25/03/2026
සමහර ඇත්ත කතා චිත්රපට වලටත් වඩා හරිම පුදුම සහගතයි. යුස්රා මර්දිනි (Yusra Mardini) කියන 17 හැවිරිදි සිරියානු තරුණියගේ කතාවත් අන්න ඒ වගේ එකක්. 2015 අවුරුද්දේ යුද්ධයෙන් බේරෙන්න තමන්ගේ සහෝදරියත් එක්ක බෝට්ටුවකින් එද්දී, ඒකේ එන්ජිම නතර වෙලා බෝට්ටුව ගිලෙන්න පටන් ගත්තා. හැමෝම මරණ බයෙන් කෑගහද්දී යුස්රා බය වුණේ නැහැ.
ඇය තවත් තුන් දෙනෙක් එක්ක මුහුදට පැනලා, ඒ බෝට්ටුව එක අතකින් අල්ලගෙන පැය තුනකට වඩා වැඩි වෙලාවක් පීනමින් ඒක ගොඩබිමට තල්ලු කරගෙන ආවා. ඒ විදිහට බෝට්ටුවේ හිටපු ජීවිත 20ක්ම බේරගන්න මේ පුංචි කෙල්ලට පුළුවන් වුණා. මේක නිකන්ම බේරගැනීමක් නෙවෙයි, මරණය පෙනි පෙනී කරපු ලොකු කැපකිරීමක්.
ඊටත් වඩා වටින්නේ ඇය ඊට පස්සේ කරපු දේයි. යුරෝපයට ඇවිත් ආයෙත් තමන්ගේ පීනීමේ දක්ෂතාවය දියුණු කරගත්ත ඇය, 'සරණාගත කණ්ඩායම' නියෝජනය කරමින් ඔලිම්පික් තරඟාවලියට පවා සහභාගී වුණා. මරණය අභියෝගයට ලක් කරපු තැන ඉඳන් ලෝක මට්ටමේ ක්රීඩිකාවක් වුණු ඇයගේ මේ කතාවෙන් පේන්නේ හිතේ හයිය තියෙනවා නම් ඕනෑම බාධකයක් ජය ගන්න පුළුවන් කියන එකයි.
