24/06/2021
☘️☘️☘️မဟာသမယအခါတော်နေ့ပူဇာမင်္ဂလာ☘️☘️☘️
နယုန်လပြည့်နေ့
☘️☘️☘️☘️☘️☘️☘️
ဗုဒ္ဓဘာသာဝင်တို့၏ အလေးအမြတ်ထား၍ပြု
အပ်သော လစဉ်လပြည့်အခါတော်နေ့တို့မှာ...
၁☘️နှစ်သစ်မင်္ဂလာ အခါတော်နေ့
၂☘️ကဆုန်လပြည့် _ ဗုဒ္ဓ အခါတော်နေ့
၃☘️နယုန်လပြည့် _ မဟာသမယ အခါတော်နေ့
၄☘️ဝါဆိုလပြည့် _ ဓမ္မစကြာ အခါတော်နေ့
၅☘️ဝါခေါင်လပြည့် _ မေတ္တာ အခါတော်နေ့
၆☘️တော်သလင်းလပြည့်_ ဂရုဓမ္မ အခါတော်နေ့
၇☘️သီတင်းကျွတ်လပြည့် - အဘိဓမ္မာအခါတော်နေ့
၈☘️တန်ဆောင်မုန်းလပြည့် _သာမညဖလ အခါတော်နေ့
၉☘️နတ်တော်လပြည့် _ ဓမ္မ စာဆိုတော်များနေ့
၁၀☘️ပြာသိုလပြည့် _ ရှင်တစ်ထောင်အခါတော်နေ့
၁၁☘️တပိုတွဲလပြည့် _ သြဝါဒပါတိမောက်အခါတော်နေ့
၁၂☘️တပေါင်းလပြည့် _ မြတ်ဗုဒ္ဓ ပြည်တော်ပြန် အခါ
တော်နေ့
ဤသို့အားဖြင့် အခါတော်နေ့များအား
အလေးထားလျှက် လစဉ်လပြည့် ပြုလေ့ရှိရာတွင် ယခု
နယုန်လပြည့်နေ့သည်ကား မဟာသမယ အခါတော်နေ့
ဖြစ်သည့်အတွက် ရိုသေဦးခိုက်ပူဇော်ထိုက်သော နေ့
တစ်နေ့ အဖြစ်တင်ပြအပ်ပါသည်။
နယုန်လပြည့်နေ့၏ ထူးခြားချက်တို့မှာ …
နယုန်လပြည့်နေ့သည် ဗုဒ္ဓဘာသာဝင်များအဖို့ ငြိမ်းချမ်း
ရေးမှတ်တိုင်ကို စိုက်ထူနိုင်ခဲ့သော သမိုင်းဝင်နေ့ထူး
နေ့မြတ်ဖြစ်ကြောင်း အထူးသတိပြုသင့်ပါသည်။
မြတ်ဗုဒ္ဓသည် ထိုနေ့၌ပင်ကပိလဝတ်ပြည် မဟာဝုန်တော
ကြီးအတွင်း " မဟာသမယသုတ် " ဒေသနာတော်ကို
ဟောကြားတော်မူခြင်း အကြောင်းပြု၍ နယုန်လပြည့်
နေ့၌ မဟာသမယအခါတော်ပွဲ ကျင်းပကြခြင်းဖြစ်သည်။
အခြားသောထူးခြားချက်တို့မှာ..
