Misheel visa consulting

16/06/2026

Инчонд олдсон хүний биеийн тасархайтай холбоотой хэрэг 6 дахь өдрөө үргэлжилж байна

Incheon хотын дахин боловсруулах хог ангилан ялгах төвөөс олдсон хүний биеийн тасархайтай холбоотой мөрдөн шалгах ажиллагаа зургаа дахь өдрөө үргэлжилж байгаа ч цагдаа нар одоогоор хохирогчийн хэн болох болон биеийн хэсгийг анх хаанаас хаясныг тогтоож чадаагүй байна.

Цагдаагийн байгууллага дахин боловсруулах хог тээвэрлэдэг 8 компанийн автомашины хар хайрцаг (дашкам)-ны бичлэг болон тээврийн бүртгэлийг шалгаж, биеийн хэсгийг хаанаас хогтой хамт ачсан болохыг тогтоохоор ажиллаж байна.

Энэ сарын 10-ны өдөр буюу лхагва гарагийн 14:28 цагийн орчимд тус төвийн ажилтан конвейер дээр хог ялгаж байхдаа хүний хөл мэт зүйл олсон тухай мэдээлэл өгчээ.

Шүүх эмнэлгийн урьдчилсан дүгнэлтээр олдсон хэсэг нь эмэгтэй хүний зүүн хөл болох нь тогтоогдсон байна.

Өвдөгнөөс өсгий хүртэлх урт: ойролцоогоор 41 см
Хөлийн хэмжээ: 210 мм орчим
Боолттой байдалтайгаар олдсон

Мөрдөн шалгах ажиллагааны хүрээнд гаргаж авсан ДНХ-ийн мэдээллийг сураггүй алга болсон хүмүүсийн мэдээллийн сантай тулгасан боловч одоогоор тохирох хүн илрээгүй байна.

Мөн цагдаа нар хог хаягдлын тээврийн маршрутыг нэг бүрчлэн шалгаж, биеийн хэсгийг аль орон сууцны хороолол, хогийн цэгээс анх хаясныг тогтоохоор ажиллаж байгаа аж.

Гэвч орон сууцны хороолол болон хог хаягдал цуглуулах хэсгүүдийн ойролцоох камерын хараагүй бүсүүд мөрдөн шалгах ажиллагаанд хүндрэл учруулж байна.

Үүнээс гадна хохирогчийн хэн болохыг тогтоох зорилгоор Инчон хотын сургуулиудад удаан хугацаагаар хичээлдээ ирээгүй сурагчдын бүртгэлийг ч шалгаж эхэлжээ.

Одоогоор хэрэгтэй холбоотой сэжигтэн тогтоогдоогүй бөгөөд мөрдөн шалгах ажиллагаа үргэлжилж байна.

15/06/2026

🇲🇳🇰🇷 “BUSAN CONTENT MARKET” ОЛОН УЛСЫН ҮЗЭСГЭЛЭНГИЙН НЭЭЛТИЙН ҮЙЛ АЖИЛЛАГААНД ОРОЛЦЛОО.

🔶 Монгол Улсаас БНСУ-ын Пусан хотод суугаа Консул Ц.Жадамбаа 20 дахь удаагийн “Пусан контент маркет 2026” үзэсгэлэнгийн нээлтийн арга хэмжээнд оролцлоо.

🔶 Энэ удаагийн тус арга хэмжээ нь Пусан хотын Бекско үзэсгэлэнгийн танхимд 3 хоногийн турш үргэлжилсэн ба дэлхийн 55 улсын 700 байгууллага, 2300 худалдан авагчид оролцсон ба нийт 230 сая долларын хэлэлцээр хийгдэхээр төлөвлөгдсөн тухай зохион байгуулагчийн зүгээс дурдлаа.

