24/08/2026
နိုင်ငံခြားမှာ အလုပ်လုပ်ပြီး အိမ်ကို ပြန်ထောက်ပံ့နေသူတွေ ဟာ Pollyanna လိုပါပဲ။ 🌎💔
ပိုလီယာနာ ဆိုတဲ့ ဇာတ်လမ်းကို သိကြလား?
မိဘနှစ်ပါးဆုံးပါးပြီး အဒေါ်ဆီမှာ သွားနေထိုင်ရတဲ့ မိဘမဲ့ကလေးမလေး ပိုလီယာနာ ဟာ ဘဝမှာ ဘယ်လောက်ပဲ ခက်ခဲပါစေ “ဝမ်းသာစရာတစ်ခုခု ရှာမယ်” ဆိုတဲ့ Glad Game ကို ကစားတတ်သူပါ။
အရုပ်လိုချင်ပေမယ့် အရုပ်မရဘဲ ခြေထောက်ထောက်တံရတဲ့အခါတောင်
“ခြေထောက်တံလေးဘဲရလို့ဝမ်းသာပါတယ်” လို့ ပြောနိုင်ခဲ့တဲ့ကလေးပါ။
သူမရဲ့ အကောင်းမြင်စိတ်နဲ့ ကြင်နာမှုတွေကြောင့် သူမပတ်ဝန်းကျင်က စိတ်ပုတ်တဲ့လူတွေတောင်တဖြည်းဖြည်း ပြောင်းလဲလာကြတယ်။
ဒါပေမယ့် တစ်နေ့မှာ ပိုလီယာနာ ကိုယ်တိုင် ကားတိုက်ခံရပြီး လမ်းမလျှောက်နိုင်တော့တဲ့အချိန် ရောက်လာတယ်။
အဲဒီအချိန်မှာတော့ သူမအရင်က လူတွေကို သင်ပေးခဲ့တဲ့ “ဝမ်းသာစရာရှာတဲ့ဂိမ်း” ကို သူမကိုယ်တိုင်ကစားဖို့ အလွန်ခက်သွားခဲ့ပါတယ်။
ဒါပေမယ့်…
သူမအရင်က ပေးခဲ့တဲ့ ကြင်နာမှုတွေက သူမဆီ ပြန်ရောက်လာတယ်။
သူမက လူတွေကို အားပေးခဲ့သလို
လူတွေကလည်း Pollyanna ကို ပြန်အားပေးခဲ့ကြတယ်။ ❤️
ဒီဇာတ်လမ်းကို တွေးမိတိုင်း နိုင်ငံခြားရောက်နေတဲ့ လူတော်တော်များများကို သတိရမိတယ်။
နိုင်ငံခြားကို ထွက်လာတုန်းက ကိုယ့်အိပ်မက်နဲ့ ကိုယ့်အနာဂတ်အတွက်ပါ။
ဒါပေမယ့် အချိန်ကြာလာတော့
💰 လစာရရင် အိမ်ကို ပိုက်ဆံပို့တယ်။
🏠 မိသားစုအတွက် ကုန်ကျစရိတ်တွေ ကူတယ်။
🎓 မောင်နှမတွေရဲ့ ပညာရေးကို ထောက်ပံ့တယ်။
💊 မိဘတွေရဲ့ ဆေးဖိုးကို ပို့တယ်။
ကိုယ်ကတော့…
အလုပ်မှာ ပင်ပန်းတယ်။
အထီးကျန်တယ်။
မိသားစုကို လွမ်းတယ်။
တစ်ခါတလေ ကိုယ့်အတွက်တောင် မကျန်တော့ဘူး။
ဒါပေမယ့် အိမ်က ဖုန်းဆက်လာရင်
“ဒီမှာ အဆင်ပြေပါတယ်… မပူနဲ့” 😌
ငွေတောင်းလာရင်လည်း
လကုန်လို့လစာရရင်ပို့ပေးလိုက်မယ်နော်
ဆိုပြီးပြုံးပြုံးလေးတုံ့ပြန်လိုက်ကြပေမဲ့
တကယ်တော့ မပြောပြတဲ့အရာတွေ အများကြီးရှိပါတယ်။
အိမ်ကလူတွေက ကိုယ်နိုင်ငံခြားမှာဆို ပိုက်ဆံကောင်းကောင်းရပြီး ဘဝအဆင်ပြေနေတယ်လို့ ထင်တတ်ကြတယ်။
ဒါပေမယ့် သူတို့မမြင်ရတာက
ကိုယ်ပေးပို့လိုက်တဲ့ ပိုက်ဆံတစ်လွှာအောက်မှာ
ကိုယ့်ရဲ့ ပင်ပန်းမှုတွေ၊ အထီးကျန်မှုတွေ၊
လွမ်းဆွတ်မှုတွေ၊ စွန့်လွှတ်ထားရတဲ့ အိပ်မက်တွေ ရှိနေတာပါ။
ပိုလီယာနာ က လူတွေကို ပျော်ရွှင်မှု ပေးခဲ့သလို…
ပြည်ပရောက်သူတချို့ကလည်း
ကိုယ်မပျော်နိုင်တဲ့နေ့တွေမှာတောင်
မိသားစုကို ပျော်ရွှင်အောင် ကြိုးစားပေးနေကြပါတယ်။ ❤️🌎
ဒါကြောင့် နိုင်ငံခြားရောက်နေတဲ့သူတစ်ယောက်တိုင်းကို
“နိုင်ငံခြားရောက်နေတာပဲ… အဆင်ပြေနေမှာပါ” လို့ မထင်လိုက်ပါနဲ့။
သူတို့ရဲ့ အပြုံးနောက်မှာ
ဘယ်လောက်ကြီးတဲ့ တာဝန်တွေကို ထမ်းထားရလဲဆိုတာ
ဘယ်သူမှ မသိနိုင်ပါဘူး။ ❤️
တစ်နေ့နေ့မှာတော့ ပိုလီယာနာ လိုပဲ
သူတို့ပေးခဲ့တဲ့ ကောင်းမှုတွေဟာလည်း
သူတို့ဆီ ပြန်ရောက်လာပါစေလို့ဆုတောင်းပေးပါတယ်။ 🙏
သင်လည်း နိုင်ငံခြားမှာ အလုပ်လုပ်ပြီး မိသားစုကို ပံ့ပိုးနေသူတစ်ယောက်ဆိုရင် ရင်ဖွင့်သွားနိုင်ပါတယ်။
ပို့စ်လေးကို ကိုယ်သိတဲ့ နိုင်ငံရပ်ခြားကနေ
မိသားစုကိုထောက်ပံ့နေတဲ့ သူဆီ Share ပြီး အားပေးစကားလေးပြောပေးလိုက်ကြပါဦး ❤️
#ပြည်ပရောက်ဘဝ #နိုင်ငံခြားရောက်မြန်မာများ #မိသားစုအတွက်
