Turismo Santiso

07/08/2026

🏕️ O Campamento de Verán de Santiso chega ao seu fin despois de cinco semanas cheas de actividades, aprendizaxe e, sobre todo, moitos bos momentos!

Comezamos o luns enchendo de cor o campamento cunha divertida Festa Holi da man de Sisel Galicia. O martes, o Programa de Lecer e Consumo da Xunta de Galicia achegounos unha xornada diferente na que aprender e divertirse foron da man.

O mércores foi a quenda de Cabaleiros do Pantano: os nenos e nenas puideron achegarse ao mundo dos cabalos, coñecelos de preto e mesmo g***r da experiencia de montar neles.

O xoves cambiamos de escenario para pasar a mañá na Área Recreativa da Cornella, gozando da natureza e refrescándonos no río. E o venres, piscina, auga e diversión para despedir o campamento cunha xornada de inchables xunto a Sisel Galicia.

Queremos agradecer a todas as persoas e entidades que colaboraron nas actividades desta última semana: Patricia Fernández , Cabaleiros Pantano Pantano, A Cornella Concello Santiso

💚 Despedimos así unhas semanas cheas de xogos, excursións, aprendizaxe e novas experiencias. Grazas a todas as persoas, familias, entidades e empresas que colaboraron e fixeron posible este Campamento de Verán de Santiso.

Foi un pracer compartir estas semanas con todos vós. Agardámosvos o ano que vén! 👋💚

01/08/2026

🌞 O Campamento de Verán de Santiso entra na súa recta final cunha nova semana chea de propostas para aprender, compartir e pasalo ben.

O luns gozamos da actuación de Brais das Hortas, que encheu a mañá de música, humor e participación.

O martes recibimos a visita da Garda Civil, que impartiu unha charla sobre a prevención do bullying. Ademais, visitamos a Casa Museo de Santiso e participamos nun obradoiro de chapas da man de Sisel Galicia.

O mércores chegou un dos momentos máis esperados polos nenos e nenas: a festa da escuma, organizada por Sisel Galicia.

O xoves desfrutamos dunha xornada no Aquapark de Cerceda e o venres puxemos o broche á semana cunha saída á Area Recreativa da Cornella.

Queremos agradecer a todas as persoas e entidades que colaboraron para facer posible estas actividades: Brais das Hortas Guardia Civil A Coruña Patricia Fernández Concello de Santiso Aquapark cerceda A Cornella • Area Recreativa Santiso e Autobuses Santiso S.L.

25/07/2026

🎨Cada semana trae novas experiencias, e esta non foi unha excepción no Campamento de Verán de Santiso.

Ao longo destes días, os nenos e nenas participantes g***ron dun programa moi variado de actividades. Descubriron a natureza a través da estampación vexetal con Biophilia, puxeron a proba o seu enxeño no obradoiro de robótica de ALLKNOW Education, superaron novos retos con escalada e tirolina da man de Sisel Galicia, desfrutaron dunha excursión a Diviertt Park e deixaron voar a súa creatividade no obradoiro "Deixa o móbil e debuxa" de Hermanager Producións.

Ademais, durante a semana continuaron realizando xogos, actividades deportivas e dinámicas de grupo que converteron cada xornada nunha nova oportunidade para aprender e pasalo ben.

Queremos agradecer a todas as persoas e entidades que colaboraron facendo posible esta terceira semana de campamento:

17/07/2026

☀️ Unha nova semana de experiencias no Campamento de Verán de Santiso!

Os nenos e nenas participantes continuaron gozando dun programa cheo de actividades, aprendizaxe e diversión. Ao longo destes días asistiron ao espectáculo Soño, de Troula Animación; aprenderon sobre seguridade viaria da man de Seguridade Viaria A Coruña; descubriron a Casa Museo do Concello de Santiso; participaron no contacontos ilustrado de Polo Correo do Vento; visitaron o Observatorio Ornitolóxico Avifauna e remataron a semana cunha ruta en bicicleta polo encoro.

Queremos agradecer a colaboración de todas as persoas e entidades que fixeron posible estas actividades, especialmente a 𝕋ℝ𝕆𝕌𝕃𝔸 Polo Correo do Vento Avifauna e Seguridade Viaria A Coruña.

Compartimos unha pequena mostra dalgúns dos momentos vividos durante esta segunda semana do campamento.

Agardamos seguir desfrutando dun gran verán! ☀️

10/07/2026

☀️ Remata a primeira semana do Campamento de Verán de Santiso!

Durante estes primeiros días, os nenos e nenas participantes desfrutaron de numerosas actividades lúdicas, deportivas e educativas, combinadas coas habituais xornadas de piscina.

Ao longo da semana realizaron actividades como tiro con arco, kick boxing, esgrima, a visita á granxa escola Labrecos e unha xornada coa Garda Civil, entre outras propostas.

Queremos agradecer a todas as persoas e entidades colaboradoras que fixeron posible estas actividades: Patricia Fernández Escuela Ayude LABRECOS Horta e Granxa Ecolóxicas

Compartimos unha pequena mostra dalgúns dos momentos vividos nesta primeira semana. Agardamos seguir desfrutando dun gran verán!

10/07/2026

Comeza o verán 🌞 na Área Recreativa da Cornella.
O bar da piscina municipal 🏊 tamen está aberto.

O verán é en Santiso!

31/08/2025

Hoxe despedimos agosto e moit@s volvedes á rutina... pero non por iso rematan as opcións de plans no Concello de Santiso!

Invitámosche a descubrir camiñando unha das nosas rutas:
🧭 Coñecer, desfrutar, andar Beigondo
👣 7km - Ruta circular
📍 Saída: Igrexa de San Cosme de Beigondo

O percorrido desta ruta, de pouco desnivel e lonxitude moderada, fan que sexa perfecta para toda a familia. Pasearás á beira do encoro de Portodemouros, con vistas á illa da Altura ou ao histórico Azulón Primeiro en pleno funcionamento! ⛴

Este tramo forma parte do roteiro homologado PR-G 226, polo que atoparedes as sinais e indicacións no camiño.

📝 E lembra, o sábado 18 de outubro chega a Santiso o evento Goza do Ulla. Non perdas a cita!

➡ Aquí tes o enlace de Wikiloc á ruta para aqueles interesad@s! https://es.wikiloc.com/rutas-senderismo/conecer-desfrutar-andar-beigondo-35329847

🌿 é o que andabas buscando!

31/08/2025

12/08/2025

📷 Xa están as fotos do Campamento de Verán 2025 na web do Concello de Santiso 📷

Queres revivir como o pasaron as cativas e os cativos durante o mes de xullo? Podes acceder no seguinte enlace:
https://santiso.gal/fotos/

Saídas ao circo, visita dos bombeiros, actividades cos Cabaleiros Pantano Pantano, actuacións da Rede Cultural da Deputación da Coruña, aprendizaxe de seguridade vial... e moito máis!

🫵 Esperámosvos o verán que vén e no Campamento de Nadal!

🌿 é o que andabas buscando!