🔶 Энэ жилийн хувьд тус үзэсгэлэнд МҮОНРТ-ын захирал Г.Гэрэл тэргүүтэй Монгол улсын телевиз, контент бүтээгчдийн төлөөлөл, нийт 35 хүний бүрэлдэхүүнтэйгээр оролцсон нь онцлог байлаа.

🔶 Тус үзэсгэлэнгээр дамжуулан Монгол контент олон улсын зах зээлд нэвтрэх, шинэ худалдан авагчдыг нээн илрүүлэх, олон улсын контентын хөгжлөөс суралцах, туршлага судлах зэрэг чухал ач холбогдолтой юм.

🇲🇳🇰🇷 "BUSAN CONTENT MARKET 2026" 국제 전시회 개막식 참석

🔶 주부산 몽골 영사관 자담바 영사께서 제20회 Busan Content Market 2026 개막식에 참석했다.

🔶 이번 행사는 부산의 BEXCO에서 3일간 개최되었으며, 전 세계 55개국에서 700개 기관과 2,300명의 바이어가 참가했다. 주최 측에 따르면 총 2억 3천만 달러 규모의 거래가 추진될 예정이라고 밝혔다.

🔶 특히 올해는 MNB의 게렐 사장을 비롯해 몽골의 방송사 및 콘텐츠 제작자 대표단 등 총 35명이 참가해 의미를 더했다.

🔶 이번 전시회는 몽골 콘텐츠의 국제 시장 진출을 확대하고, 새로운 해외 구매자를 발굴하며, 글로벌 콘텐츠 산업의 최신 동향과 발전 사례를 학습하고 경험을 공유하는 중요한 기회가 될 것으로 기대된다.

Монгол Улсын Гадаад Харилцааны Яам Ministry of Foreign Affairs of Mongolia
Batmunkh Battsetseg Батмөнхийн Батцэцэг
Embassy of Mongolia in Seoul

15/06/2026

🎉 ВИЗ ГАРЛАА ✈️

Манай үйлчлүүлэгч визээ амжилттай авч, аяллын мөрөөдөлдөө нэг алхам ойртлоо. 🥰

Бидэнд итгэн материалаа бүрдүүлсэн үйлчлүүлэгчдээ баярлалаа. 💜

📞 7700-8626
🏢 Олимп Плаза, 7 давхар, 701 тоот

Визний зөвлөгөө болон материал бүрдүүлэлтийн үйлчилгээ авахыг хүсвэл бидэнтэй холбогдоорой.

#ВизГарлаа #СолонгосВиз #АяллынВиз

15/06/2026

ЭЛЧИН САЙД Д.БЯМБАДОРЖ ИТГЭМЖЛЭХ ЖУУХ БИЧГИЙН ХУВИЙГ ГАРДУУЛАВ
Монгол Улсаас Арабын Бүгд Найрамдах Египет Улсад суух Онц бөгөөд Бүрэн эрхт Элчин сайд Доньжчимбуугийн Бямбадорж 2026 оны 6 дугаар сарын 10-ны өдөр Арабын Бүгд Найрамдах Египет Улсын Гадаад хэрэг, олон улсын хамтын ажиллагаа, гадаадад суугаа египет иргэдийн асуудал эрхэлсэн яамны Туслах сайд бөгөөд Ёслолын газрын дарга Айман Эль-Десуки Юсефт Итгэмжлэх жуух бичгийн хувийг гардуулж, үүрэгт ажилдаа оров.

Уулзалтын үеэр талууд Монгол Улс, Арабын Бүгд Найрамдах Египет Улсын уламжлалт найрсаг харилцаа, хамтын ажиллагааны өнөөгийн байдал, цаашдын төлөвийн талаар санал солилцож, худалдаа, эдийн засаг, боловсрол, соёл, аялал жуулчлал зэрэг салбарын хамтын ажиллагааг өргөжүүлэх боломжийн талаар ярилцав.

