Angkor Audio

29/07/2026

ព្រះក្រឹស្ណាទ្រភ្នំគោវធ៌ន
--------------------

ព្រះក្រឹស្ណា គឺជាអវតារទី៨ នៃអវតារទាំង១០របស់ព្រះនារាយណ៍។ នៅក្នុងសិល្បៈខ្មែរចម្លាក់ព្រះក្រឹស្ណានិយមឆ្លាក់បង្ហាញក្នុងទម្រង់ជាកុមារានិងជាមនុស្សប្រុសជំទង់។
ប្រតិមាទោលក្រឹស្ណាទ្រភ្នំគោវធ៌ននេះ ធ្វើពីថ្មភក់ ស្ថិតក្នុងរចនាបថភ្នំដា នាស.វ.ទី៦ សម័យមុនអង្គរ។
បច្ចុប្បន្នប្រតិមានេះ កំពុងដាក់តាំងពិព័រណ៍នៅNSW ប្រទេសអូស្ត្រាលី។

Website:
http://www.search.cambodiamuseum.info/

Telegram: https://t.me/museumcambodia



ប្រភព​:​ សារ:មន្ទីជាតិកម្ពុជា

03/07/2026

03/07/2026

ការយាងត្រឡប់មកវិញនៃប្រតិមាព្រះស្កន្ទគង់លើសត្វក្ងោក
-----------------------------------------------------

ប្រតិមាព្រះស្កន្ទគង់លើសត្វក្ងោកអង្គនេះ បានលួចចេញពីប្រាសាទក្រចាប់ ក្នុងតំបន់កោះកេរ កាលពីឆ្នាំ១៩៩៧ រួចបញ្ជូនយកទៅលក់បន្តនៅបរទេស ហើយចុងក្រោយបានគេប្រទះឃើញរក្សាទុកក្នុងសមុច្ច័យឯកជនមួយនៅប្រទេសអង់គ្លេស។

ក្រោយទទួលបានព័ត៌មាននេះ ក្រុមស្រាវជ្រាវនិងទាមទារវត្ថុសិល្បៈខ្មែរត្រឡប់មកវិញនៃក្រសួងវប្បធម៌និងវិចិត្រសិល្បៈបានធ្វើការស៊ើបអង្កេតនិងការចរចារទាមទារប្រតិមាអង្គនេះត្រលប់មកជូនប្រជាជនកម្ពុជាវិញ។

បន្ទាប់ពីការចរចារដោយសន្តិវិធីអស់រយៈពេលច្រើនខែ គ្រួសារដែលរក្សាទុកប្រតិមានេះ បានស្ម័គ្រចិត្តប្រគល់បដិមាព្រះស្កន្ទគង់លើក្ងោកអង្គនេះត្រឡប់មកព្រះរាជាណាចក្រកម្ពុជានៅក្នុងឆ្នាំ២០២១ ប៉ុន្តែការងារបញ្ជូនបន្តមកដល់កម្ពុជាបានពន្យាពេលរហូតមកដល់ខែមីនា ឆ្នាំ២០២៣។

