27/07/2026
🚦𝑶 𝑽𝒆𝒓𝒂́𝒏 𝒏𝒂 𝑷𝒓𝒂𝒛𝒂 𝒄𝒐𝒏𝒕𝒊𝒏𝒖́𝒂 𝒄𝒖𝒏𝒉𝒂 𝒕𝒂𝒓𝒅𝒆 𝒅𝒆𝒅𝒊𝒄𝒂𝒅𝒂 𝒂́ 𝑺𝒆𝒈𝒖𝒓𝒊𝒅𝒂𝒅𝒆 𝑽𝒊𝒂𝒓𝒊𝒂 🚴
📍 O vindeiro mércores 29 de xullo, ás 19:30 horas, a Praza do Conde Santo acollerá unha nova actividade do programa Verán na Praza: "Xogando a aprender: Seguridade Viaria".
👧👦 Durante dúas horas, os máis pequenos e pequenas aprenderán de forma divertida as normas básicas de seguridade viaria a través de xogos, circuítos, sinalización e actividades prácticas, descubrindo a importancia de adoptar hábitos seguros desde a infancia.
🚲⛑️ Recoméndase que quen poida leve a súa bicicleta e o casco para participar nas actividades e aproveitar ao máximo a experiencia.
🤝 A actividade, gratuíta e dirixida a todas as idades, está organizada pola asociación Vespafaba Clásic@s Lourenzá, á que o Concello quere agradecer a súa implicación e colaboración, facendo extensivo este recoñecemento a todo o tecido asociativo do municipio polo seu compromiso cunha programación de verán variada e pensada para toda a veciñanza.
✨ Animámosvos a participar e a desfrutar dunha tarde na que aprender e divertirse irán da man!
