https://www.facebook.com/103031409329952/

Let's Explore Unseen Sri Lanka

Home
Sri Lanka
Nuwara Eliya
Let's Explore Unseen Sri Lanka

Contact information, map and directions, contact form, opening hours, services, ratings, photos, videos and announcements from Let's Explore Unseen Sri Lanka, Travel Company, Nuwara Eliya.

13/09/2026

🌊පේදුරු තුඩුව ප්‍රදීපාගාරය🇱🇰

ශ්‍රී ලංකාවේ උතුරු කෙළවරටම ගියොත් හමුවන සුන්දර පේදුරු තුඩුව (Point Pedro) ප්‍රදීපාගාරය 🌊✨
නිල්වන් ඉන්දියන් සාගරය දෙසට දිගහැරෙන පේදුරු තුඩුවේ පිහිටි මෙම ප්‍රදීපාගාරය, මුහුදු ගමන් සඳහා මාර්ගෝපදේශයක් ලෙස වැදගත් ස්ථානයක්. ⚓🌅

🏗️ ඉදිකළ වර්ෂය: 1916
🗼 උස: මීටර් 32ක් පමණ
📍 ස්ථානය: පේදුරු තුඩුව, යාපනය

වසර 110කට ආසන්න ඉතිහාසයක් රැගෙන අදටත් උතුරු මුහුදු තීරය අලංකාර කරන මෙම ප්‍රදීපාගාරය, පේදුරු තුඩුවේ සුවිශේෂී සලකුණක් ලෙස සැලකිය හැකියි. ❤️

මෙහි සිට බලන විට අනන්තයට දිවෙන මුහුද, සුළඟේ සිසිලස සහ උතුරුකරයේ සුන්දරත්වය එකම තැනක අත්විඳින්න පුළුවන්. 💙🌊
🌅 විශේෂයෙන්ම හිරු බැස යන වේලාවේ මෙම ස්ථානයේ සුන්දරත්වය විඳින්න!

✨ ශ්‍රී ලංකාවේ නොදුටු සුන්දරත්වය සොයා යමු…
🌍 Let’s Explore Unseen Sri Lanka 🇱🇰

09/08/2026

කන්කසන්තුරේ ප්‍රදීපාගාරය

යාපනය අර්ධද්වීපයේ උතුරු වෙරළ තීරයේ, කන්කසන්තුරේ (Kankesanthurai/KKS) වරාය ආසන්නයේ පිහිටා ඇති මෙම පැරණි ප්‍රදීපාගාරය ශ්‍රී ලංකාවේ වැදගත් ඓතිහාසික ප්‍රදීපාගාර අතරින් එකකි.

කන්කසන්තුරේ ප්‍රදීපාගාරය 1893 වසරේ ඉදිකර ඇති අතර, එහි උස මීටර් 22ක් (අඩි 72ක් පමණ) වේ. අෂ්ටාස්‍රාකාර (octagonal) ගඩොල්/ගල් නිර්මාණයකින් යුත් කුළුණේ ඉහළින් ලාම්පු කාමරය සහ වටකුරු ගැලරියක් දක්නට ලැබේ.

⚓ මුහුදු ගමනාගමනයට වැදගත් මඟපෙන්වීමක්
අතීතයේදී මෙම ප්‍රදීපාගාරය මුහුදේ ගමන් කළ නැව් සහ ධීවර යාත්‍රාවලට මඟ පෙන්වීම සඳහා භාවිත කර තිබුණි. වරාය ආසන්නයේ මෙවැනි ප්‍රදීපාගාර ඉදිකිරීමේ ප්‍රධාන අරමුණ වූයේ රාත්‍රී කාලයේදී වෙරළ හා වරාය ප්‍රදේශ හඳුනාගැනීමට නාවිකයන්ට උපකාර කිරීමයි.

🏛️ වසර 100කට වැඩි ඉතිහාසයක්
1893 සිට අද දක්වා වසර 130කට වැඩි කාලයක් පුරා මෙම දැවැන්ත කුළුණ කන්කසන්තුරේ වෙරළේ ඉතිහාසය නිහඬව රැකගෙන සිටියි.

⚠️ කාලයත් සමඟම සහ ශ්‍රී ලංකාවේ පැවති සිවිල් යුද්ධයේ බලපෑම් හේතුවෙන් ප්‍රදීපාගාරයට දැඩි හානි සිදුව ඇති අතර, අද එය ක්‍රියාකාරී ප්‍රදීපාගාරයක් නොවේ.