ប្រភពៈ​ សារមន្ទីរ​ជាតិ​

Website:
http://www.search.cambodiamuseum.info/

18/06/2026

សេចក្តីជូនព័ត៌មានស្តីពីការទទួលវត្ថុសិល្បចំនួន៨ ដែលបានរកឃើញនៅខេត្តកំពង់ធំ

នាយកដ្ឋានសារមន្ទីរ មានសេចក្តីសោមនស្សសូមជម្រាបជូនសាធារណជនឲ្យបានជ្រាបថា កាលពីថ្ងៃទី១៦ ខែមិថុនា ឆ្នាំ២០២៦នេះ សារមន្ទីរជាតិកម្ពុជាបានទទួលវត្ថុសិល្បៈចំនួន៨ (ប្រតិមាចំនួន៤ កងដៃ៣ និងគម្របភាជន៍១) មកពីមន្ទីរវប្បធម៌និងវិចិត្រសិល្បៈខេត្តកំពង់ធំ ដើម្បីយកមកធ្វើការសិក្សា និងវាយតម្លៃ។ បន្ទាប់ពីទទួលបានវត្ថុសិល្បៈទាំងនោះ ក្រុមការងារជំនាញនៃនាយកសារមន្ទីរនិងនាយកដ្ឋានបុរាណវត្ថុ បានរួមគ្នាពិនិត្យវាយតម្លៃលើវត្ថុទាំង៨នេះយ៉ាងយកចិត្តទុកដាក់។ ជាលទ្ធផល ក្រុមការងារជំនាញបានសន្និដ្ឋានថា វត្ថុសិល្បៈទាំងនោះ គឺជាវត្ថុបុរាណពិតប្រាកដ មានអាយុកាលនៅសម័យអង្គរនិងក្រោយអង្គរ។ វត្ថុទាំងនេះនឹងត្រូវរក្សាទុកនៅក្នុងរោងជាងជួសជុលលោហៈនៃសារមន្ទីរជាតិកម្ពុជា ដើម្បីធ្វើការអភិរក្ស និងជួសជុល មុននឹងរៀបចំដាក់តាំងជូនដល់សាធារណជន ទស្សនានិងសិក្សាស្រាវជ្រាវបន្តទៀត នៅសាលតាំងក្នុងសារមន្ទីរជាតិ។

នាយកដ្ឋានសារមន្ទីរសូមថ្លែងអំណរគុណយ៉ាងជ្រាលជ្រៅចំពោះប្រជាពលរដ្ឋទាំង៤រូប ដែលបានប្រទះរកឃើញវត្ថុទាំងនោះកាលពីថ្ងៃទី៧ ខែមិថុនា ឆ្នាំ២០២៦ ហើយស្ម័គ្រចិត្តប្រគល់ជូនមកអាជ្ញាធរមានសមត្ថកិច្ច ដើម្បីទុកជាឧត្តមប្រយោជន៍ជាតិខ្មែរនាពេលបច្ចុប្បន្ននិងអនាគត។ សកម្មភាពនេះ ជាគម្រូដ៏ប្រពៃដែលសបញ្ជាក់ពីមនសិការស្នេហាជាតិ និងការចូលរួមថែរក្សា​ការពារមរតកវប្បធម៌ដូចតា ដែលជាព្រលឹងនិងអត្តសញ្ញាណជាតិដ៏មានតម្លៃមិនអាចកាត់ថ្លៃបាន ស្របតាមពាក្យស្លោក “កិច្ចការការពារបេតិកភណ្ឌវប្បធម៌ជាតិ គឺជាភារកិច្ចរបស់យើងទាំងអស់គ្នា’’។

រូបថតសារមន្ទីរខេត្តកំពង់ធំ

ប្រភព:​ សារមន្ទីរ​ជាតិ​កម្ពុជា

Cr,eit

18/06/2026

សូមក្រាបបង្គំថ្វាយព្រះពរ ក្នុងឱកាសព្រះរាជពិធីចម្រើនព្រះជន្មវស្សា សម្តេចព្រះមហាក្សត្រី ព្រះវររាជមាតាជាតិខ្មែរ។ សូមថ្វាយព្រះពរព្រះអង្គមានព្រះជន្មាយុយឺនយូរ និងព្រះសុខភាពល្អបរិបូរណ៍។ 🙏🙏🙏

11/06/2026

សេចក្តីជូនព័ត៌មានស្តីពីការបញ្ជូនត្រឡប់មកវិញនូវវត្ថុបុរាណខ្មែរចំនួន២បន្ថែមទៀត ពីសារមន្ទីរសិល្ប:មេត្រូប៉ូលីតាន នៅទីក្រុងញូវយ៉ក សហរដ្ឋអាមេរិក។

