08/10/2026
Өнөөдрөөс Английн цаг агаарын төвөөс El Nino гэх нэртэй цаг агаарын асар хүчтэй өөрчлөлтийн улмаас Англи болон төв хойд Европын бүх нутаг хамарсан хүйтрэлт энэ өвөл болно гэж анхааруулав.
Энэ нь дэлхийн хэт дулаарлаас үүдэж Атлантикийн хүйтэн урсгалын хуйлрал задрах эрсдэл юм байна.
Энэ намар Англи даяар хур бороо багатай маш дулаахан намар болж байгаа нь бас тийм ч сайны дохио биш аж.
Удахгүй хүчтэй салхи их хэмжээний бороо үер болох эрсдэлтэй гэнэ.
Энэ үзэгдлийн нөлөө зүүн өмнөд Азийн нутгууд Энэтхэг Индонез Тайланд хэдийнээ эхэлж их хэмжээний үер болоод байгаа гэнэ.
Учир нь энэ Атлантикийн урсгал задрахад хур тунадасны хэмжээ ихэсдэг гэнэ.
Энэ урсгал яваандаа задрахдаа урагш чиглэн Европ тивийг яг дайрах ба үүнд Оросын Сибирь Хятадын хойд бүс нутаг болон Монголд нөлөө үзүүлэх өндөр магадтай.
12 сар хүртэл эдгээр нутгаар өвөл ердийнхөөс ялимгүй дулаан байх ба 2027 оны 1, 2 р сар их хэмжээний бүр маш их хэмжээний цас унах тооцоотой гарчээ.
Ямар сайндаа л сүүлийн хэдэн жил цас ороогүй Англи тэр тусмаа Лондон хүртэл өртөнө гэхээр ямархан том өөрчлөлтийг хэлж байгаа нь ойлгомжтой.
Их цаснаас болж зам харгуй унаа тээвэр хаагдах магадтай тул одооноос дор хаяж 3 хоногийн тог хэрэглэхгүй идэж болох хүнс нөөцлөлтийг сануулж анхааруулав.
Өнөөдрийн энэ мэдээг сонсоод Монголд баавгай олноор бууж ирж байгаа нь энэ байгалийн өөрчлөлттөй холбоотой байж магад гэж би бодлоо.
Баавгай ичдэг амьтан.
Ичихээс өмнө хүнс тэжээлээ хангалттай идэж тарга тэвээрэг нөөцөлж олон сар юу ч идэхгүй унтахдаа бэлддэг..
Одоо энэ их олноор гарч ирж байгаа баавгайнууд зөвхөн идэш тэжээл дутсандаа ч биш байгалийн их өөрчлөлт үзэгдлийг мэдрээд дайжих эсвэл түүнд бэлдэж байгаа дохио байхийг ч үгүйсгэхгүй санагдлаа.
Олон жил ан хийсэн хүмүүс байгаль дэлхий ажигладаг хүмүүс юу хэлдэг юм бол доо.
Гэхдээ ямар ч байсан цаг уурын мэргэжилтнүүд энэ удаагийн El Nino шуургын аюулын хүчдэл дохио нь сүүлийн 200 жилд лав байгаагүй өндөр үзүүлэлттэй гэхээр бас л баавгай байтугай нь мэдэрч сандармаар л түгшүүртэй сонсогдож байна шүү.
Та нар минь энэ өвөлд онцгой анхаарч бэлдэх хэрэгтэй юм байна шүү!