🌴 කන්කසන්තුරේ වෙරළ, වරාය සහ මෙම පැරණි ප්‍රදීපාගාරය එකට එක්ව යාපනයේ උතුරු ප්‍රදේශයේ සුවිශේෂී භූ දර්ශනයක් නිර්මාණය කරයි.

📍 ස්ථානය: කන්කසන්තුරේ, යාපනය
🗼 නම: Kankesanthurai Lighthouse / K.K.S. Lighthouse
📅 ඉදිකළ වර්ෂය: 1893
📏 උස: මීටර් 22 (අඩි 72)
🏛️ වර්ගය: ඓතිහාසික ස්මාරකයක් / ප්‍රදීපාගාරයක්
⚓ ඓතිහාසික භාවිතය: නාවික ගමනාගමනයට මඟ පෙන්වීම

ඔබත් යාපනයේ සංචාරය කරනවානම් අනිවාර්යයෙන්ම මෙම ස්ථානය නැරබීමට අමතක නොකරන්න.

🇱🇰 Let's Explore Unseen Sri Lanka 🇱🇰

#යාපනය #කන්කසන්තුරේ

23/04/2026

🚩 නාගානන්ද ජාත්‍යන්තර බෞද්ධ අධ්‍යයන ආයතනය (NIIBS Campus) 🛕🌿

ශ්‍රී ලංකාවේ පිහිටි විශේෂිත උසස් අධ්‍යාපන ආයතනයක් වන NIIBS Campus, ආසියාවේ පළමු විශ්වවිද්‍යාලය වූ නාලන්දා විශ්වවිද්‍යාලය ආදර්ශ කර ගනිමින් ඉතා අලංකාර ලෙස සන්සුන් පරිසරයක ඉදි කොට ඇත.

📍කැලණිය අවටට සංචාරය කරනවානම්, මෙහි සන්සුන් වාතාවරණය, නිස්සළ පරිසරය සහ විශිෂ්ට ගෘහ නිර්මාණය ශිල්පය විදින්න අමතක කරන්න එපා!

💍📸 මෙම ස්ථානය මංගල ජායාරූප (Wedding Shoots) ගත කිරීමටත් වෙන් කර ගැනීමට හැකිය.

🧘‍♂️ භක්තිමත් සංචාරයකට හෝ මනස සන්සුන් කර ගැනීමට උචිත ස්ථානයකි.

20/01/2026

🌿 අඹගස්පිටිය අම්බලම 🌿

දුර ගමන් අතරතුර විවේකයක් ගන්න,
ගම්මැද කතාබහට එකතු වෙන්න,
වැස්සෙන් සහ හිරු රශ්මියෙන් බේරෙන්න
අපේ පුරාණ ගම්වල තිබුණු සුවිශේෂී ස්ථානයක් තමයි අම්බලම.

ඒ අතරින් අද අපි ඔබව රැගෙන යන්නේ,

📍 අඹගස්පිටිය අම්බලම වෙතයි.
අඹගස්පිටිය අම්බලම පිහිටා තිබෙන්නේ ශ්‍රී ලංකාවේ ගම්පහ දිස්ත්‍රික්කයේ අඹගස්පිටිය ගම්මානයේ, පැරණි මඟඅඩවියක විවේක ස්ථානයක් ලෙසයි.
යක්කල හන්දියේ සිට කිලෝමීටර් 4.7ක් පමණ දුරින්, යක්කල – රදාවාන මාර්ගය ඔස්සේ ගමන් කිරීමෙන් මෙම ඓතිහාසික ස්ථානයට ළඟා විය හැක.

මෙහි අම්බලම ඉදිකර ඇත්තේ කළුගල් කණු දොළහක් මතයි.
මෙම කණු දොළහ සම්බන්ධ කරමින්, කෙටි බිත්තියක් ගල් කණු වටා ගමන් කරයි. එම කෙටි බිත්තියටම අල්ලා කර ඇති ආසන දක්නට ලැබේ.

විශේෂත්වයක් වන්නේ,
මෙම ආසන මට්ටම් දෙකකින් සාදා තිබීමයි. එය අම්බලම ඉදිකරන කාලයේ පැවති කුල වෙනස්කම් පිළිබිඹු කරන ලක්ෂණයක් විය හැකි බවට ඉතිහාසඥයන් මත පළ කරති.

