Tremuzo, Historia e Patrimonio

11/09/2026

A obra da fotógrafa e etnógafa Ruth Mathilda Anderson en Galicia constitúe unha das testemuñas visuais máis valiosas sobre a vida no noroeste da península no primeiro tercio do século XX. Enviada pola Hispanic Society of America na década dos 20, a súa misión era documentar as costumes, a indumentaria e a cultura popular. Sen embargo, o seu traballo en Galicia trasceendeu o simple rexistro gráfico, capturando con moita sensibilidade a esencia dunha sociedade rural en proceso de cambio.

Fotografiou esceas cotidianas elaborando unha obra dun valor patrimonial e etnográfico inmenso, permitindo coñecer parte da nosa historia e identidade. O legado de Anderson en Galicia non só reside na cantidade de imaxes senón na capacidade destas para construír unha memoria visual fiel, digna e detallada do noso pasado. O seu traballo constitúe un elemento clave para a recuperación, valoración e divulgación do patrimonio cultural da nosa terra. É unha ponte entre o pasado e o presente.

Dende o 9 de setembro as preto de 5.000 fotografías que Ruth Matilda Anderson tomou de Galicia están dispoñibles na web da Hispanic Society de Nova York, promotora destas expedicións e propietaria do material.

As preto de 5.000 fotografías que Ruth Matilda Anderson tomou de Galicia en diferentes viaxes ao longo dos anos 20 están xa dispoñibles na rede. O web da...

08/09/2026

COÑECE O NOSO PATRIMONIO 2026 (OUTONO) - "PASEO MAR E MONTE EN SAN COSME"‼️

🎬 Así é esta parroquia de San Cosme de Outeiro, un equilibrio entre a importancia que tivo o mar e a terra no seu devir histórico. Co monte Pedreghal coma vixia da mesma, gardando restos arqueolóxicos e surcado por quilómetros de camiños tradicionais que o vertebran e comunican moitas das aldeas, esta parroquia mira para o mar tanto coma para a terra. A Barquiña e a súa importancia ancestral para a conectividade marítima do Concello de Outes, a costa salpicada de restos de antigos estaleiros de carpintaría de ribeira, espazos naturais coma o monte da Meixoada ou a Boghalleira.

🧐A importancia da cebola e do ceboliño de San Cosme, conocidos e reconocidos máis alá da comarca e que hoxe xa non teñen a presencia de antano. Unha parroquia con moito que contar e ver, un paseo de escándalo onde se desfruta de igual maneira de camiños de monte con camiños de litoral, un pracer para os sentidos. Moitísimas gracias a toda esa xente que segue enchendo cada domingo estas andainas patrimoniais, así coma a Proteccion Civil Concello de Outes, sempre botando unha man de forma desinteresada.

Ría da Estrela

28/08/2026

😍 Alá por febreiro do 2021 xurdiu coma unha idea piloto mirar se o Concello de Outes gardaba historias que merecesen a pena traballar para poñer en valor. Resultou que tíñamos un patrimonio que pagaba a pena divulgar e dar a coñecer. O proxecto sigue vivo e siguen aparecendo cousiñas que en moitos casos estaban esquecidas, ou cando menos, eran descoñecidas para moita xente e que dalgunha maneira son parte da nosa identidade.

🧐 Este setembro comeza unha nova xeira de andainas de Outono. Convidámosvos a compartir con nós estas xornadas outenses. Lembrade que será preciso anotarse no formulario habilitado na web do concello e que se abrirá o luns anterior a cada andaina.

🔗: https://www.outes.gal/gl/axenda-local/457-conece-o-noso-patrimonio-rutas-de-outono-2026

Ría da Estrela Concello de Porto do Son Concello de Noia Concello de Mazaricos Concello de Lousame

26/08/2026

Non é extrano que sexa o lugar máis visitado da Ría da Estrela. O Castro de Baroña é máis que un xacemento arqueolóxico, é un lugar onde se sinte a historia. Un lugar único onde se mesturan de maneira máxica a historia que contan as súas rochas e a inmensidade da paisaxe onde se ubica. Marcando a entrada á Ría de Muros e Noia - Turismo xunto co impresionante Monte Louro de frente, este castro constitúe un lugar para sentir orgullo do que somos e para lembrar de onde vimos.

Concello de Porto do Son

22/08/2026

🎬DE POSTUS SINUM A PORTOSÍN‼️

😍 Ante o éxito da andaina de xullo, o Concello de Porto do Son apostaba por volver celebrar a saída para dar a coñecer a parroquia de Goiáns. A nova data volveu ter moi boa acollida, espertando de novo moito interese e facendo que a mañá do sábado fose unha experiencia moi gratificante camiñando ao redor da historia da vila mariñeira de Portosín e da parroquia de San Sadurniño de Goiáns.

🥰Moitas gracias aos participantes polo interese mostrado, así da gusto. E moitas gracias ao concello por apostar por unha actividade como esta.

