11/01/2026
सन्धर्भ 2025 साल लाई नियाल्दा ... बेलुका घर ढिलो जाने परिवारको सदस्य मध्ये मेरो नाम अग्रपन्ति मा पर्ने गरेको थियो, तर हिजो आज भने नातिनी जन्मिए पछि चाहिँ साँझ पर्नु अगाडि नै घर जाउँ जाउँ लाग्न थालेको छ ।
रमाइलो कुरा के हो भने, निकै वर्ष अघि
मलाई एक पल्ट एक जना प्रतिष्ठीत व्यक्तिले बडो गम्भिरताका साथ सोध्नु भयको थियो, विक्रम दाई, तपाईहरु के खानु हुन्छ हँ! तपाईको पनि एकपछि अर्को “दुईटा छोरा भयो र तपाईको भाईको पनि लगालग दुईटा छोरा नै भयो" भनेर सोध्नु भएको थियो । के कारण होला तेस्तो एउटै घरको दुईटै दाजुभाईको चार चार छोरै छोरा लगालग जन्मिनु र छोरी चाहिं नजन्मिनु ? के त्यस्तो रहस्य छ हँ! भनेर मलाई उहाँले जिस्काउनु भएको थियो ।
उहाँ सोध्ने मान्छे चाहिं एउटा शिक्षित र प्रतिष्ठित परिवार को व्यक्ति हुनुहुन्थ्यो र उहाँ पेशाले हवाईजहाज पनि उठाउनु हुन्थ्यो, उहाँ र उहाँका निकट ईष्टमित्र हरुको त्यसताका छोरी नै छोरी मात्र जन्मिएका रहेछन् । त्यसैले उहाँ छक्कै पर्नु भएको रहेछ ।
मैले पनि ठट्यौली भाषामा उहाँलाई जवाफ दिने गर्दथे त्यसताका :
म सानै देखि REGULAR WALKING EXCERCISE गर्दछु, दैनिक ७ किलोमिटर । मेरो भाई पनि SPORTS क्षेत्रमा आबद्ध भएको कारण ले पनि हुन सक्छ ।
मैले उहाँलाई के भन्थे भने “हामी ज्यादा काँठे ORGANIC खाना खान्छौं, घर घरायसी घर गाउँमा फल्दै आएको चल्दै आएको खाना खान्छौं, SEASON मा फलेको सागशब्जि खान्छौं, SEASON मा फलेको रायोको साग, पालुङ्गो, चम्सुर, बेथेको साग, फर्सी र मुन्टा, सलेगम, मुला खान्छौं र बेला बखत बारीमा उम्रेको सानो भ्यान्टा पनि खान्छौ । SEASON अनुसार कर्कलो, पिँडालु खान्छौं, SEASON अनुसार तरुल, स्कुस खान्छौं र सानेपा कन्टु ढुङ्गे धारा को पानी पिउँछौ । यो पनि एक कारण हो कि भनेर मैले उहाँको जिज्ञासालाई चित्त बुझाउने गर्थे ।
तेसताका को समयमा अङग्रेजी Missionary School पढेका शिक्षित युबा पिँढी र हुनेखाने ठुला घरानाहरु ले हामी सानेपा बासीलाई काँठें भनेर सम्बोद्धन गर्थे । हामीलाई त्यसमा कुनै संकोच थिएन ।
Channel BIKRAM : आजको मेरो रामकहानी बाट