අම්බලමේ පිවිසුම උතුරු පැත්තෙන් සකසා තිබීමද සැලකිය යුතු කරුණකි.
අම්බලමේ ඇති කළුගල් කුළුණු විවිධ විශිෂ්ට කැටයම් වලින් සරසා ඇත.
ගල් කුළුණු මත රාමායණයේ දර්ශන නිරූපණය කරන කැටයම්,
ඖෂධීය ශාක සහිත පස් කැබැල්ලක් අතැති හනුමාන්ගේ රූපය වැනි,
ශ්‍රී ලංකාවේ දුර්ලභ තේමාවන් මෙහි දැකගත හැක.
කුළුණු මුදුනේ ඇති පෙකඩ ලීයෙන් සාදා තිබෙන අතර,
එයද ඉතා විශිෂ්ට ලෙස කැටයම් කර ඇති කලාත්මක නිර්මාණයකි.

👉 ගමන් කරනකොට මඟදි හමුවෙන මෙවැනි ස්ථාන,
අපේ සංස්කෘතියටත්, ඉතිහාසයටත් තියෙන වටිනාකම
නැවත නැවත මතක් කරවන ජීවමාන සාක්ෂි බවට පත්වෙන්නේ ඒ නිසාමයි.

ඔබත් මෙවැනි ගම්මැද සැඟවුණු උරුමයන් නැරඹීමට කැමති නම්,
අඹගස්පිටිය අම්බලම ඔබගේ ගමන් ලැයිස්තුවට අනිවාර්යයෙන්ම එක් කරන්න 🌿

31/12/2025

🎉 Cheers to New Beginnings – Welcome 2026! 🎉

As we step into a brand-new year, let’s leave behind what held us back and move forward with hope, courage, and curiosity.

✨ This year, let’s say YES to new adventures
✨ Let’s create unforgettable memories
✨ And most importantly, Let’s Explore the Unseen Sri Lanka 🇱🇰

From hidden waterfalls to quiet villages, misty mountains to golden shores—2026 is our year to discover, connect, and celebrate our island like never before.
Wishing each and every one of you a year filled with happiness, safe travels, new friendships, and meaningful journeys.

🌿 Let’s Explore Unseen Sri Lanka – Together in 2026! 🌿
Happy New Year all of you! 🎆💙

18/10/2025

🌿✨ ශාන්ත ක්ලෙයාර් දිය ඇල්ල – ශ්‍රී ලංකාවේ පුංචි නයගරා! ✨🌿

හරිත පැහැයෙන් දිදුලන තේ වතු අතර මීදුමෙන් බර වූ සීතල මාරුතයට තුරුලුවෙමින්, ශාන්ත ක්ලෙයාර් දිය ඇල්ලේ පිහිටීම මවන සුන්දරත්වය කියා නිම කල නොහැකි තරම්ය.

තලවකැලේ ආසන්නයේ පිහිටි මෙම දිය ඇල්ල, ශ්‍රී ලංකාවේ විසිවන උසම දිය ඇල්ල ලෙස ප්‍රසිද්ධය. මීටර 80 කට වැඩි උසක් සහ මීටර 50 පළලක් ඇති මෙම දිය ඇල්ල, දිය ඇලි දෙකකින් යුක්ත හා ලංකාවේ පළලින් වැඩිම දිය ඇල්ල වේ. එම නිසාම “පුංචි නයගරා” යනුවෙන්ද හැඳින්වේ 🇱🇰

🌄 උදෑසන හිරු කිරණ මගින් රන් පැහැයෙන් දිදුළන තේ යායක අතරින් නුදුටු සුන්දරත්වයක් නිරාවරණය වන ස්ථානයකි මෙය.

🚗 තලවකැලේ සිට කිලෝමීටර 3.7 ක් පමණ දුරක් ඇති අතර, කුඩා අඩිපාරක් හරහා තේ වත්ත හරියටම ගමන් කරමින් දිය ඇල්ලට ඉතා සමීපව ළඟා විය හැක.

📸 ඡායාරූපයකින් මතක සටහන් ගැනිමට හොඳම වේලාව – උදෑසන කාලය!
☔️ හොඳම කාලය – ඔක්තෝබර් සිට දෙසැම්බර් දක්වා වන වැසි කාලය.
🧥 මතක තබා ගන්න – සිසිල් මීදුම සහ වැසි බරිත කාලගුණය නිසා කුඩයක් සහ වැහි කබායක් අනිවාර්යයි!

