Shoqata Dajti Alpino Turistik

14/07/2026

Sot kujtojmë presor Bimin❤️

Ibrahim Haçkaj i përkiste atij brezi të rrallë shqiptarësh që kombinuan kulturën, profesionalizmin, patriotizmin dhe humanizmin në një jetë të vetme. Ai ishte mjek veteriner i njohur, ekonomist i aftë, ekspert zhvillimi, punonjës i Bankës Botërore, alpinist i shquar, autor, mentor dhe mbi të gjitha një njeri i jashtëzakonshëm.

Karriera e tij pasuniversitare filloi në fushën e mjekësië veterinare, ku fitoi respekt profesional për dijen dhe përkushtimin e tij. Më pas ai u specializua edhe në ekonomi dhe u bë pjesë e proceseve të rëndësishme të zhvillimit të Shqipërisë në vitet e tranzicionit. Ai ishte shqiptari i parë që filloi punë me Bankën Botërore në Shqipëri, me kontribute historike në ekonominë Shqiptare, duke vijuar më pas aktivitetin e tij profesional në Kosovë dhe në projekte strategjike ndërkombëtare, përfshirë edhe Trans Adriatic Pipeline (TAP).

Një prej karakteristikave që e dallonte ishte kultura e tij e gjerë. Ibrahim Haçkaj zotëronte rusishten, italishten, frëngjishten, anglishten dhe shqipen, aftësi që i mundësuan të punonte me lehtësi në mjedise ndërkombëtare dhe të ndërtonte ura bashkëpunimi mes njerëzve, institucioneve dhe kulturave të ndryshme.

Megjithatë, për shumë shqiptarë emri i tij lidhet mbi të gjitha me malet. Si themelues dhe frymëzues i Shoqatës Dajti Alpino-Turistike, ai nuk ndërtoi vetëm një organizatë sportive. Ai krijoi një shkollë karakteri dhe një komunitet që formoi breza të tërë alpinistësh, eksploruesish dhe dashamirësish të natyrës. Ai i injektoi në gjak mijëra të rinjve Shqiptarë, dashurinë për natyrën dhe vendin.

Ai pushtoi shumë nga majat më të larta të Shqipërisë dhe botës, e në fakt ishte nismëtar i nismës "7 maja në 7 kontinente" dhe ishte vetë pjestar në shumë nga këto ngjitje (Mont Blanc, Kilimanjaro, Aconcagua, Kampi baze Everest etj). Ata që e njohën e kujtojnë jo vetëm për ngjitjet e tij, por për fisnikërinë, bujarinë dhe ndershmërinë e rrallë. Ishte njeriu që ndante gjithçka kishte me të tjerët, që nuk përfitonte kurrë nga pozicioni i tij dhe që vendoste interesin e përbashkët mbi interesin personal.

Ibrahim Haçkaj ishte një njeri që nuk pranonte kompromis me parimet. Ai mbronte natyrën, drejtësinë dhe etikën me të njëjtin pasion me të cilin ngjitej në male. Për këtë arsye ai gëzonte respekt jo vetëm në komunitetin e alpinizmit, por edhe në qarqet profesionale, akademike dhe shoqërore brenda dhe jashtë Shqipërisë.

Arritja e tij më e madhe nuk ishte një post, një titull apo një rekord sportiv, por ishte formimi i njerëzve. Ai la pas një brez të tërë që mësuan prej tij respektin për natyrën, dashurinë për Shqipërinë, disiplinën, integritetin dhe solidaritetin.

Sot, Ibrahim Haçkaj kujtohet si një baba e bashkëshort i mrekullueshëm, njëprofesionist i shquar, një qytetar model, një patriot i qetë por veprues, një alpinist i jashtëzakonshëm dhe një njeri që e jetoi jetën me dinjitet dhe përkushtim ndaj të tjerëve.

Disa njerëz pushtojnë male. Ibrahim Haçkaj arriti diçka më të vështirë: pushtoi zemrat e njerëzve që e njohën.

12/05/2026

PROTESTO!
Ndaloni masakrën në Vjosë - Nartë!
Buldozerët kanë hyrë në zemër të një prej zonave më të egra dhe më të rëndësishme natyrore të Shqipërisë. Dhjetëra kamionë dhe ekskavatorë po bëjnë copë e çikë Peizazhin e Mbrojtur Pishë Poro-Nartë.
Punimet po kryhen duke anashkaluar ligjin, ekspertët dhe publikun.

Të shtunën | Ora 11:30
📍 Vjosa-Nartë, Hidrovori, Akërni

Nisemi së bashku nga Tirana, nga Teatri i Operas dhe Baletit në orën 08:30.

Vjosa-Narta nuk është shesh ndërtimi.
Nuk është territor pa ligj.
Dhe nuk mund të sakrifikohet në heshtje.

-
PROTEST!

Stop the destruction in Vjosa–Narta!
Bulldozers have entered the heart of one of Albania’s wildest and most important natural areas. Dozens of trucks and excavators are tearing apart the Protected Landscape of Pishë Poro–Narta.
The works are being carried out while bypassing the law, experts, and the public.

