Tremuzo, Historia e Patrimonio

08/06/2026

🎥 COÑECE O NOSO PATRIMONIO 2026 (PRIMAVERA) - SAN MIGUEL DE VALADARES E MONTES DE LANTAROU‼️

⏰ Parece que comenzaba onte o ciclo de andainas de primavera e xa van alá 6. Tocaba penúltima saída, e era turno de coñecer parte da parroquia de San Miguel de Valadares, unha parroquia outense con moito que ofrecer e unha historia máis que interesante. Coma de costume ás 9:00 da mañá o grupo reuníase ao abeiro da igrexa parroquial para dar comezo á xornada, nun día que amencía perfecto para un paseo agradable.

😍 Xa fai uns séculos, alá pola Idade Media, cando o Concello de Outes non existía coma tal e pertencía á xurisdición de Concello de Muros, Valadares chegou a ser concello rural, independizándose de facto de Muros e incluso permanecendo así nos primeiros anos da conformación do outense despois de que os Mariño de Lobeira se fixesen fortes no Castelo de Outes e se creara unha xurisdicción legal e independente ao de Muros. Di nun documento Rodrigo Pousada Diéguez que a conformación do concello rural non era de todo legal, pero era a figura onde a comunidade se reunía asambleariamente para decidir determinados aspectos da parroquia. Non existe apenas documentación sobre este feito, pero así foi ata que se integrou no de Outes. Non existía nin edificio administrativo, senón que ao parecer se reunián ao abeiro da igrexa. Con esta información iniciábamos a mañá para a continuación, dende a igrexa parroquial do século XVII comezaba a andaina, dirección ao humidal máis grande e importante do Concello, ás Brañas de Valadares.

🧐 Este humidal conforma un dos máis importantes elementos do patrimonio natural do concello, compartido co Concello de Mazaricos. Moitos dos regos e regatos da nosa contorna teñen a súa orixe nestas brañas, onde o patrimonio natural e cultural histórico viven en armonía dende tempos antergos. Castros e mámoas dan fe da presenza humana ao seu abeiro dende tempos inmemoriais. Dende aquí continuamos cara Loios, as Touzas e Mastontán, para descender por uns montes espectaculares cara o río Lantarou, un río que nace no humidal citado e alimenta ao Tins onde existen restos de 12 muíños divididos en tres tramos. Dende aquí ata as brañas de Mastontán para camiñar por uns camiños ancestrais incríbles no entorno do Rego do Lobo ou dos sete muíños, onde existen ruinas doutros 14 destes enxeños hidráulicos. Dende o rego volvemos cara a igrexa por un antigo camiño que comunicaba Valadares co entorno da capela de San Paio e dar por finalizada a xornada. Agradecer a resposta de toda esa xente que esgota as prazas cada día de andaina. E por suposto, sempre agradecido á Proteccion Civil Concello de Outes.

Ría da Estrela

29/05/2026

🏰ENTREGA PREMIOS CONCURSO DE RELATOS "O Castelo de Outes"🏰

🧐 Mañá remata o prazo de presentación de relatos para o Concurso. Esta actividade está deseñada co gallo de dar a coñecer e poñer en valor un dos elementos patrimoniais máis interesantes do Concello de Outes. Dado que se achega a data límite, anunciamos a programación para a xornada do día 13 de xuño, na que se entregarán os premios do Concurso. Como non podía ser doutra maneira, o entorno perfecto para a causa é o propio .

🎬 A xornada comezará cunha pequena andaina (será precisa inscrición previa) que nos levará ata o Pico do Castelo

📅 Domingo 13 de xuño
📍 Outes
⏰ 10:00 h
👟 4 kms

Unha vez no Castelo e despois dunha pequena interpretación do lugar, procederase á entrega de premios. Esperámoste.