၁☘️ရေလုပွဲကြီးဆင်နွှဲကြသော တောင်သူလယ်
သမားတို့ငြင်းခုံ ခိုက်ရန်ဘေးမှ ကင်းဝေရ
သော နယုန်လပြည့်နေ့
၂☘️ကပိလဝတ် နှင့် ကောလိယ နှစ်ပြည်ထောင်
စစ်ခင်းတော့မည့်ဘေးအန္တရာယ်မှ ကင်းဝေးပြီး
ငြိမ်းချမ်းရေးရသော နယုန်လပြည့်နေ့
၃☘️နတ်ဗြဟ္မာ အသူရာနှင့် ဂဠုံ နဂါးများ ရဟန်း
တော်များဘုရားရှင် လက်ထက်တွင် ဤတစ်
ကြိမ်သာစုရုံးမိသော နယုန်လပြည့်နေ့
၄☘️သာကီဝင်မင်းသားငါးရာတို့ သာသနာဘောင်သို့
ဝင်ရောက်သော နယုန်လပြည့်နေ့
၅☘️ရဟန်းတော်ငါးရာလုံး ရဟန္တာချည်းဖြစ်သော
နယုန်လပြည့်နေ့
၆☘️နိမ္မိတ ဘုရားမေး၍ ပကတိဘုရားဖြေဆိုသည်
ကို နာရသော နယုန်လပြည့်နေ့
၇☘️မဟာသမယ ကိုအကြောင်းပြု၍ ဂဠုံ နှင့်
နဂါးတို့ ခိုက်ရန် မဖက် မေတ္တာသက်ဝင်သော
နယုန်လပြည့်နေ့
၈☘️မဟာသမယ ဆိုင်ရာ သုတ္တန်- ၇ - မျိုးတို့ကို
ဟောကြားသော နယုန်လပြည့်နေ့
၉☘️ဘိက္ခုနီသာသနာ လမ်းစပေါ်သော
နယုန်လပြည့်နေ့
ဤကဲ့သို့ထူးခြားမှုကို အာရုံပြု ၍ ဗုဒ္ဓဘာသာ
ဝင်တိုင်းက နယုန်လပြည့်နေ့ကို မဟာသမယ
အခါတော်နေ့ အထိမ်းအမှတ်အဖြစ် ပူဇော်ကျင်းပ
ပြုလုပ်နိုင်ကြရန်နှိုးဆော်ကြပါသည်။
☘️မဟာသမယသမိုင်း အကျဉ်း☘️
မြတ်စွာဘုရားရှင် သက်တော်ထင်ရှား ရှိစဉ်
အခါက အိန္ဒိယနိုင်ငံတွင် ကပိလဝတ်ပြည်မှ
လယ်သမားများနှင့် ကောလိယပြည်မှ လယ်
သမားတို့ ရောဟိဏီမြစ်ရေကို အကြောင်းပြု၍
ရေလုပွဲကြီး ဆင်နွှဲခဲ့ကြဖူး၏ ။လယ်သမား
များအားအကြောင်းပြု၍ နှစ်ဖက် နှစ်နိုင်ငံမှ
မင်းညီ မင်းသားများနှင့် စစ်သည်တော်များ
သည်လည်းရောဟိဏီမြစ်ရှိရာသို့ရောက်ရှိလာကြ၏။
နှစ်ဖက် နှစ်နိုင်ငံမှ လူအများတို့သည် တုတ် ၊ဓါး ၊
လက်နက် ကိုင်ဆောင်၍ ထိုးခုတ်တိုက်ခိုက်တော့မည့်
အခြေအနေသို့ရောက်ရှိနေကြ၏။
ထိုနေ့ နယုန်လပြည့်နေ့ အရုဏ်ချိန်တက်တွင်
မြတ်စွာဘုရားသည် မဟာဂရုဏာသခင် ဘုရားရှင်တို့၏
ထုံးတမ်းစဥ်လာအရ ဒီနေ့ အဘယ်ဝေနေယျတို့အား ခြွေ
ချွတ်ရပါအံ့နည်းဟု သဗ္ဗညုရွှေဥာဏ်တော် ကွန်ယက်
ဖြန့်ကျက်ကြည့်ရှုသည့်အခါ နယုန်လပြည့်နေ့ နံနက်ပိုင်း
၌ ရောဟိဏီမြစ်ကမ်းသောင်ယံ၌ ကောလိယနှင့်ကပ္ပိလ
နှစ်ပြည်ထောင်သား ဆွေမျိုးများတို့ စစ်ပွဲကြီး ဆင်နွှဲတို
က် ခိုက်ကြကာ အသက်များစွာသေကြေပျက်စီးအချည်း
နှီး ဖြစ်ကြတော့မည်ကို မြင်တော်မူ၍ ရောဟိဏီမြစ်ကမ်း
ဆီသို့ ကောင်းကင်ခရီးဖြင့် ကြွရောက်တော်မူခဲ့ပါသည်။
ယင်းပဋိပက္ခ ဖြစ်သည့်နေရာသို့ မြတ်ဗုဒ္ဓရောက်ရှိ
