31/10/2026
🙏🌸 74 වෙනි සාංචි මහෝත්සව‍ය 🙏🌸
සාංචියෙ කැනීම්වලදී අංක 03 චෛත්‍යයෙන් හමුවූ සැරියුත් මුගලන් ධාතුන් වහන්සේලා වසර 1850 දී එංගලන්තයට රැගෙන යනවා. එහි ප්‍රධාන කෞතුකාගාරයක ( Albert and Victoria museum)තැන්පත් කරතිබූ ධාතුන් වහන්සේලා නැවත ලබාදෙන ලෙස එවකට මහාබෝධි සමාගමෙන් ඉල්ලීමක් කරනවා. එම ධාතුන් වහන්සේලා තැන්පත් කිරීමට විහාරයක් සෑදීමට ස්ථූපයට සමීපවම ඉඩමක් සහ ඉන්දියානු රුපියල් 25000/= "නවාබ් "නම් රජතුමා ලබාදෙනවා.
1951 මෙම ධාතුන් වහන්සේලා ලංකාවට වඩමවලා අවුරුද්දක් පමණ ලංකාවේ පුදපූජා පවත්වා දළදා හාමුදුරුවන්වහන්සේ දෙපස වැඩ සිට දළදා ප්‍රදර්ශනයක් පවත්වා ලංකාවේ සිට කල්කටාවට මුහුදු මාර්ගයෙන් වඩම්මවා රිය පෙරහරකින් සාංචි චේතියගිරිට වඩම්මවා වසර 1952 නොවැම්බර් 30 ඉන්දියනු අග්‍රාමාත්‍ය ජවහර්ලාල් නේරු තුමාගේ ප්‍රධානත්වයෙන් හා මහබෝධි සමාගමේ සභාපති පරවාහැර වජිරඥාන නායක හාමුදුරුවන්ගෙ සහ මහාබෝධි සමාගමේ මහලේකම් දේවප්‍රිය වලිසිංහ (1933-1968) මැතිතුමන්ගේ අනුශාසකත්වයෙන් විහාරයේ තැන්පත් කරන ලදී.
එතැන්සිට සෑම වසරකම නොවැම්බර් අවසාන ඉරිදා මෙම උත්සවය රාජ්‍ය අනුග්‍රයෙන් පැවැත්වියයුතුබව නේරුතුමා සදහන්කර ඇත.
එදා සිට මේ දක්වාම එය අඛණ්ඩව පැවැත්වේ.මේ වසරේ 2026නොවැම්බර් 28 සහ 29 දිනයන්හි පවත්වනු ලබයි.
වර්මානයේ සාංචිචේතියගිරි විහාරය චෙන්නායි මහාබෝධි මධ්‍යස්ථානාය ,ජපානයේ ලංකජි විහාරය ඇතූළු විහාරගනයේ ආධිපත්‍යය උසුලන ජපානෙන් ප්‍රධාන සංඝනායක ශ්‍රිී ලංකා මහාබෝධි සමාගමේ ගරු සභාපති බානගල උපතිස්ස නායක හාමුදුරුවන්ගෙ අනුශාසකත්වයෙන් චේතියගිරි විහාරාධිකාරි බානගල විමලතිස්ස හාමුදුරුවන්ගෙ මෙහෙයවීමෙන් ආගමික කටයුතු භාර උඩුගම තපස්සි හාමුදුරුවන්ගෙ සංවිධායකත්වයෙන් ඉතාමත් උත්කර්ෂවත් ලෙස පැවැත්වයි. මෙම ධාතුන් වහන්සේලා පිටතට වඩම්මන්නේ වසරකට එක වරයි, මේ සාංචි මහෝත්සවයට පමණයි. මෙහි යතුරු දෙකක් ඇත එකක් විහාරාධිපති හාමුදුරුවො ළඟ සහ අනික ප්‍රදේශයෙ මහ දිසාපති ළඟයි. මෙය විවෘත කිරීමේදී මේ දෙදෙනාම සිටිය යුතුය. පොලිසිය සිටයයුතුය. මෙහි සාක්ෂියට සිටින අය නම ලියා අත්සන් කරන්න අවශ්‍යයි. ඊට පසු කොල අලවා සීල් කරනු ලබයි.