Saturday | 11:30 AM
📍 Vjosa–Narta, Hydrovori, Akërni

We will depart together from Tirana, from the Opera and Ballet Theatre, at 08:30 AM.

Vjosa–Narta is not a construction site.
It is not a lawless territory.
And it cannot not be sacrificed in silence.

Protection and Preservation of Natural Environment in Albania

See le

30/04/2025

Vera nis këtu! ☀️🌊

2 dhe 3 maj – ditë plot dritë, muzikë dhe det.
Ejani të festojmë fillimin e një sezoni që premton shumë! 🎶✨

09/12/2024

Prej disa javësh, Liqeni i Tiranes është mbuluar nga një shtresë algash që i japin më shumë pamjen e një kënete sesa te një liqeni. Procesi quhet eutrofikim dhe ndodh kur uji është i tejngopur me lëndë ushqyese si Fosfor dhe Azot.

Kolonia e algave blu-jeshile konsumon oksigjenin e tretur në liqen duke bërë që te ngordhin te gjitha gjallesat e tjera. Për më tepër, këto alga janë të rrezikshme dhe për kafshët që e konsumojne ujin e Liqenit të Tiranës. Faza tjetër e kësaj katastrofe është ngordhja e gjithë gjallesave në liqen, dukuri që shoqërohet me aroma të pakëndshme për githë zonën.

Prania e kësaj alge është tipike në liqene të zonave që nuk ka rregullim te derdhjeve të ujrave të zeza dhe ujrave rrjdhëse të shiut. Pra më tepër se një cështje mjedisore është një cështje e keqqeverisjes dhe kaosit urban, të cilit nuk i shpëtoi dot as Liqeni i Tiranes, i vetmi park i mbetur brenda zonës së kryeqytetit. Kanlizimet e ujrave te zeza dhe të shiut janë një përgjegjsi direkte e Bashkisë së Tiranës.

Përpara se kryetari i bashkisë të dyfishojë sipërfaqet e dhëna per ndërtim (pa një plan të mirëfilltë) duhet te mendojë edhe për shërbimet e tjera bazike si kanalizimet. Fatkeqsisht kthimi i liqenit në parametrat e mëparshëm do të kërkojë kohë dhe resurse finaciare te konsiderueshme, të cilat duhet te paguhen nga taksapaguesit, pasi fillimisht duhen evidentuar te gjitha pikat e derdhjeve të ujrave të zeza dhe të shiut në basenin ujëmbledhës të liqenit dhe më pas duhet pastruar llumi nga fundi i liqenit.

I bëjmë thirrje autoriteteve përkatese, pra Bashkia dhe Ministria e Mjedisit, të marrin masa te menjëhershme, pasi ky fenomen ul ndjeshem cilesine e jeteses te qytetareve te cilët shohin te parku i liqenit të vetmen hapesirë te gjelbër të mbetur ne Tiranë.


🇦🇱

09/12/2024

Impianti i Trajtimit të Ujërave të Zeza në Kashar, i cili ishte planifikuar të përfundonte në vitin 2018, do të kishte një ndikim të rëndësishëm në pastrimin e lumit Lana dhe në përmirësimin e kushteve të shëndetit për rreth 1 milion banorë.

Megjithatë, për shkak të moszbatimit të kontratës nga ana e Ministrisë së Infrastrukturës dhe Bashkisë së Tiranës, projekti nuk u finalizua kurrë. Ndërkohë që banorët vazhdojnë të përballen me pasoja të rënda për shëndetin e tyre, qeveria tani po përballet me një gjyq ndërkombëtar për këtë dështim.

Mungesa e përfundimit të këtij projekti ka kontribuar në ndotjen e vazhdueshme të lumit dhe në rritjen e rreziqeve mjedisore në zonë. Shtyrja e zgjidhjes për një problem kaq jetik ka përkeqësuar situatën, duke e lënë komunitetin të ekspozuar ndaj rrezikut të ndotjes së ujërave dhe ajrit. Institucionet përgjegjëse kanë ofruar pak ose aspak transparencë për hapat e ardhshëm, duke lënë të hapura shumë pikëpyetje për të ardhmen e këtij projekti të rëndësishëm.

Diaspora për Shqipërinë e Lirë është e informuar për këtë çështje dhe do ta ndjekë me vëmendje të gjithë procesin, i cila përbën një katastrofë ekologjike që na prek të gjithë ne. Dpshl do të ndërhyjë për të adresuar çdo padrejtësi apo problem që u shkaktohet banorëve të prekur nga kjo situatë.

23/03/2024

Sot u nda nga jeta mikja jone e vjeter dhe nje nga alpinistet e para te ShDAT, Ina Kasimati ! Ina ishte nje qytetare model e nje aktiviste e palodhur ! Te qofte i lehte dheu Ina e do na mungosh !

14/03/2024

Iftar me rijetëzimin

25/02/2024

https://www.gofundme.com/f/te-ndihmojme-ina-kasimatin-te-rikthehet-ne-atdhe

Unë jam Ina Kasimati, shumë më njohin si zysha, disa të tjerë si aktivist… Mario Kuci needs your support for Të ndihmojmë Ina Kasimatin të rikthehet në Atdhe!