Ría da Estrela Turismo en Outes Turismo de Noia Arqueolladas. Colectivo de Arqueoloxía Historia de Galicia patrimoniogalego.net ULA Libraría Social

25/05/2026

🎥 COÑECE O NOSO PATRIMONIO 2026 (PRIMAVERA) - HISTORIA ÁS BEIRAS DO RÍO BENDIMÓN‼️

✅ O pasado domingo tiña lugar a 6ª saída desta edición primaveral de Coñece o Noso Patrimonio, que permite dar a coñecer o Concello de Outes. Desta vez tocaba pasear pola parroquia de San Xóan de Roo, un percorrido que conxuga á perfección patrimonio natural e cultural.

🧐 Saíndo á beira da Santiña, un peto de ánimas que segue a ser centro de ofrendas a día de hoxe, visitamos a catedral da Ría da Estrela, a única igrexa con dúas torres do noso territorio e que impresiona coa súa magnanimidade. Neste punto poidemos coñecer o ancestral rito de "Quitar o aire" na Campa Santa. Dende aquí, encamiñamonos cara o río Bendimón, para percorrer o seu curso ata Outón, nun paseo de escándalo no que nos mimetizamos coa natureza por camiños ancestrais que vertebraban o territorio fai decenios.

🥰Este río acolle, hoxe en forma de ruinas, 48 muiños dos 260 inventariados no Turismo en Outes, converténdoo no río con maior concentración destes enxeños de todo o concello. Un paseo polo entorno deste río converte o paseo nunha viaxe no tempo. Subimos até Outón pola carballeira do Viveiro, para baixar de novo cara a Roo polo Cristo de Pombeiros. Estamos sumamente agradecidos pola acollida que seguen a ter as saídas tanto a nivel local coma de concellos próximos, acollendo xente que se despraza dende Santiago, Noia, Vimianzo, Rois ou Negreira para coñecer a riqueza patrimonial do noso territorio. Non podemos esquecernos de Proteccion Civil Concello de Outes e a súa inestimable labor.

Concello de Porto do Son Concello de Muros Concello de Lousame Concello de Noia Concello de Mazaricos Turismo en Outes Turismo de Noia

18/05/2026

🧐 Arranca a IX edición da Mostra Internacional de Cinema Documental Mares Da Fin Do Mundo. Dende o Concello de Rianxo, entre os días 14 e 18 de outubro deste 2026 teremos de novo oportunidade de g***r dun evento cultural en maiúsculas. Un proxecto local, asentado no rural e con proxección internacional que nos permitirá viaxar a diversas realidades da xeografía mundial, baixo o precepto do compromiso e do coidado da defensa dos nosos mares e da cultura mariñeira. Que millor lugar que Rianxo para converterse en epicentro cultural ao redor do patrimonio mariño.

🎬 No mundo actual, onde todo tende á homoxeneización e uniformidade, o cinema documental ou “da realidade” funciona coma unha ferramenta espectacular e necesaria para fomentar o tan preciso espirito crítico. Hoxe máis ca nunca é preciso poñer o foco nos beneficios que o cinema da realidade ten para a sociedade nos diferentes ámbitos:

Aprendizaxe realista
Fomenta o pensamento crítico
Preserva a memoria colectiva
Promove o diálogo e a conciencia social
Amplía horizontes, achegando culturas e realidades doutras latitudes do mundo, xerando empatía e comprensión cara outras formas de vida

Por isto e moito máis, vémonos en en outubro.

✨🌊[GL] Do 14 ao 18 de outubro tedes unha nova cita co cinema documental na 𝐈𝐗 𝐌𝐨𝐬𝐭𝐫𝐚 𝐈𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐝𝐞 𝐂𝐢𝐧𝐞𝐦𝐚 𝐃𝐨𝐜𝐮𝐦𝐞𝐧𝐭𝐚𝐥 𝐌𝐚𝐫𝐞𝐬 𝐝𝐚 𝐅𝐢𝐧 𝐝𝐨 𝐌𝐮𝐧𝐝𝐨.

🎥 Esta nova edición continúa un ano máis no 𝐂𝐨𝐧𝐜𝐞𝐥𝐥𝐨 𝐝𝐞 𝐑𝐢𝐚𝐧𝐱𝐨 coa ollada posta en achegar o cinema documental centrado no mar e no medio mariño a unha comunidade que vive de cara ao mar.