လာပြီးငြိမ်းချမ်းရေးကို ရှေးရှု၍ အောက်ပါဝတ္ထုများကို
သာဓကထုတ်၍ငြိမ်းချမ်းရေးတရားများကို ဟောတော်မူ
ခဲ့လေသည် ။
၁☘️ဝက်ဝံ နှင့် ရုက္ခစိုးနတ်တို့ ရန်ငြိုးဖွဲ့မှား၍
နှစ်ဦးသားပျက်စီးကြပုံ _ ဖန္ဒန ဇာတ်
၂☘️မြေပြိုပါပြီဟု ထင်ကြေးဖြင့် ဟစ်အော်ထွက်
ပြေးသော ယုန်တစ်ကောင်၏စကားကို ယုံမှား
၍ တိရစ္ဆာန်များအပြေးမှားပြီး ဆင်းရဲ ဒုက္ခ
ရောက်ကြရပုံ -ဒုဒ္ဒုဘဇာတ်(ပထဝီဥြန္ဒိယဇာတ်)
၃☘️အားသေးသော နှံစုတ်ငှက်မက အားကြီးသော
ဆင်ပြောင်ကြီးကို အနိုင်ယူဖူး၍ ရန်သူအထင်
မသေးသင့်ပုံ_ လဋုကိကဇာတ်
၄☘️ညီညွတ်စဉ်အခါက ရန်သူ၏ လက်မှလွတ်
မြောက်သော်လည်း စိတ်ဝမ်းကွဲ၍ အချင်းချင်း
မညီ မညွတ်ဖြစ်သောအခါငုံးငှက်များမုတ်ဆိုး
၏ ပိုက်ကွန်၌ အမိခံရပုံ_သမ္မောဒမာနဇာတ်
၅☘️သက်မဲ့ဖြစ်သောသစ်ပင်များပင် တစ်စုတစ်ဝေး
တည်းနေ၍ လေဘေးအန္တရာယ်မှ ကင်းဝေး
နိုင်ပုံ _ ရုက္ခ ဓမ္မဇာတ်
၆☘️မိမိကိုယ်ကို ထိန်းသိမ်းဆုံးမရန် "အတ္တဒဏ္ဍ "
သုတ်ကို ထုတ်ဆောင်ဟောပြ ဆုံးမတော်မူ
သည် ။
အထက်ပါ သာဓက - ၆ -မျိုးကို နာကြားရသောအခါ
နှစ်ဖက်သောတိုင်းပြည်မှ လယ်သမားများနှင့် မင်းညီ
မင်းသား စစ်သည်တော်များတစ်ဖက်လျှင် (၂၅၀)စီ
နှစ်ပြည်ထောင်မှ မင်းညီ မင်းသား( ၅၀၀)တို့ဒေါသမီး
ငြိမ်းစေကာ လက်နက်များကိုစွန့်ပယ်၍ မေတ္တာဓာတ်များ
အချင်းချင်းသက်ဝင်လာကြကုန်၏။ထို့နောက်သာသနာ့
ဘောင်သို့ဝင်၍ ရဟန်းပြု ကြကုန်၏။
ထိုရဟန်းတော်များသည် ဇနီမယားတို့ကိုအောက်မေ့
တမ်းတ သတိရပြီး သာသနဘောင်၌မပျော်မွေ့နိုင်ဘဲ
ရှိကြလေရာ မြတ်ဗုဒ္ဓက ဟိမဝန္တာတောအတွင်း ကုဏ္ဍာလ
ရေအိုင်သို့တန်ခိုးတော်ဖြင့်ခေါ်ဆောင်၍ ကုဏ္ဍာလငှက်
မင်း၏ဇာတ်ကြောင်းကို ဟောတော်မူပါသည်။ တရားအ
ဆုံး၌ ရဟန်းတော်ငါးရာလုံး သောတာပန် ဖြစ်တော်မူကြ
ပါသည် ။
မြတ်ဗုဒ္ဓသည် ကုဏ္ဍာလရေအိုင်မှ ကပိလဝတ်ပြ
ည်အနီး မဟာဝုန်တောကြီးသို့ပြန်လည်ကြွတော်မူရာ
အပြန်ခရီးတွင် သောတာပန် ရဟန်းငါးရာလုံးတို့မှာ
မိမိတို့၏တန်ခိုးတော်ဖြင့်လိုက်ပါလာကြကုန်၏။
ထိုမဟာဝုန်တော်ကြီး၌တရားတော်ကို ဆက်လက်အား
ထုတ်ရာ ရဟန်းတော်အားလုံး ရဟန္တာချည်း ဖြစ်တော်မူ
ကြပါသည်။ ရဟန်းငါးရာတို့သည် မိမိတို့ရရှိပြီးသော
တရားထူးကို လျောက်ထားရန်နှင့် မြတ်ဗုဒ္ဓကို ဖူးမြော်
ရန် နယုန်လပြည့်နေ့ ညချမ်းအချိန်တွင် မြတ်ဗုဒ္ဓ ထံသို့
စုရုံးရောက်ရှိလာကြကုန်၏ ။ဤသို့ထူးခြားသော သံဃာ
