02/08/2026
გუშინ ზუსტად იმ ადგილას ვიდექით, სადაც კაცობრიობის ისტორიის უდიდესი მისტიკა და დრამა გათამაშდა — სიონის მთის ზედა ოთახში.
"საიდუმლო სერობა-ზიარების ოთახი"
აქ, საიდუმლო სერობაზე, მაცხოვარმა აკურთხა პური და ღვინო, რითაც პირველად დააწესა წმინდა ზიარების საიდუმლო. თუმცა, ამავე საღამოს უფალმა პირველად გაამჟღავნა მოახლოებული ღალატის შესახებაც. როდესაც მისმა საყვარელმა მოწაფემ, იოანე ღვთისმეტყველმა ჰკითხა, თუ ვინ იყო გამცემი, იესომ პურის გატეხვითა და მიწოდებით მიანიშნა იუდაზე. ამავე წმინდა კედლებში აღესრულა მოწაფეთა ფეხთბანვა და მოგვიანებით, სულიწმინდის გარდამოსვლაც.
ამავე ოთახში ყურადღებას იქცევს ბრინჯაოს სკულპტურა — სიცოცხლის გაგრძელების საოცარი სიმბოლო, რომელიც რომის პაპმა იოანე პავლე II-მ იერუსალიმში თავისი ისტორიული ვიზიტის დროს უსახსოვრა ამ წმინდა ადგილს. ეს ხე, რომელიც ერთგვარ კანდელაბრსაც მოგვაგონებს, სამ უდიდეს ბიბლიურ სიმბოლოს აერთიანებს:
✅️1)მარადიული სიცოცხლისა და მშვიდობის გამომხატველ ზეთისხილის ხეს.
✅️2)წმინდა ზიარების ღვინის მომასწავებელ ვაზის ყურძენს.
✅️ 3) მაცხოვრის ხორცის სიმბოლოს — ხორბლის თავთავებს.
საოცარი განცდაა იმ საძირკველზე დგომა, რომელიც ამდენ საიდუმლოსა და სულიერ ძალას ინახავს.
