30/05/2026
میرا تعلق وادی سون کے گاؤں چمنکی سے ہے اور گزشتہ پانچ نسلوں سے ہمارا خاندان مصطفیٰ آباد کی نمبرداری سنبھال رہا ہے۔ میرے اجداد نے ہمیشہ اپنے علاقے کی خدمت کو مقدم رکھا، اور میرے دل میں بھی ہمیشہ یہی تڑپ رہی کہ اپنے لوگوں کے لیے کچھ قابلِ قدر کر سکوں۔
خواہش کے باوجود، مجھے آج تک کوئی ایسا ہم سفر یا رہنما نہ ملا جس کے ساتھ بیٹھ کر علاقے کی بہتری کے لیے کوئی عملی قدم اٹھایا جا سکے، اس لیے یہ ارمان دل میں ہی دبا رہا۔
لیکن منصور صاحب کی آمد کے بعد ہمیں یقین ہو گیا کہ اب وہ وقت آ پہنچا ہے۔ ہمیں محسوس ہوا کہ اب ہم مل کر سون سکیسر کی تقدیر بدل سکتے ہیں اور اپنی کوشش کا حصہ ڈال سکتے ہیں۔
الحمدللہ، منصور صاحب کے ساتھ مل کر ہم نے انفارمیشن ٹیکنالوجی کے فروغ کا بیڑا اٹھایا ہے۔ اس وقت ہم VTIs کے پانچ کالجز اور ایک GCT کالج میں تقریباً 250 سے 300 طلبہ کو ایڈوانسڈ AI اور IT کی تربیت دے رہے ہیں۔ یہ ٹریننگ ہمارے نوجوانوں کو عالمی برادری سے جوڑے گی اور ان شاءاللہ آپ کو ان کی صلاحیتوں میں نمایاں تبدیلی نظر آئے گی۔
