Lənkəran Regional Turizm İdarəsi

07/08/2026

Avqust ayında Lənkəran Regional Turizm İdarəsinin əməkdaşları tərəfindən mehmanxana və mehmanxana tipli müəssisələrin monitorinqi davam edib. Monitorinq zamanı hotellərdə mövcud şəraitə yerində baxış keçirilib, müvafiq tövsiyələr verilib.

05/08/2026

Hotellərdə ulduz təsnifatı ilə bağlı işlər mütəmadi davam etdirilir.

Lənkəran Regional Turizm İdarəsi tərəfindən Astarada çimərlik ərazisində yeni fəaliyyətə başlamış hotelin monitorinqi aparılmış, ulduz təsnifatı ilə bağlı maarifləndirmə və məlumatlandırma istiqamətində müvafiq qaydalar izah olunmuşdur.

28/07/2026

Lənkəran Regional Turizm İdarəsi tərəfindən iyul ayı ərzində hotellərdə ulduz təsnifatı ilə bağlı maarifləndirmə və məlumatlandırma istiqamətində işlər davam etdirilmişdir.

Lənkəran RTİ əməkdaşları tərəfindən hotellərə səfər olunaraq müvafiq sənədlərin toplanılması və təqdim olunması istiqamətində yerində dəstək göstərilmişdir.

27/07/2026

İyul ayı ərzində şənbə və bazar günlərində də daxil olmaqla hər gün fəaliyyət göstərən Turizm İnformasiya Məntəqəsi turistlərə və şəhərimizin qonaqlarına bölgənin turizm potensialı haqqında məlumatlar vermişdir. Ay ərzində məntəqəyə 90 turist müraciət etmişdir ki, onlardan 40 nəfər xarici vətəndaş olmuşdur.

22/07/2026

21/07/2026

Bilirsinizmi - cənub bölgəsi ölkənin quş müşahidəsi üçün əsas istiqamətlərindən biridir.

Azərbaycanın cənub bölgəsi zəngin ekosistemi, su-bataqlıq əraziləri və sıx meşələri ilə quş müşahidəsi (birdwatching) üçün ölkənin ən unikal məkanlarından biridir. Region həm yerli, həm də minlərlə köçəri quş növünə ev sahibliyi edir.

📍 Əsas quş müşahidəsi məkanları - Qızılağac Milli Parkı, Şirvan Milli Parkı: bütün Qafqazın ən mühüm su-bataqlıq quşları diyarıdır. Beynəlxalq ramsar siyahısına daxil olan bu parkda qışlama və miqrasiya dövründə flaminqolar, qutanlar, vağlar və müxtəlif ördək növləri kütləvi şəkildə toplaşır. Mahmudçala gölü (Biləsuvar/Salyan): köçəri su quşlarının cənuba doğru hərəkət edərkən dayandığı əsas keçid və qidalanma nöqtəsidir.
Hirkan Milli Parkı və Lerik meşələri: sıx relikt meşələr və dağlıq ərazilər spesifik meşə quşlarını izləmək üçün idealdır. Burada talış arıquşu və qaradöş qaratoyuq kimi bölgəyə xas hədəf növləri tapmaq mümkündür.

🦅 Bölgədə görünən maraqlı quş növləri, su və bataqlıq quşları: adi flaminqo, qıvırcıqlələk qutan, ağquyruq çökükburun, kiçik qarabatdaq və fərqli cürbəcür ördəklər. Meşə və dağ növləri: talış arıquşu, qaradöş qaratoyuq və müxtəlif ağacdələnlər. Yırtıcı quşlar: çöl muymulu, adi sar, imperator qartalı və çay qartalları.

📅 Ən uğurlu mövsümlər payız və qış (noyabr – fevral): köçəri quşların kütləvi şəkildə şimaldan cənuba gəldiyi və Qızılağac körfəzində qışladığı ən aktiv dövrdür.Yaz (aprel – iyun): quşların nəsil artırması, yuva qurması və yerli növlərin aktiv ötüşmə dövrüdür.

Fotolara görə bizimlə əməkdaşlıq edən ekobloqer Saleh Baxşiyevə təşəkkürümüzü bildiririk.

20/07/2026

Azərbaycanın əlverişli coqrafi mövqeyi və rəngarəng quş növlərinin burada geniş yayılması ölkəmizi bütün quş müşahidəsi həvəskarlarının sevimli yerlərindən birinə çevirir. Bu baxımdan Azərbaycan Turizm Bürosu quş müşahidəçiliyi turizminin inkişafı və təbliği istiqamətində mütəmadı işlər aparır. Cənub bölgəsi turizmin bu istiqaməti üçün ən populyar destinasiyalardan biridir. Xüsusi ilə burada yerləşən Şirvan Milli Parkı, Qızılağac Milli Parkı və Hirkan Milli Parkının ornitoloji turizm imkanlarını qeyd etmək olar. Bu imkanların təbliğ olunması məqsədi ilə hər il kompleks tədbirlər görülür.

Azərbaycan Turizm Bürosu tərəfindən Şirvan Milli Parkında quş müşahidəsi ilə bağlı aparılan video çəkiliş prosesində Lənkəran Regional Turizm İdarəsinin əməkdaşlarının aktiv iştirakı təmin olunmuşdur.

Qeyd etmək lazımdır ki, görülən işlər sayəsində Azərbaycan quş müşahidəsi üzrə getdikcə tanınan bir destinasiyaya çevrilməkdədir.

18/07/2026

Dəniz, günəş və sonsuz rahatlıq - bu yayı Xəzərin sahilində ruhunuzu yeniləyin!

Xəzərin qara qumlarında unudulmaz yay tətili keçirmək istəyirsənsə Lənkəran və Astara sahili boyu uzanan çimərlikləri kəşf etməyə tələs.

Dəniz mehi ilə başlayan böyük macəraya hazır ol.

17/07/2026

Azərbaycanla Yunanıstan arasında turizm əlaqələrinin genişləndirilməsi perspektivləri müzakirə olunub

İyulun 15-də Dövlət Turizm Agentliyinin sədri Fuad Nağıyevlə Yunanıstan Respublikasının Azərbaycan Respublikasındakı fövqəladə və səlahiyyətli səfiri xanım Mariya Papakonstantinu arasında görüş keçirilib.

Ətraflı şərh bölməsindən oxuya bilərsiniz⤵️

15/07/2026

Azərbaycan Turizm Bürosu ilə “Slovakia Travel” arasında əməkdaşlıq memorandumu imzalanıb

İyulun 15-də Bakıda keçirilən Azərbaycan-Slovakiya Biznes Forumu çərçivəsində Azərbaycan Turizm Bürosu (ATB) ilə “Slovakia Travel” (Visit Slovakia) arasında turizm sahəsində əməkdaşlığın inkişafına dair memorandum imzalanıb.

Ətraflı şərh bölməsindən oxuya bilərsiniz⤵️