👉 Podedes atopar toda a información sobre as edicións pasadas na nosa web: www.maresdafindomundo.gal

📨 Tamén podedes facernos chegar as vosas dúbidas e suxestións a través do correo electrónico: [email protected].

Seguídenos para non perder detalle!💙



✨🌊[EN] From October 14 to 18, the 𝐈𝐗 𝐌𝐚𝐫𝐞𝐬 𝐝𝐚 𝐅𝐢𝐧 𝐝𝐨 𝐌𝐮𝐧𝐝𝐨 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐃𝐨𝐜𝐮𝐦𝐞𝐧𝐭𝐚𝐫𝐲 𝐅𝐢𝐥𝐦 𝐅𝐞𝐬𝐭𝐢𝐯𝐚𝐥 returns.

🎥 This edition takes place once again in 𝐂𝐨𝐧𝐜𝐞𝐥𝐥𝐨 𝐝𝐞 𝐑𝐢𝐚𝐧𝐱𝐨, continuing its commitment to documentay cinema focused on the sea and the marine environment, an essential presence for the coastal community that hosts it.

👉 More info about MDFDM: www.maresdafindomundo.gal



|

11/05/2026

🎬 COÑECE O NOSO PATRIMONIO 2026 (PRIMAVERA) - HISTORIA APÍCOLA NO VAL DO DONAS‼️

🧐 A previsión amenazaba chuvia, arriesgamos e saleu perfecto. Unha mañá de paseo no entorno do Val do Donas, un reducto de paz e tranquilidade enmarcado entre os montes de Ghende e A Pena. Unhas paisaxes brutais que gardan con mimo o pasado apícola do Concello de Outes, moi descoñecido en xeral. Pasamos por lugares como Galteiros, Vilar de Banzas, Piñeiro, Os Mourelos ou Buíste, lugares con vestixios patrimoniais desta ancestral actividade.

😍 Camiñamos dende a Capela de San Adrián cara a Galteiros, onde Pepe de Galteiros nos permitiu ver un exemplo da impronta desta actividade na paisaxe en forma de ocos nun muro da súa propiedade que en tempos acollían covos. Subimos cara a Vilar onde Chenki nos comentou que é o "Covo á pesca", o acto ancestral de pescar un enxamio salvaxe para proceder a súa enxamea. Pasamos pola maior abellariza da zona, cadrada en vez de redonda coma en lugares coma Ancares, Courel, Serra do Candán ou do Suído. En Vilar, gracias a inestimable colaboración de Chenki, poidemos disfrutar dunha completa exposición sobre o mundo apícola do Val do Donas, así coma degustar un pouco mel de mil flores da zona.

🧐 Dende aquí cara Piñeiro pola antiga calzada de Pedrafurada, que unía Vilar con esta aldea, para disfrutar doutra gran abellariza e dos dous muíños do rego de Piñeiro. A paisaxe desta ladeira do monte da Pena é un auténtico espectáculo, onde as tonalidades da cor verde se converten nas auténticas protagonistas do cadro. Dende aquí cara Mourelos e Buíste para cruzar a ponte do Donas e volver ao inicio da andaina. Unha visita moi especial á parroquia de Santo Ourente, na que volvemos a cubrir todas as prazas dispoñibles. Gracias inmensas a Chenki pola súa inestimable labor a prol do mantemento e divulgación etnográfica da zona, e a Proteccion Civil Concello de Outes pola súa colaboración.

Ría da Estrela Turismo en Outes Turismo de Noia Concello de Muros Concello de Porto do Son Concello de Noia Asociación para a defensa do Patrimonio Cultural Galego

06/05/2026

🧐 A volta a vida do Sancosmeiro está cada vez máis preto. O proxecto para a construción desta embarcación típica do Concello de Outes, ideada nos antigos estaleiros de carpintaría de ribeira da parroquia de San Cosme de Outeiro para dar resposta a unhas necesidades concretas de navegación e uso na Ría da Estrela, segue avanzando con paso firme. Despois duns meses de traballo no Espazo museístico da carpintaría de ribeira "Estaleiro de Ciprián", os traballos seguen avanzando en Astilleros Catoira.

