23/09/2026
Nostalgie Toere se Chelsea Blomme toer was werklik besonders. Ons reis begin in Stanford met Leon Kluge se ongelooflike Life After Fire-uitstalling.
Life After Fire vertel die besondere verhaal van die Kaapse fynbos na ’n brand en hoe daar na verwoesting weer nuwe lewe en kleur ontstaan. Dit wys op ’n besonderse manier hoe vuur deel is van die natuurlike siklus van die fynbos.
Ons bly in die pragtige High Season Farm in die Hemel-en-Aarde-vallei waar ons heerlik saam gekuier en ’n lekker braai geniet het.
Die volgende oggend voordat ons Hermanus toe is, het ons by Rotary View Point gestop om die asemrowende uitsig te bewonder en natuurlik ’n paar mooi foto’s te neem. Daarna is ons Hermanus toe vir ’n bietjie vrye tyd.
Op pad terug het ons by Wildebraam in Swellendam gestop vir ’n liqueur proe, die perfekte afsluiting van ’n besonderse naweek.
Dankie aan elkeen wat saam met Nostalgie Toere gereis het. Dit is die mooi plekke, lekker lag, goeie geselskap en al die klein oomblikke wat van elke toer ’n spesiale herinnering maak.
