02/08/2026
📢 Nga 1 gushti fillon zbatimi i plotë i dispozitave të Ligjit për Turizmin dhe akteve nënligjore që rregullojnë ushtrimin e veprimtarisë së udhërrëfyesve turistikë në Republikën e Kosovës.
Pas përfundimit të fazës informuese, Ministria e Kulturës dhe Turizmit, në bashkëpunim me Policinë Kufitare, Inspektoratin e Tregut dhe udhërrëfyesit turistikë të licencuar, do të angazhohet për zbatimin e plotë të këtyre dispozitave ligjore.
Ky proces synon të garantojë që shërbimet e udhërrëfimit turistik të ofrohen nga udhërrëfyes të licencuar, sipas standardeve të përcaktuara me ligj, duke kontribuar në një sektor turistik më profesional, më të rregulluar dhe më të sigurt për të gjithë.
Në webfaqen e Ministrisë së Kulturës dhe Turizmit tashmë mund të gjeni listën e guidave të licencuara, së bashku me informatat për llojin e licencës dhe kontaktet e tyre.
Lista do të përditësohet vazhdimisht. Ftojmë të gjithë guidat turistike që ushtrojnë veprimtarinë në Kosovë dhe që ende nuk janë pjesë e saj, të plotësojnë dokumentacionin përkatës.