Nostalgie Toere

Nostalgie Toere SUID-KAAP SENIORS NOSTALGIE TOERE bied n volledige toer program aan wat alles insluit teen n billike tarief.
(1)

Dag uitstappies, plaaslike toere, musiek konserte asook verhoog produksies. Kontak Nostalgie Toere vir u persoonlike groep bespreking. SENIORS QUALITY OF LIFE
Join the Pensioners
Get the benefits

08/06/2026

Molopo Lodge

Wat 'n besondere ervaring! Die verblyf is uitstekend, die kamers gerieflik en netjies en die kos is werklik uit die boonste rakke. Van die oomblik wat ons aangekom het is ons hartlik verwelkom en deurgaans met vriendelikheid en uitstekende diens behandel.
Die hoogtepunt was beslis die bederf, 'n drankie op die rooi duine terwyl ons die asemrowende Kalahari sonsondergang geniet het. As ekstra bederf het die Boesmans 'n kort vertoning aangebied wat deur almal terdeë geniet is en die ervaring nog meer besonders gemaak het.
Baie dankie aan die bestuur en personeel van Molopo Lodge vir julle gasvryheid en die moeite wat julle doen om ons gaste tuis te laat voel. Julle het vir ons 'n onvergeetlike tyd geskep en ons sien beslis daarna uit om weer by julle te kom kuier.

05/06/2026

Vandag het ons by die bekende Oranjerivier Wynkelders aangedoen, een van Suid-Afrika se grootste wynprodusente. Geleë langs die magtige Oranjerivier bied die streek ideale toestande vir die verbouing van druiwe en die produksie van gehalte wyne.
Die wynproe met versnapperinge was 'n heerlike ervaring en het ons laat kennis maak met van die streek se wyne.
Nou is dit tyd om die pad aan te pak na Kgalagadi Lodge. Die atmosfeer in die bus is uitstekend met baie lag, gesels en natuurlik die bekende "Ou Ryperd" wat uit volle bors gesing is.
So word die kilometers sommer baie korter gemaak....

05/06/2026

Na 'n lang rit oor paaie wat ons net weer laat besef hoe bevoorreg ons is met die infrastruktuur in George en Mosselbaai kom ons uiteindelik by Augrabies aan.

Wat 'n besondere plek! Die pragtige akkommodasie, heerlike ete en pragtige natuurskoon het die lang pad die moeite werd gemaak. Vanoggend vroeg het ons met beskuit en koffie die dag begin voordat ons die beroemde Augrabies waterval gaan besoek het.

Geen foto kan regtig vasvang wat 'n mens daar beleef nie. Die magtige waterval, die indrukwekkende rotsformasies en die krag van die natuur laat 'n mens net weer besef hoe wonderlik God se skepping is en hoe mooi ons land werklik is.

Nou is ons op pad na Kakamas en Upington voordat ons later vandag by Kgalagadi Lodge aankom. Ons avontuur gaan voort!

03/06/2026

Ons groep was reeds vroegoggend gereed om die pad aan te durf. Dit was heerlik om langs die pad stil te hou en eers 'n unieke cherry- en sjokolade "pairing" te geniet.
Die dag se rit was nie besonder lank nie maar die laaste paar kilometer voor Orania het die padtoestand ons behoorlik uitgedaag. Jannie moes al sy bestuursvernuf gebruik om die talle slaggate te vermy.

Met ons aankoms in Orania het ons dadelik gevoel dat ons welkom is. Die hotel is pragtig, ons kamers netjies en gerieflik en die aandete was uitstekend. Die dorpstoer was besonder interessant en insiggewend. Orania is 'n unieke gemeenskap wat daarna streef om selfstandig en onafhanklik te funksioneer.
Die dorp het gegroei van 'n klein nedersetting tot 'n florerende gemeenskap met skole, besighede, landbouprojekte en toerisme-aktiwiteite.
Dit was 'n besondere ervaring om hierdie unieke deel van Suid-Afrika te besoek en ek kan n besoek beslis aanbeveel.
Môre vertrek ons na die indrukwekkende Augrabieswaterval Nasionale Park. Ons sien uit na nog 'n dag vol nuwe ervarings en mooi herinneringe.

Address

George
6530

Telephone

+27629595235

Website

Alerts

Be the first to know and let us send you an email when Nostalgie Toere posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nostalgie Toere:

Shortcuts

Share

Category