Мөн хоёр улсын харилцаа, хамтын ажиллагааг цаашид бэхжүүлэн хөгжүүлэх, харилцан ашигтай хамтын ажиллагааг шинэ агуулгаар баяжуулах чиглэлээр нягт хамтран ажиллахаа илэрхийлэв.
H.E. Mr. BYAMBADORJ Donijchimbuu, Ambassador Extraordinary and Plenipotentiary of Mongolia to the Arab Republic of Egypt, presented copies of his credentials to H.E. Mr. Ayman El-Desouki Youssef, Assistant Foreign Minister for Protocol Affairs of the Arab Republic of Egypt, on 10 June 2026.

During the meeting, the two sides exchanged views on the current state and future prospects of the longstanding friendly relations and cooperation between Mongolia and the Arab Republic of Egypt. They also discussed opportunities to further expand cooperation in the fields of trade, economy, education, culture, and tourism.

The two sides reaffirmed their commitment to further strengthening bilateral relations and cooperation and to working closely together to deepen mutually beneficial engagement across various fields.
Batmunkh Battsetseg Батмөнхийн Батцэцэг
Монгол Улсын Гадаад Харилцааны Яам Ministry of Foreign Affairs of Mongolia

15/06/2026

🚨 БНСУ-ын Ерөнхийлөгч асан Юн Сёг Ёльд 1-р шатны шүүхээс 30 жилийн хорих ял оноолоо! 🚨

Өмнөд Солонгосын үндсэн хуулийн түүхэнд анх удаа Ерөнхийлөгч асан хүн улс орныхоо цэргийн аюулгүй байдалд хохирол учруулсан (эх орноосоо урвасан) хэргээр шүүхээс ял авсан дуулиант үйл явдал боллоо.

Сөүлийн төв дүүргийн шүүхээс өчигдөр (12-ны өдөр) Ерөнхийлөгч асан Юн Сёг Ёль болон Батлан хамгаалахын сайд асан Ким Ён Хён нарт тус бүр 30 жилийн хорих ял оноосон байна.

📍 Хэргийн гол агуулга:

Хэргийн шалтгаан: Тэд 2024 оны 10-р сард Умард Солонгосын Пхеньян руу нисгэгчгүй нисэх аппарат (дрон) нууцаар нэвтрүүлж, улмаар Умард Солонгосын өдөөн хатгалтыг бий болгон "Цэргийн онц байдал" (비상계엄) зарлах шалтаг бүрдүүлсэн гэж шүүх үзэв.

Шүүхийн дүгнэлт: Энэхүү ажиллагаа нь улс орны аюулгүй байдлын төлөө бус, ерөнхийлөгч өөрийн улс төрийн ашиг сонирхол, эрх мэдлээ хадгалж үлдэхийн тулд цэргийн хүчийг хувийн зорилгоор ашиглаж, БНСУ-ын цэргийн ашиг сонирхолд хохирол учруулсан үйлдэл хэмээн 판시лав.

Бусад холбогдогчид: Энэхүү нууц төлөвлөгөөнд оролцсон Цэргийн тагнуулын дарга асан Ё Инь Хёнд 15 жилийн хорих ял оноосон байна.

Шүүгчийн зүгээс "Ерөнхийлөгчийн эрх мэдлийг ашиглан хуурамчаар улс орныг онц байдалд оруулах гэж оролдсон нь ерөнхийлөгчид олгогдсон эрх үүргээс бүрэн гажуудсан үйлдэл" гэж хатуу зэмлэсэн байна.

Юн Сёг Ёль шүүхийн шийдвэрийг сонсоод үл тоомсорлосон шинжтэй инээмсэглэсэн бөгөөд түүний өмгөөлөгчдийн баг "Энэ бол хойд солонгосыг дэмжсэн, савдаг байгууллагын дарангуйлал" хэмээн мэдэгдэж, дараагийн шатны шүүхэд (давж заалдах) гомдол гаргахаа шууд зарлалаа.