ប្រភពៈ​ ក្រសួងវប្បធ៍ម​ និង​ វិចិត្រសិល្បៈ

09/06/2026

មន្រ្តីជាន់ខ្ពស់ក្រសួងវប្បធម៌និងវិចិត្រសិល្បៈកម្ពុជា អញ្ជើញចូលរួមរៀបចំការតាំងពិព័ណ៌វត្ថុសិល្បៈបុរាណខ្មែរ ក្រោមប្រធានបទ “ អង្គរ និងសិល្បៈខ្មែរបុរាណ “ នៅសារមន្ទីរ Shanxi ប្រទេសចិន

ដោយទទួលបានគោលការណ៍អនុញ្ញាតពីលោកជំទាវបណ្ឌិតសភាចារ្យ​រដ្ឋមន្រ្តីក្រសួងវប្បធម៌និងវិចិត្រសិល្បៈ នាថ្ងៃទី០៥ ខែមិថុនា ឆ្នាំ២០២៦ ឯកឧត្តម លី វណ្ណា អនុរដ្ឋលេខាធិការ និងជាតំណាងប្រតិភូ​ក្រសួងវប្បធម៌ និងវិចិត្រសិល្បៈ បានដឹកនាំក្រុមការងារជំនាញ ដើម្បីពិនិត្យការរៀបចំដាក់តាំង និង​សម្ពោធពិព័រណ៍វត្ថុសិល្បៈបុរាណខ្មែរ​ ក្រោមប្រធានបទ៖ “ អង្គរ និងសិល្បៈខ្មែរបុរាណ “ ​ (Angkor and the Art of Ancient Khmer) នៅសារមន្ទីរ Shanxi ក្នុងខេត្ត Shanxi នៃសាធារណៈរដ្ឋប្រជាមានិតចិន ដែលកម្មវិធីតាំងពិព័ណ៌នេះមានរយៈពេល៤ខែ។
សកម្មភាពនៃការតាំងពិព័រណ៍នេះ គឺជាផ្សព្វផ្សាយនិងរំលេចនូវភាពរស់រវើកនៃសិល្បៈបុរាណខ្មែរ កាលពីជាងមួយពាន់ឆ្នាំមុន និងជាសក្ខីភាពនៃ​សមិទ្ធិផលដែលកើតចេញពីកិច្ចសហប្រតិបត្តិការយ៉ាងស្អិតរមួតរវាងប្រទេសទាំងពីរ កម្ពុជា-ចិន ក្នុងការលើកកម្ពស់ និងផ្សព្វផ្សាយវប្បធម៌ និងអារ្យធម៌ខ្មែរ ដល់ប្រជាពលរដ្ឋចិន ដែលមានទំនាក់ទំនងជាប្រវត្តិសាស្ត្រជាមួយប្រជាជនខ្មែរតាំងពីសម័យបុរាណ តរៀងមក។

នៅក្នុងការតាំងពិព័ណ៌នេះ ​វត្ថុសិល្បៈខ្មែរពិចិត្រៗ​ចំនួន ១៣៦វត្ថុសិល្បៈ មានអាយុកាល​ ចាប់ពីសម័យបុរេប្រវត្តិសាស្រ្ត រហូតដល់សម័យក្រោយអង្គរ​​ ត្រូវបានជ្រើសរើសដោយសម្រិតសម្រាំងពីសមុច្ច័យសារមន្ទីរជាតិកម្ពុជា​ ដើម្បីដាក់តាំងបង្ហាញនៅសារមន្ទីរ​ Shanxi ចាប់ពីខែមិថុនា​​ ដល់ខែតុលា​ ឆ្នាំ២០២៦។​ ពិព័រណ៍នេះទទួលបាននូវការគាំទ្រយ៉ាងខ្លាំងពីអ្នកទស្សនាដ៏ច្រើនកុះករ និងជួយផ្សព្វផ្សាយឲ្យប្រជាជនចិនកាន់តែចង់ទៅទស្សនាប្រាសាទបុរាណខ្មែរថែមទៀត។

Credit: ក្រសួង​វប្បធម៌​ និង​ វិចិត្រសិល្បៈ