🎬 O momento simbólico de conexión entre o pasado e o presente está máis próximo. A construción desta embarcación, da man de Ramón Collazo Mosquera representa moito máis que a construción dun barco. É unha oda a unha profesión en extinción, simboliza o respecto por unha profesión artesán ancestral, simboliza o respecto por aqueles carpinteiros de ribeira que xa non están con nós, simboliza un profundo respecto polo territorio e a maneira de relacionarse con el, simboliza a pasión por manter viva unha tradición, unha cultura e unha filosofía de vida,... pero sobre todo simboliza un profundo respecto polo noso pasado e pola nosa historia.

📚 Por isto e moito máis, polos valores humanos que transmite ao divulgar o seu oficio e a súa forma de sentir e vivir o seu medio de vida, moitas gracias a este mestre carpinteiro de ribeira que nos permitirá manter viva unha parte da nosa memoria e herencia social. Porque no fondo, a través do seu traballo artesán convértense en custodios dunha maneira de entender o mundo que nos rodea e como nos relacionamos con el.

Turismo en Outes Terra de Outes Asociación para a defensa do Patrimonio Cultural Galego patrimoniogalego.net GALP Costa Sostible Agalcari

29/04/2026

🎬 Hai algo especial e case inexplicable en ensinar o noso propio territorio. Non é só falar de lugares nin compartir datos, é deixar que os demais se acheguen ao noso mundo, a aquela memoria e herdanza que explica de onde vimos. É un acto de xenerosidade, de compartir o que somos. Trátase de tender unha ponte de emocións entre o que sentimos nós e o que espertamos naquelas persoas que mostran interese no territorio. O pasado sábado tivemos a sorte de recibir no Concello de Outes a unha delegación da FEP Fundacion Eduardo Pondal que nos visitaba dende Concello de Ponteceso.

📚 Unha fantástica mañá chea de actividade amosando unha parte do noso patrimonio e historia. En primeiro lugar visitaron o Espazo museístico da carpintaría de ribeira "Estaleiro de Ciprián", onde poideron coñecer de primeira man un lugar que se erixe coma símbolo dun esplendoroso pasado ao redor da Carpintaría de ribeira. Dende Broña ata a igrexa de Santo Ourente onde, coa inestimable colaboración de de Santo Outente, os visitantes tiveron ocasión de coñecer de primeira man dous dos elementos máis representativos do noso patrimonio material e inmaterial; os restos do mártir San Campio e a romaría vinculada, así como a historia do "Chapeu de Santo Ourente", hoxe en día coñecido coma . Mención e agradecemento especial para María de Leonardo pola transmisión da sabiduría sobre este chapeu.

🧐 En último lugar fixeron parada na casa natal do noso insigne poeta, Francisco Añón. Neste enclave tivemos ocasión de recordar as figuras de Francisco e Nicolasa Añón, reflexionando sobre a súa vida e obra e a vinculación co territorio. Que millor lugar para ler un par de poesías dos dous máis grandes poetas que deu o noso concello. Dende aquí ata Casa Peto Outes para pechar unha mañá especial cunha comida comunitaria, antes de visitar o Concello de Noia e desfrutar do San Marcos. Gracias por unha visita que pon de manifesto que Turismo en Outes garda historias de interese.

Ría da Estrela

27/04/2026

🎥 COÑECE O NOSO PATRIMONIO 2026 (PRIMAVERA) - CAMIÑANDO CARA A ORIXE DO Concello de Outes‼️

🎬 No día de onte tocaba unha das saídas con máis importancia no relato histórico para o Concello de Outes. Camiñar cara a orixe do Concello significa visitar o Pico do Castelo, na parroquia de San Pedro de Outes, onde se atopan os restos do antigo Castelo de Outes. Esta fortaleza configurou para os Mariño de Lobeira un espazo de poder o suficientemente importante para a escisión do alfoz de Concello de Muros a finais do século XV. O castelo foi víctima da ira social ⚒ durante a Revolta Irmandiña e perdido na memoria dos tempos, quedou esquencido incluso da historia local. É por isto que é para nós un enorme pracer poder dar a coñecer este enclave, esta parte do noso pasado ao que non se lle deu a importancia que merece.