15/06/2026

БНХАУ-ЫН ГАДААД ХЭРГИЙН САЙД ВАН И
МОНГОЛ УЛСАД АЛБАН ЁСНЫ АЙЛЧЛАЛ ХИЙХЭЭР ХҮРЭЛЦЭН ИРЭВ.

Монгол Улсын Их Хурлын Гишүүн, Гадаад харилцааны сайд Б.Батцэцэгийн урилгаар ХКН-ын Төв хорооны Улс төрийн товчооны гишүүн, БНХАУ-ын Гадаад хэргийн сайд Ван И Монгол Улсад айлчлахаар энэ өдөр Улаанбаатар хотод хүрэлцэн ирэв.

Түүнийг Монгол Улсын Гадаад харилцааны яамны Төрийн нарийн бичгийн дарга Л.Мөнхтүшиг, Монгол Улсаас БНХАУ-д суугаа Элчин сайд Н.Энхболд, БНХАУ-аас Монгол Улсад суугаа Элчин сайд Шэнь Миньжюань болон ГХЯ-ны холбогдох газрын удирдлагууд “Чингис хаан” олон улсын нисэх онгоцны буудалд угтан авав.

БНХАУ-ын Гадаад хэргийн сайд Ван И 2026 оны 6 дугаар сарын 13-15-ны өдрүүдэд айлчлах ба айлчлалын хүрээнд Монгол Улсын Ерөнхийлөгч У.Хүрэлсүх, Монгол Улсын Ерөнхий сайд Н.Учрал нарт бараалхаж, Гадаад харилцааны сайд Б.Батцэцэгтэй албан ёсны хэлэлцээ хийнэ.

12/06/2026

12/06/2026

“БНСУ-д цэргийн онц байдал зарлахаас өөр аргагүй байж гэдгийг одоо л ойлгож байна” гэсэн сэтгэгдэл бичих иргэдийн тоо сошиал орчинд нэмэгдэж байна.

Өнгөрсөн 2024 оны 12-р сарын 3-нд Ерөнхийлөгч Юн Сог Ёль цэргийн онц байдал зарлах үед дурдсан “төрийн эсрэг хүчин” болон “БНСУ-ын эрх чөлөөт ардчиллыг хамгаалах” тухай асуудлын утга учрыг Солонгосын зарим иргэд дахин эргэцүүлэн бодож эхэлжээ.

Ялангуяа 2026 оны 6-р сарын 3-ны орон нутгийн сонгуультай холбоотойгоор шүүхээс зарим нотлох баримтыг хүлээн аваагүй явдал нь шүүх байгууллага төвийг сахисан байдлаар ажиллаж чадаж байгаа эсэх талаар эргэлзээ төрүүлж байна гэж үзэх хүмүүс байна.

Тэд шүүхийн байгууллага нэг талын ашиг сонирхолд үйлчилж байгаа мэт сэтгэгдэл төрүүлж байна хэмээн шүүмжилж, хууль, шүүхийн байгууллагууд аливаа маргааныг улс төрийн нөлөөллөөс ангид, шударга бөгөөд ил тод байдлаар шийдвэрлэх ёстой гэж үзэж байна.

Мэдээлэл бэлтгэсэн Нацагдорж Аззаяа
2026.06.12

11/06/2026

СӨҮЛ ХҮНЭЭР ДҮҮРЧ, ХӨДӨӨ ХОТУУД ХҮНГҮЙ БОЛСОН ТУЛ СОЛОНГОС ГАДААД ИРГЭДИЙН БОДЛОГОО ӨӨРЧИЛЖ ЭХЛЭВ
Сүүлийн жилүүдэд монголчуудын дунд “Сөүлд виз улам чангарч байна уу?”, “Яагаад хөдөө орон нутагруу ажиллах хүн хайгаад байдаг юм?”, “Цаашдаа Сөүлд үлдэх хэцүү болох уу?” гэсэн асуултууд их гарч байна.
Үнэндээ Солонгос улс гадаад иргэдийг хөөж байгаа биш, харин гадаад иргэдийг Сөүлээс бусад бүс нутагт татах бодлого руу аажмаар шилжиж байна.
Өнөөдөр Солонгосын нийт хүн амын тал орчим нь Сөүл, Инчон, Кёнги бүсэд төвлөрсөн байдаг.
Харин олон аймаг, жижиг хотуудад:

