصر الليمونة، ميستاهلش نقطتين العصير اللي هيطلعوا منها".

​طبعاً لسه فيه بنات أصول وستات عاقلة، بس دول بقوا "عملة نادرة" وسط واقع مشوه.

الخلاصة 🙂🙂🙂

20/01/2026

عارفين كانو بيعرفو الست " الجارية " من " الحرة" ازاي زمان ؟

زمان، في العصور القديمة، المجتمعات كانت طبقية جداً.
كان في فرق في المعاملة بين "الست الحرة" اللي ليها أهل وقبيلة، وبين "الجارية".
والمفاجأة إن الفرق ده كان بيتعرف فوراً من اللبس! 👗

(سنة 1200 قبل الميلاد)، في القوانين الآشورية القديمة، كان في قانون صارم جداً.
الست الحرة "لازم" تلبس الحجاب، ولو "جارية" اتجرأت ولبسته عشان تبان إنها حرة، كان بيتم جلدها 50 جلدة وصب القار (الزفت) على راسها !
انتو متخيلين ! 😐
ليه؟ لأن الحجاب كان معناه "دي ست ممنوع اللمس"، كانت دي "رتبة" زي رتب الجيش، مكنش مسموح لأي حد يسرقها أو يتشبه بيها.
طب ازاي ده ؟
في روما واليونان، الستات اللي كانوا بيلبسوا طبقات كتير من القماش ومغطين جسمهم، دول كانوا "سيدات المجتمع المخملي".
الجارية كان لبسها قصير، خفيف، مكشوف الصدر أو الضهر، عشان تعرف تشيل وتحط وتشتغل في السخرة والشمس. فكان الجلد المكشوف علامة على "الشقاء والفقر".

الحرة: كانت بتلبس أمتار من القماش تقيلة وساترة، وده كان رسالة غير مباشرة بتقول: "أنا قاعدة في قصري، عندي اللي يخدمني، أنا مش محتاجة أتبذل في الشوارع." فكان الستر مرادفاً للراحة والسيادة.

وأول ما حد يشوف ست متغطية ، يعرف فوراً إنها امرأة "حرة"، يعني ممنوع حد يضايقها، أو يكلمها كلمة وحشة، أو حتى يبصلها بقلة أدب.. لأن وراها قبيلة كاملة ممكن تقلب الدنيا عشانها.
أما الجواري، فكان مسموح ليهم يظهروا بشعرهم أو بملابس عادية لأنهم "عمالة" بتشتغل في الأسواق والخدمة، فمكنش ليهم نفس "الحصانة" الاجتماعية دي.
لما جه الإسلام، كانت الجزيرة العربية فيها تداخل كبير، والتحرش بالنساء في الطرقات كان مشكلة بسبب عدم التمييز.
هنا نزل الأمر الإلهي《يُدْنِينَ عَلَيْهِنَّ مِن جَلَابِيبِهِنَّ》.
بسبب ان بعض "المنافقين" أو الشباب في المدينة بيتعرضوا للنساء بالقول في السكك ليلاً، ولما كان حد بيعاتبهم كانوا بيقولوا: "افتكرناها جارية (أمة)".

الإسلام مأمرش بالحجاب عشان "يخفي" الست، بل عشان "يظهر" صفتها كـ "حرة".
زمان، كان لازم تكوني "بنت ملك" عشان تلبسي ساتر وتُحترمي .
الإسلام جه وخلى "الدين" هو القبيلة.. يعني أي ست مسلمة، مهما كان أصلها، هي بقت "حرة" وبقت "ملكة" بنص القرآن، ويحق ليها تلبس لبس "الأميرات والحرائر" وتتمتع بنفس الحماية.
لما نزل القرآن وقال: 《ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ》، كان الهدف هو "التمييز" و "الحماية".
الإسلام مأمرش بالستر عشان يخبّي المرأة، بالعكس!
ده أمرها بيه عشان "تُعرف" بوقارها، فمحدش يتجرأ يطمع فيها أو يقلل من شأنها.
الجميل في الموضوع إيه؟ ♥️♥️
إن مع الوقت، الإسلام رسّخ فكرة إن "العفة والستر" مش حكر على طبقة معينة أو ناس أغنياء بس.. بل هي حق لكل ست.
ومع انتهاء عصر العبيد، أصبح كل نساء المسلمين "حرائر".

زمان، الست اللي كانت بتبين جسمها مكنتش بتعمل كده "تحرراً"، دي كانت "مُجبرة" لأنها جارية ، وكان جسمها مستباح للنظر والبيع والشراء.
أما الست اللي كانت بتغطي نفسها، فدي كانت بتعلن "تمردها" على إنها تكون سلعة، وبتقول: " أنا حرة، أنا لا أُرى إلا بإرادتي."
الإسلام لما فرض الستر، هو في الحقيقة أنهى عصر "الاستباحة" ونقل كل الستات لطبقة "الملكات والحرائر" ✨

11/08/2025

Types..

23/07/2025

فيه كام شغلانه في مصر موجوده بس مالهاش لازمه مش لأنها مش نافعة لأ عشان الطريقة اللي بتتقدم بيها طريقه مُهينة ومُذله

من أغرب الأمثلة
عربية القهوة اللي واقفة على الطريق كل المطلوب منك ياباشا عربية خرده وماكنة قهوة مستعملة وشوية بودي سبلاش علي كم علبه مكياج علي شويه رموش وعدسات وبنطلون محزق علشان يشد الزبون

والنتيجة؟
مشروع ماشي زى الطلقه والناس واقفة طول الوقت عليها مش عشان طعم القهوه حلو ولا عشان الخدمة لكن عشان البنت اللي بتقدمها وبتدلع عالطريق

المشكله بقي إن الرجالة اللي بيركنوا هم اللي بيساعدوا النوع ده من البيزنس انه ينجح وينتشر علشان هياخد كلمتين حلوين من البنت اللي لابسة ضيق علي كم شفطه من الطفح وهو راشق خلنا نقول في عيونها

يامعقد دا أكل عيش!!

طيب لما هو اكل عيش ايه اللي يخلي البنت تقف لنص الليل ؟
طب ليه معظمهم مش شباب ...
طب البنت دي ملهاش اهل يسألوا عليها وهي بتقف فمكان مقطوع !

الموضوع ملوش علاقه بأكل العيش لان باختصار صاحب المشروع ده عارف ان القهوة المتغلفة بشكل البنطلون الليجن هي اللي هتشدك وهتدفعك مهما كانت وحشه وصاحب المشروع ميفرقش عن اي قو.اد تاني لان هو استخدم البنت كأداه زيها زي العربيه بالظبط ورماها عالطريق تلم الغله.

عموما المشكلة مش في شغل البنت المشكلة لما الشغل يبقى مبني على جسمها مش عقلها ولما الرجالة تبقى بتوصل انها تختار المشروع الناجح على حسب امكانيات الجسم مش خبرات العقل

و متجيش تقوللي اصل هي غلبانه وبتجهز نفسها لان انت اللي غلبان