🎬 Tremuzo, Historia e Patrimonio: «Ningún lugar nace por casualidade, así como tampouco nada pasa por casualidade ao longo dos séculos. Un paseíño ben interesante pola contorna deste enclave da Ría da Estrela para intentar coñecer e comprender as súas orixes, gozando dunhas espectaculares paisaxes»

17/08/2026

🌊👟🍃 Ante a gran demanda da veciñanza e visitantes, o Concello do Porto do Son, en colaboración con Tremuzo, Historia e Patrimonio, celebrará novamente a ruta guiada 𝗗𝗲 𝗣𝗼𝗿𝘁𝘂𝘀 𝗦𝗶𝗻𝘂𝗺 𝗮 𝗣𝗼𝗿𝘁𝗼𝘀𝛊́𝗻. Será o vindeiro sábado 22 de AGOSTO dende as 9:00 horas. Unha camiñada de sete quilómetros coa que descubrir unha parte esencial da historia do municipio

✨ O percorrido, de dificultade media, partirá da praza do Curro de Portosín e transcorrerá por lugares como Valcunqueiro, A Silva e San Caetano antes de regresar á praza do Curro, onde estará situada a meta

As persoas interesadas en participar na actividade deberán anotarse previamente a través do correo electrónico [email protected] ou do teléfono 636 052 463 (a través do WhatsApp) indicando o seu nome completo e un teléfono de contacto

📲 https://portodoson.gal/nova-oportunidade-para-gozar-da-ruta-guiada-de-portus-sinum-a-portosin-o-22-de-agosto/

|

14/08/2026

🧐 Lembrade que o Club de Atletismo Outes organiza o clásico no mes de setembro nun marco paisaxístico inmellorable. Neste ano 2026 chega xa á súa XX Edición e contará coas seguintes probas:

📍 Carreiras 5k e 10k
📍 Carreiras categorías inferiores
📍 Andaina Solidaria a favor de Adisbismur

😍 Achegádevos 1️⃣3️⃣ de setembro ata o Concello de Outes. Podedes facer a vosa inscrición nos seguintes enlaces,

🔗: https://www.321go.es/.../Detail/556-xxcrossdeverndebroa2026
🔗: https://clubatletismooutes.com/cross-brona/

Coa inscrición (gratuíta) en calquera das probas poderedes mercar a camiseta conmemorativa desta edición ata o 2️⃣4️⃣ de agosto. Esperámosvos en Broña.

Ría da Estrela Turismo en Outes Turismo de Noia Concello de Porto do Son Concello de Noia Concello de Lousame Concello de Muros

08/08/2026

4 anos que partiches, 4 anos lembrándoche todos os días. Fai 4 anos reflexionaba sobre os nosos maiores, os esquecidos nun mundo que vai demasiado rápido e valora en demasía a pasta e a produtividade. Unha mágoa todos os valores que quedan no camiño.

Aínda que no mundo actual, e no occidente máis, todo vai moi rápido e os avós e avoas son seres non produtivos aos que se lle presta pouca atención por moitos factores e que só recurrimos a eles como axuda para coidar fillos,... a realidade é que deberíamos valorar máis a experiencia do paso dos anos. Un día coma hoxe de fai 4 anos era para min un día de sentementos encontrados, triste por despedir a un avó que nunca olvidarei e do que aprendín miles de cousas das que nin sequera me daba conta que estaba aprendendo, pero ao mesmo tempo feliz de celebrar 96 anos dunha vida plena. Sea como fose íase unha persoa especial, unha persoa de idade que foi un fenómeno. Canto temos ou podemos aprender desta xente, aproveitemos o tempo de aprendizaxe con eles porque cando menos o esperamos vanse para non volver e en moitas ocasións quedamos cas ganas de facer miles de preguntas. Unha oda aos avós e avoas, esa xente que de non existir habería que inventar. ♥️

05/08/2026

🎯 O FREIXO FOI SALGA‼

🤓 O porto do Freixo é e foi dende fai séculos un dos puntos claves no Concello de Outes. Este porto 🏗 foi moi importante xa en tempos pasados,dende onde operaban varios armadores de Noia ante a falta de calado do peirao desta localidade do Concello de Noia. A primeira infraestrutura construida na coñecida hoxe coma ribeira do Freixo data dos anos 30 - 40 do século XX. Antigamente este fondeadoiro ao abrigo dos ventos de compoñente sur, referencia a nivel nacional no transporte de madeira, daba servizo ás naves ⛵️ comerciais que se achegaban
á praia da Corveira, onde actualmente se sitúa o porto.

🎥 A tradición conta que a poboación recibe este nome por un grande Freixo 🌳 que se situaba preto desta praia. No século XIX, aínda que o comercio principal era a madeira, tamén existía unha grande actividade relacionada coa salgadura 🏭, chegando sal dende o mediterráneo e levando produtos elaborados por estas. É sabido da importancia que esta tivo na Ría da Estrela ao longo do século XIX, con múltiples exemplos no Turismo de Noia, no Concello de Porto do Son, no Concello de Murose incluso fóra da coma o caso de Concello de Carnota. Sen embargo, non é tan sabido que as primeiras fábricas de sardiña 🐟 (coñecidas así no inicio pola importancia desta especie) se asentaron nesta poboación, xa que foi á primeira poboación á que chegaron os empresarios cataláns para asentar esta industria na ría.

📚 Os primeiros empresarios cataláns chegan a finais do século 1️⃣8️⃣ e atopan con que xa existían familias daquí dedicadas a esta actividade. Chegaron antes pola importancia do mosteiro de Sabardes 🕍 na época e pola seguridade do interior da ría, e tamén decaeu antes. A día de hoxe apenas quedan vestixios das antigas 11 fábricas que existiron, pero sí quedaron mostras do impacto paisaxístico na conformación da Ribeira, e aínda existe algunha casa habitada de herdeiros destes industriais. Algún dos apelidos ligados á salgadura, coma Poch, Montes, Batista, Godoy, Lloréns, Aguirre, Vilariño, Jover, Cóo, Roura, Domenech, Rius seguen a ter presencia na localidade. Mención especial para o Doke, aínda en pé e que era unha antiga pesqueira relacionada coa fábrica de Montes/Poch.

Turismo en Outes Ría de Muros e Noia - Turismo Fábricas de Salga de Galicia