❌ Залуучууд алга

❌ Ажиллах хүч дутагдалтай

❌ Сургууль хаагдаж байна

❌ Хүн амын тоо жил бүр буурч байна
Иймээс Солонгосын Засгийн газар “орон нутгийн хүн амын сүйрэл”-ээс сэргийлэхийн тулд шинэ бодлого хэрэгжүүлж эхэлсэн байна.
Сөүлд виз нарийн шалгаж байгаа юу?
Албан ёсоор "Сөүлд амьдардаг учраас виз өгөхгүй" гэсэн журам байхгүй.Гэхдээ бодит байдал дээр:

✔️ Орон нутгийн үйлдвэрүүдэд ажиллах хүмүүсийг илүү дэмжих

✔️ Хүн ам цөөрсөн бүсэд амьдрах гадаад иргэдэд давуу боломж олгох

✔️ Байнгын оршин суух эрхрүү шилжих нөхцлийг зарим бүсэд хөнгөвчлөх чиглэл хүчтэй болж байна.Өөрөөр хэлбэл Сөүл рүү бөөгнөрөхийг биш, орон нутагт суурьшихыг дэмжиж эхэлжээ.

🌄 Ямар хотууд гадаад иргэдийг татаж байна вэ?

Солонгосын олон аймаг, хотууд:

✅ Пусанын зарим дүүрэг

✅ Чүнбүк муж

✅ Жолла бүсүүд

✅ Канвон мужийн зарим сумд
зэрэг хүн ам буурсан газруудад тусгай визийн хөтөлбөр хэрэгжүүлж эхэлсэн байна.
Зарим бүс нутаг бүр:
🔹 Гэр бүлээ авчрах боломж нэмэх
🔹 Урт хугацааны оршин суух нөхцөл санал болгох
🔹 Ажилд зуучлах
🔹 Солонгос хэлний сургалт дэмжих арга хэмжээнүүдийг хэрэгжүүлж байна.

📑 Шинэ гарч байгаа “Бүсийн тусгай виз” гэж юу вэ?

Солонгосын Хууль зүйн яам 2025 оноос эхлэн:

"Regional Specialized Visa" (지역특화형 비자) буюу бүсийн тусгай визийн хөтөлбөрийг өргөжүүлж эхэлсэн. Энэ нь:

👉 Хүн ам цөөрсөн бүсэд ажиллаж амьдрах

👉 Тодорхой хугацаанд тухайн газартаа суурьших

👉 Орон нутгийн хөгжлийг дэмжих гадаад иргэдэд зориулсан бодлого юм.
Засгийн газар цаашид зөвхөн ажиллах хүч биш, бүр орон нутагт тогтвортой амьдрах гадаад иргэдийг нэмэгдүүлэх зорилготой гэдгээ ил тод мэдэгдээд байна.
Монголчууд юуг анхаарах хэрэгтэй вэ?
Өмнө нь “Яаж Сөүл очих вэ?” гэдэг хамгийн чухал асуулт байсан.Харин ирээдүйд “Ямар бүсэд очвол илүү боломжтой вэ?” гэдэг асуулт илүү чухал болж магадгүй байна.
Учир нь:
📍 Сөүлд өрсөлдөөн өндөр
📍 Байр үнэтэй
📍 Ажил олгогч их боловч хүн ам хэт төвлөрсөн.Харин зарим орон нутгийн хотуудад:
✔️ Ажиллах хүч маш их хэрэгтэй
✔️ Визийн дэмжлэг илүү сайн
✔️ Урт хугацаанд үлдэх боломж нэмэгдэж байна.
Эх сурвалж: TV6

11/06/2026

Гадаад харилцааны сайд Б.Батцэцэг 2026 оны 6 дугаар сарын 10-11-ний өдрүүдэд Японы “Никкэй” сонины газраас зохион байгуулдаг 31 дэх удаагийн “Азийн ирээдүй” олон улсын форумд уригдан, үндсэн илтгэгчээр оролцов.