🌺 ඔබ එහි යන විට, එම පරිසරයේ සුන්දරත්වය අපේ මතු පරපුර උදෙසා ආරක්ෂා කිරීම ඔබගේ වගකීමක් බවත් මතක තබා ගන්න 💚

10/08/2025

🌉✨ Demodara Nine Arch Bridge | 🇱🇰 දෙමෝදර ආරුක්කු නවයේ පාලම 🚂

Ella හා Demodara අතර, මුහුදු මට්ටමේ සිට අඩි 3,100ක් ඉහලින් ක‍දු අතර පිහිටි මේ colonial-era railway bridge එක, විදේශික සහ ලාංකික සංචාරකයින් අතර most iconic location එකක්! 📸💛

🏞️ Special Features
✔ Stone + Cement only – No steel used!
✔ Tea plantation views 🍃
✔ Best by Train Ride 🚆 or Scenic Hike 👣

📖 ජනප්‍රවාදය
බ්‍රිතාන්‍ය ජාතිකයන්ට මෙම පාලම ඉදිකර ගැනීමට නොහැකිවූ අවස්ථාවක ප්‍රදේශීය මිනිසෙකු වූ අප්පුහාමි බාසුන්නහේ ඔහුගේ ගල්වැඩ ශිල්පය යොදාගෙන, තනිකර කැපූ කළුගල් කුට්ටි සහ සිමෙන්ති මත පදනම්ව පාලම ඉදිකර තිබුණා යැයි කතා බස් ඇත. දුම්රිය මගින් පාලම පසුකරන විට, එය ශක්තිමත් බව පෙන්වීමට ඔහු ආරුක්කුවක් යට නින්දා යැයිත් කියවේ.

📍 Location: Between Demodara & Ella railway station, Badulla District
🎯 Best Time: Early morning 🌅 or when a train passes 🚂

💡 Travel Tip: Ella to Badulla train journey එකේ මේ view එක miss කරන්න එපා!

🇱🇰 අනිවාර්යයෙන් යන්න – Photographers 📸 | History lovers 🏛️ | Nature lovers 🌳

අද වන විට නාය යෑම් තර්ජනය ලක්ව නයා යාමේ වැලැක්වීමට යම් ඉදිකිරීම් කරගෙන යන අතර එයින් එහි සුන්දරත්වය යම් බලපෑමක් සුදු වුවත් සංචාකරයින්ගෙන් ආකර්ෂණය නොඅඩු අදටත් හිමි වේ. මෙහෙ දක්වා ඇත්තේ 2022 වසරේ නාය යාමේ අවදානමට ලක්වීමට පෙර ගන්නා ලද ජායාරූපයකි.

17/07/2025

🏰 යාපනය බලකොටුව 🇱🇰

ශ්‍රී ලංකාවේ දෙවැනි විශාලතම බලකොටුව, යාපනය බලකොටුව, යාපනය අර්ධද්වීපයේ දකුණු මායිමේ, කලපුවේ ජල තීරයට ආසන්නව හා යාපනය නගර මධ්‍යයට ආසන්නව පිහිටා තිබෙනවා. 🌊.

📜 ඉතිහාසයේ දිගු ගමනක්:
🔸 මෙය පළමුව ඉදිකරන ලද්දේ 1505 දී මෙරටට පැමිණි පෘතුගීසීන් විසින් වන අතර 1619 දක්වා ඔවුන් මෙහි බලය තහවුරු කර ගෙන සිටියා. පසුව ලන්දේසින් විසින් බලය ලබා ගැනීමෙන් පසුව 17 සහ 18 වන සියවස්වල ලන්දේසීන් විසින් බලකොටුව පුළුල් කර දිය අගල් සහිතව නැවත ඉදිකරන ලදී. 1795 වන විට මෙහි බලය ඉංග්‍රීසීන් විසින් ලබා ගත් අතර ඔවුන් මෙය පරිපාලන මධ්‍යස්ථානයක් ලෙස පමනක් භාවිතා කරන ලදී.
🔸 1980 දී සිවිල් ගැටුම්වලින් විනාශයට පත් වූවත් අද වන විට මධ්‍යම සංස්‌කෘතික අරමුදල යටතේ සංරක්ෂණ කටයුතු සිදු වේ.