🧐 Iniciábamos a xornada en Brión de Arriba, moi preto do antigo castro desta poboación recordando as verbas de Fernando Cabeza Quiles sobre o topónimo Brión e a súa vinculación con Brigone (castro fortificado). Seguindo o trazado do Camiño de Santiago pola Ría da Estrela polo antigo camiño tradicional que comunicaba en tempos antergos o Cruceiro de Roo con Outes, pasando por Cambeiro, fomos subindo cara o noso destino. Unha andaina con moita histórica, un paseo que atravesa paisaxes espectaculares coma o entorno do monte do Carboeiro, as brañas de Cambeiro ou os montes da Vaqueira.

🎯Unha xornada moi gratificante, na que por terceira saída consecutiva se cubriron as prazas dispoñibles. Seguimos demostrando que Turismo en Outes ten moito que contar e do que disfrutar, que as cousas feitas con cariño e dende a identidade local despertan interese. Nesta 6ª edición da iniciativa as andainas xeran máis interese que nos anos precedentes. Gracias a toda esa xente que se interesa, sen as cales non sería posible levar a cabo estas visitas. E, por supostísimo, gracias a Proteccion Civil Concello de Outes polo seu traballo e apoio.

Concello de Porto do Son Concello de Mazaricos Concello de Noia Concello de Lousame Turismo de Noia patrimoniogalego.net Historia de Galicia

16/04/2026

Os que medramos en concellos rurais con pouca poboación e, aparentemente pouco que contar segundo o ideario social, case chegamos a crer que a nosa historia e identidade non ten relevancia. Case chegamos a crer que a relevancia identitaria que poidamos ter ven imposta dende o exterior, como se a nosa identidade e memoria dependera da valoración externa.

É por iso que cada vez que facemos unha saída para dar a coñecer o Concello de Outes e a súa historia e memoria, vendo a resposta social en canto ao interese que esperta ano tras ano, nos enchemos de orgullo por colaborar nunha iniciativa da que non tíñamos claro que funcionase por esas eivas do ideario. É por iso que reivindicamos iniciativas baseadas e xeradas ao redor da diferenciación do patrimonio local e a memoria social aparellada. É por iso que cremos que hai que sentirse orgullosos do que somos e de onde vimos, e esa será unha base sólida para a reinvención dun modelo turístico sostible de verdade, non marketiniano, senón respectuoso coa historia e memoria social. Onde o elemento antropolóxico da interacción da poboación local cos visitantes repercuta nunha experiencia satisfactoria, poñendo o foco no aspecto cualitativo do produto xerado e non na parte cuantitativa, como se o éxito dependese de canto máis mellor.

14/04/2026

🎥 COÑECE O NOSO PATRIMONIO 2026 (PRIMAVERA) - DE MIRÁS A CARLEO POLO CRISTO DE BANEO❗

😍 Este domingo tocaba dar a coñecer unha das paisaxes máis espectaculares do Concello de Outes. Moi descoñecido en xeral, pouco valorado pero dunha beleza brutal, o Val de Carleo é un remanso de paz á porta da casa que garda un interesante e importante patrimonio cultural.

❤️ Os castros de Carleo e Mirás, a capela do Socorro e a súa histórica romería, os tramos da calzada romana de Carleo, o cristo de Baneo ou os 10 muíños que salpican o curso alto do río Bendimón, xunto cos gliptógrifos da Carballa e as vistas 360º dende o alto da Vaqueira fan desta saída un espectáculo. Sen esquecer os 63 hórreos que salpican os núcleos ao redor do Val, entre os que se atopa o máis longo do concello, ubicado en Moledo cos seus máis de 14 metros.

📚 Gracias aos asistentes por seguir interesándose por coñecer o noso concello. Así mesmo, agradecer o inmenso traballo de Proteccion Civil Concello de Outes, sempre presentes e dispostos a botar unha man.

Ría da Estrela Turismo en Outes Turismo de Noia Concello de Mazaricos Concello de Noia Concello de Muros Concello de Porto do Son Concello de Lousame Historia de Galicia