“Илүү тэсвэртэй, хөгжил дэвшилтэт Азийг хамтдаа бүтээе” сэдвийн хүрээнд болсон тус форумд олон улсын нөхцөл байдал хувьсамтгай, сорилт бэрхшээлээр дүүрэн байгаа өнөө үед Азийн орнууд хамтын ажиллагаагаа хэрхэн бэхжүүлж, тогтвортой бөгөөд хүртээмжтэй хөгжлийг хангах талаар санал, санаачилга солилцов.

Гадаад харилцааны сайд Б.Батцэцэг илтгэлдээ Монгол Улс энхийг эрхэмлэсэн, нээлттэй, бие даасан, олон тулгуурт гадаад бодлогоо тууштай хэрэгжүүлж, бүс нутаг болон олон улсын хамтын ажиллагааг дэмжин ажиллаж буйг онцлон тэмдэглэв. Түүнчлэн Монгол Улсын эдийн засгийн өнөөгийн нөхцөл байдал, Засгийн газраас хэрэгжүүлж буй бодлого, тэргүүлэх зорилт, цаашдын хөгжлийн чиг хандлагын талаар танилцууллаа.

Тус форумд Зүүн Тимор Улсын Ерөнхийлөгч Хосе Рамос-Хорта, Бүгд Найрамдах Ардчилсан Лаос Ард Улсын Ерөнхий сайд Сонексай Сифандоне, Малайз Улсын Ерөнхий сайд Анвар Ибрахим, Тайландын Хаант Улсын Шадар сайд Сихасак Пуанкеткеов, Камбожийн Хаант Улсын Шадар сайд Сун Чантол, Бүгд Найрамдах Сингапур Улсын Эрүүл мэндийн сайд бөгөөд Нийгмийн бодлогын асуудал хариуцсан зохицуулах сайд Он Е Күн, Бүгд Найрамдах Филиппин Улсын Гадаад хэргийн сайд Мариа Тереза Лазаро зэрэг төр, засгийн өндөр түвшний төлөөлөгчид оролцов.

Форумын үеэр Гадаад харилцааны сайд Б.Батцэцэг “Никкэй” сонинд ярилцлага өгч, Монгол Улсын гадаад бодлого, бүс нутгийн хамтын ажиллагаа, хөрөнгө оруулалтын орчин болон эдийн засгийн хөгжлийн төлөвийн талаар байр сууриа танилцуулав.

“Азийн ирээдүй” олон улсын форум нь Ази, Номхон далайн бүс нутгийн улс төр, эдийн засгийн тулгамдсан асуудлыг хэлэлцэх зорилгоор улс орнуудын удирдагчид, бодлого боловсруулагчид, бизнесийн төлөөллийг нэг дор цуглуулдаг нэр хүндтэй арга хэмжээ бөгөөд 1995 оноос хойш “Никкэй” сонины газраас жил бүр зохион байгуулж ирсэн. Энэ удаагийн форум Никкэй сонин үүсгэн байгуулагдсаны 150 жилийн ойн хүрээнд зохион байгуулагдаж байна. Тус форумд Монгол Улсаас сүүлийн жилүүдэд 2017 онд Гадаад харилцааны сайд Ц.Мөнх-Оргил, 2024 онд Монгол Улсын УИХ-ын дарга Г.Занданшатар нар тус тус оролцож байв.