အစည်းအဝေးကြီးကို တွေ့မြင်ကြည်ညိုလိုကြကုန်သော
နတ် ဗြဟ္မာ အသုရာနှင့် ဂဠုံ နဂါးတို့သည် မဟာဝုန်တော
ကြီးသို့အုပ်စုလိုက် စုရုံးရောက်ရှိလာကြကုန်၏။
ဘုရားရှင်လက်ထက်တော်အခါက " နယုန်လပြည့်
နေ့" တွင် ဤ ကဲ့သို့သောနတ်ဗြဟ္မာများစုရုံးစည်းဝေးမိ
သောအချိန်ကို …" မဟာသမယ " ဟုခေါ်ဆိုပါသည်။
ထိုနတ်သဘင်အစည်းအဝေး၌ နတ်ဗြဟ္မာ တွေက
တစ်လှည့်စီ တစ်လှည့်စီ ဘုရားရှင်ကို အနီးကပ်ဖူးမြော်
ကြသည့်အခါ ထို နတ် ဗြဟ္မာများအား မြတ်စွာဘုရားမှ
စစ်သည်ရဟန္တာ (၅၀၀)တို့နှင့် မိတ်ဆက်ပေး၍ ချစ်သား
တို့..ဟောဒီနတ် ဟောဒီဗြဟ္မာတွေကတော့ ဘယ်ဘုံမှာနေ
တယ် ဘယ်လိုတန်ခိုးဣဒ္ဓိပါဒ်တွေရှိတယ် အခြံအရံတွေ
ကလည်း ဘယ်လောက်များတယ်၊ နာမည်ကတော့
ဘယ်လိုခေါ်တယ် စသဖြင့်ထုတ်ဖော်ဟောပြောခဲ့လို့
မဟာသမယသုတ်တော်ဆိုတာ ပေါ်ပေါက်ခဲ့ရလေ၏။
ထိုနတ်သဘင်အစည်းအဝေး၌ အမည်နာမအမျိုးမျိုးကို
ထုတ်ဖော်မြွှက်ကြား နုတ်ခွန်း ဆက်သောအားဖြင့် မိန့်
ကြားသော စကားတော်များကို မဟာသမယသုတ်ဟု
ခေါ်ဆိုရပါသည်။
မဟာသမယသုတ်တော်ကြီးကို ဟောကြားပြီးနောက်
စရိုက်အားလျှော်စွာ အောက်ပါ သုတ်တော်များကို
ဆက်လက် ဟောကြားတော်မူပါသည်။
၁🌸ရာဂစရိုက်အားကြီးသူအတွက် သမ္မာပရိဗ္ဗာဇနိယသုတ်။
၂🌸ဒေါသစရိုက်အားကြီးသူအတွက် ကလဟဝိဒါဒသုတ်။
၃🌸မောဟစရိုက်အားကြီးသူအတွက် မဟာဗျူဟသုတ်။
၄🌸ဝိတက်စရိုက်အားကြီးသူအတွက် စူဠဗျူဟသုတ်။
၅🌸သဒ္ဓါစရိုက်အားကြီးသူအတွက် တု၀ဋကသုတ်။
၆🌸ပညာစရိုက်အားကြီးသူအတွက် ပုရာဘေဒသုတ်တို့ကို ဟောကြားတော်မူရာ နတ်ဗြဟ္မာပေါင်း ကုဋေတစ်သိန်းစီ ကျွတ်တန်း၀င်ကြလေသည်။
ဤမဟာသမယသုတ်ကို အစဉ်အမြဲရွတ်ဘတ်နေပါက နတ်များ၏ချစ်ခင်မှုကို ခံရကြောင်း၊ အိမ်သစ်, တိုက်သစ်, နေရာသစ်တို့၌ မင်္ဂလာယူလိုသော ပုဂ္ဂိုလ်တို့သည် ဤမဟာသမယသုတ်ကို ရွတ်ဆိုဖတ်ကြားသင့်ကြောင့် အဋ္ဌကထာဆရာက ပြဆိုထားပါသည်။ (ဣဒံ ပန မဟာသမယသုတ္တံ နာမ ဒေ၀တာနံ ပိယံ မနာပံ၊ တသ္မာ မင်္ဂလံ ၀ဒန္တေန အဘိန၀ဌာနေသု ဣဒမေ၀ သုတ္တံ ၀တ္တဗ္ဗံ။ ဒီ၊ ဌ၊ ၂၊ နှာ၊ ၂၈၇။)
🍀ဒီမဟာသမယသုတ်တော်သည် နတ်ဗြဟ္မာတို့ အလွန်ချစ်ခင် ကြည်ညိုတဲ့ သုတ်တော်ဖြစ်လို့ နတ်ချစ်ဆေးဟုပင်တင်စားခေါ်ဝေါ်ကြပါတယ်။🍀
"နယုန်လပြည့် မဟာသမယ အခါ
တော်နေ့ " ဂုဏ ပူဇာ မင်္ဂလာ ကို ဤစာစုဖြင့်
ဦးခိုက် ပူဇော်လိုက်ပါ၏ ။
#မူရင်းရေးသားပူဇော်သူအပေါင်းအားဦးတင်ရှိခိုးပါ၏။