🛡️ වාස්තු විද්‍යාත්මක විශේෂත්වය
🔹 පෙන්ටගනයක් වැනි හැඩයක්
🔹 බලකොටු 5කින් යුතු ආරක්ෂක පද්ධතිය
🔹 තරු හැඩැති දිය අගල සහිත වටරවුමක්
🔹 බාහිර ආරක්ෂක බිත්ති සහ ආවරණ මාර්ග

📚 නෙල්සන් මහතාගේ "Sri Lanka’s Dutch Forts" හි අනුව,
➡️ “නැගෙනහිර ආසියාවේ තාක්ෂණිකව පරිපූර්ණතම බලකොටුවක්” ලෙස හැඳින්වේ

🎟️ Tickets:
🔸 දේශීය වැඩිහිටි – Rs. 60/-
🔸 දේශීය ළමුන් – Rs. 30/-

📍 ස්ථානය: Jaffna Fort, Jaffna Town
🕗 විවෘත වේලාවන්: උදේ 8 – සවස 5 (සන්ධ්‍යා වේලාවේ විශේෂ සුන්දරත්වයක්! 🌇)

🛍️ කුඩා කෞතුකාගාරයක්, මතකයන් සටහන් මිල දී ගැනීමට කුඩා වෙළෙඳසැලක්ද ඇත.

📸 ඉතිහාසය, සංස්කෘතිය, ලන්දේසි වාස්තු විද්‍යාව ගැන දැනගන්න කැමති ඔබත් යාපනය බලකොටුවට ගිහින් බලන්න!
🌏

03/05/2025

🏞බෝපාගම ඇල්ල – ඔබේ උදෑසන Serene VIew එක. 🏞

බෝපාගම ඇල්ල නැතිනම් අලගියවන්න ඇල්ල ලෙස හදුන්වන මෙය ගම්පහ දිස්ත්‍රික්කයේ කන්දලන්ද වතුයායේ පිහිටා ඇත. එය මීටර් 4 ක් පමණ උසින් යුක්ත වේ.

ඇල්ලට යාමට, 🏍 🛺 🚗
Bikes, Three-wheelers හෝ කුඩා cars වලින් පහසුවෙන් යා හැකිය. මාර්ගය පුංචි පටු නමුත් වටින ගමනකි.

📌 - https://maps.app.goo.gl/dM82PhLScAgqHPL7A

මෙම ඇල්ලේ විශේෂත්වය නම්, දිය පහර දෙපස පිහිටි ගස්වල හරිත පෙනුමත් සහ සූර්යයාගේ හිරු කිරණ දිය පරහට වැටීමත් සමඟ බහු වර්ණ ආලෝක කිරණත‍් සමඟ මවන අති සුන්දර දර්ශනයයි. ඔබට මෙම සුන්දරත්වය විඳින්න අවශ්‍ය නම් හිරු උදාවත් සමඟම මෙම ස්ථානයට පැමිණිය යුතුයි.

මෙම ඇල්ල ඔස්සේ ඉහළට ගමන් කිරීමට හැකි අතර එහිදී ඔබට මනරම් දර්ශන නැරබීමට හැකිය. නමුත් ගල් වලින් බහුල නිසා ඉතා ප්‍රවේසමෙන් යා යුතු වෙයි.

තවද මෙම ස්ථානය අවට ප්‍රදේශවාසීන් බොහෝ දෙනෙකු ස්නානයට භාවිතා කරන අතර හවස් කාලයේදි තරමක් තදබදයකින් යුක්ත වේ. එම නිසා මෙහෙ සුන්දරත්වය විඳීමට නම් පැමිණය යුත්තේ උදෑසන කාලයේදීය.

අපි යමු, බලමු, විඳිමු... නමුත් තවත් කෙනෙකුටත් ඒ දසුන අහිමි නොකරමු!🚯🚯

08/04/2025

👣ලංකාවේ ලස්සනම සහ පැරණිම තැපැල් කාර්යාලය - නුවරඑළිය 🌿✉️

නුවර එළිය නගරයේ මැද පිහිටා ඇති මෙම ඉතා සුවිශේෂී තැපැල් කාර්යාලය, ශ්‍රී ලංකාවේ පරණම තැපැල් කාර්යාලය ලෙස සැලකේ. 1894 දී ඉදිවූ මෙම ගොඩනැගිල්ල, රතු ගඩොල් වලින් නිමවා ඇති අතර කොලොනියල් ශිල්ප ශෛලිය පිරුණු ඉතාමත් ආකර්ෂණීය ස්ථානයකි.

ඔබ නුවරඑළියට සංචාරය කරනවානම්, මෙය අනිවාර්යයෙන්ම නැරඹිය යුතු ස්ථානයක්! මෙහිදී ඔබට මතක සටහන් වශයෙන් postcard එකක් මිලදී ගැනීමටද හැකියි.

ඔබේ ඡායාරූප වලටත් ලස්සනම background එකත් මෙතනයි!

Address

Nuwara Eliya

Website

facebook.com

Alerts

Be the first to know and let us send you an email when Let's Explore Unseen Sri Lanka posts news and promotions. Your email address will not be used for any other purpose, and you can unsubscribe at any time.